السلطانييييييييييية

في الاول كده عايز اقول اني كتبت الجزء التاني في حكاية عم محمد في
بهارات الاتصالات

----------------------------------------

اخش في الموضوع

جالي نفس التاج من

بحبك يا مصر
محمد هدوووء

وعلى طول بعتذرلهم على التأخر اوي في الرد
بس حخش في الرد على طوووووووووووووووووول


من هو:أحب شخص لقلبك فى الدنيا؟

شخص واحد بس
يبقا حظلم ناس كتير

انسان مستعد تضحي بحياتك - ركز فى كلمة حياتك- علشانة؟

هم برضه نفس الناس اللي مش عايز اظلمهم في السؤال الاول

اسم أول حب؟

يعني ينفع الاسئلة دي برضه
ده سيكريت لحد ميبقا
world wide
:D

اسم اخر حب(حتى الان)؟

هو هو اللي عايزه يبقا وورلد وايد

ما هو :اسم أجمل كتاب كتبه بشر قرأته ومحتفظ به حتى الان ؟
هو مش كتاب اوي يعني
هي مجموعة روايات مصرية للجيب بشتى اقسامها

اسم كتاب-كتبه بشر برضة- انت متعلق بيه وبتقرأه كل فترة؟
لا متعودتش اعيد قراءه الكتب تاني يعني ولكن ممكن ساعات اضرب قصتين ميكي واللا حاجه
:d

اهم جهاز منزلى انت متعلق بيه او بتستخدمه كتير ؟
جهاز منزلي متعلق بيه
مفيش
ولكن جهاز عامة
الموبايل والكمبيوتر


شىء تحس بالراحة النفسية عندما تنظر اليه ؟

مدونه روزاليا
;)

مكان تحس فيه بالحنين الى شىء لا تدرى ماهو و ذكريات جارفة الى لاشىء ؟

الاسكندرية في بحري بالذات في مركز شباب الانفوشي وعند محل كبابجي ابو راوية

مكان تحس بالراحة عندما تدخله ؟

المسجد وخاصة لو كان مليان

اجمل مدينة زرتها داخل مصر ؟

ياااااااه كتير اوي
مصر دي حلوة جدا بس لو بصينا على جمالها
عندك الاسكندرية في الشتاء تحفة
مرسي مطروح رهيبة رهيبة
سيناء بالكامل
وبلدي بورسعيد
الاقصر واسوان
القاهره بلليل في جولة نيلية عند مبنى التليفزيون كده
تحفة يا جماعة

أجمل مكان طبيعي رأيته داخل مصر؟

شاطئ عجيبة في مرسي مطروح
شرق التفريعة في بورسعيد وده مكان صناعي
شروق الشمس على شاطئ بورفؤاد


نوع هاتفك المحمول؟

3310
بيقول الو


سرعة بروسيسور جهازك ؟

يعني بتاع 2.4 ميجا هرتز تقريباً بعد صيام طويل
:D

حجم ذاكرة –هارد- جهازك ؟
بستخدم منها مساحة قليلة والباقي مشغول بحاجات مش بستخدمها

المساحة التى تشغلها المواد الاسلامية على جهازك ؟
مش عارف الصراحة بس مساحة كويسة

نفس المساحة السالف ذكرها فى قلبك-الاجابة لنفسك عشان الرياء يا اخواننا ؟

الاجابة لنفسك علشان الرياء يا اخوانا

أهم هدف انت واضعه لحياتك دلوقتى ؟

اتخرج من الكلية على خير وبتقدير كويس في ظل اللي الواحد شايفة من طحن مستمر داخل وخارج الكلية

مواصفات فتاة –أو فتى للبنات- الأحلام بالنسبة لك ؟

متدينه
مثقفة ودماغها كبيره
جميله
طيبة ومن اصل طيب
بس شوفتوا مش كتير يعني

صف ما يأتى :شعورك لما بتسمع كلمة مصر؟

زي اللي بيحصلك بالظبط لما تشوف مشهد رأفت الهجان ولما محسن ممتاز يطلع الفلوس ويديها لرأفت
فيقوله بس ده كتير يا محسن بيه
يقوله هوا انا دافع حاجه من جيبي
يرد رأفت يقوله امال مين اللي دافع
يقوله مصر هي اللي دافعة

تن تن تن تاااااااا

شعورك لما بتسمع كلام عن اليهود ؟

مهو يتوقف على اي كلام يعني نوع الكلام
لو شتيمة فيهم فده الطبيعي
لو حد مقتنع بيهم يبقا غبي
لو حد مصدقهم يبقا شايف انه مش بيصدق ربنا والرسول عليه الصلاة والسلام بما اخبرونا عنهم
لو في الديمقراطية
فهم بأمانه عندهم اللي مش عندنا في الحته دي
بس


شعورك لما بتشوف ظابط شرطة ؟
بقلق مش عارف ليه مع اني معملتش حاجه وعلاقتي بيهم كويسة سواء حرس جامعة او قواد الحرس الجامعي ودول اللي احتكيت بيهم

شعورك لما بتشوف الكناس العجوز فى الطريق ؟

بحس اني معنديش دم علشان كنت برمي الورق وقشر اللب في الارض


لون البطانية اللى بتتغطى بيها فى الشتاء ؟

بني..وكمان فيه واحده كده كريمي فيها ورده حمراء كبيره

لون الجورب-الشراب- المفضل لديك ؟
لا عادي بس في العاده بيكون ازرق

احساسك اذا داست قدمك فى الطريق على مخلفات اخراج حيوان- *** ولا مؤاخذة

هههههههههههههههههههههههههههههههه

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف ؟

بقول الحمد لله ان فيه حد مش لابس حاجات عجيبة وبسأل نفسي امتا بقا اقدر اخد قرار قوي كده

احساس يراودك فى اشارة مرور مغلقة بسبب مسئول كبير؟

مفيش ده عندنا في بورسعيد
بس بيقفلوا شارع الميناء علشان لو فيه سياح يعني بس
ودي حاجه بتغيظني جدا جدا جدا علشان دي شوارعنا ومش شوارعهم
يقفلوها لما ييجوا
مش يقفلوها قبل مييجوا بساعة
ليه يعني

كان فيه بس سؤال زياده في التاج اللي جايلي من محمد


شخصية كارتونية بتحبها؟

يااااااااه جيتلي في اللي بحبه بقا
كابتن ماجد اكيد اكيد اكيد بكل اجزاءه
وبحب بسام على فكره مع انه كان بيطلع ضد البطل بس هو شاب مكافح اوي
وكمان ياسين وعمر ووليد حتى الاخوين شوقي وكابتن مجد ومازن حلمي وغريب ووو
يعني الكارتون كله بكل شخصياته وكل واحد ليه معايا قصة

مازنجر كنت بحب ماهر في مازنجر جدا

كونان لسه بيبهرني وبتعلم منه كتير

كفايه كده علشان لو اتفتحت مش حقفل


----------------------------------------
الحمد لله خلصت التاجات اللي عليا

ومش ناوي ادبس حد تاني في السلطانية دي