Saturday, July 21, 2007

مرجان بيرشي مورجااااااااان



النهارده

وعلى غير العادة

ومن باب كسر روتين الحياه

اتصل بيا صديقي وقالي ايه نظامك النهارده

قولتله شغااال

قالي ليك في سينما

قولتله داخلين ايه

قالي مرجان

قولتله قشطة معاكم


على السريع اتصل بيا بعد العصر واتفقنا على النزول 7 ونص

على7 وثلث كنت في الشارع

اخذنا العربية

وعلى السينما

حجزنا 4 تذاكر

محدش يقولي كل واحد فيكم عزم التاني

لا يا باشا كنا 4 افراد يعني


المهم

روحنا شوفنا ماتش الاهلي

وينفخ في صورتك يا اهلي

وربنا يرحمك يا حضري كنت راجل طيب قبل الركبة اللي كلتها في وشك


المهم

بعد الماتش شوية تمشية وبعدين

ع السينما

مناظر غريبة بتدخل السنما الواحد اتحول

بسرعة النور الطفا

ايون الكهرباء قطعت

انا قولت كده برضه

لكن لحسن الحظ

الفيلم بدأ وطلع النور اطفأ علشان الفيلم


ملحوظة :انا بهرج يعني علشان اصحاب الدماغ العالية محدش يقول عليا محدث


المهم بدأ الفيلم بمشهد طويل

ملخصه ان عادل امام يرشي الموظف اللي جاي عليه تفتيش

واللي بيقبض 3000 جنيه في الشهر

يرشيه ب 200 الف جنيه

وخارج يشكر في شركته


وتتوالى المواقف والاحداث

ليرشي شاعر

ودكتور

ورئيس جامعة

وحكم

وحارس مرمي

وكان عايز يرشي العارضة كمان

ويرشي طالب التيار الاسلامي

و و و و و


والسر في الشاي بالياسمين

واللي راح الفيلم حيعرف


يعالج الفيلم بسياسة عجيبة ساخره موضوع الرشوة

ويظهر عادل امام في الموقف الصحيح اللي بيعمله انه ميرضاش ان بنته تبقا متصاحبه وتهريج في الجامعة

وميرضاش ان ابنه ياخد بنت على ترابيزه وهو اصلا بيبوسها قبل ميقعد

يبقا هو جاهل

وده عادي


الدنيا كلها طول الفيلم بتترشي

الى ان قالت ميرفت هانم امين مع اعتراضي الكامل على ادائها لمشاهد كتير في الفيلم

لكن تقوله مصر فيها 72 مليون لو رشيتهم كلهم حبقا انا اخر واحده

علشان يرد عليها بالرد اللذيذ

مهو كلهم قبضوا مافضلش غيرك


كله بيرتشي في الفيلم

وطبعاً تتوالى الحكم من فم عادل امام لما يقول لازم تظبط من فوق ومن تحت

علشان لو اللي فوق سابوك

اللي تحت يلقفوك

ولو اللي تحت سابوك

اللي فوق يساعدوك


ورشوة وتزوير في الانتخابات

وكلام في الهجايص في مجلس الشعب

كمية يأس واحباط محطوطين في الفيلم بشكل ساخر

احيي الكاتب العبقري يوسف معاطي عليها

لكني اختلف معاه في كثير من المواقف اللي في الاخر تظهر ان ولاده

اللي مقضيينها دول

وبيقولوا لأبوهم انه ميشرفهمش

مطلعين ده عادي وانه حوار ديمقراطي

وال ايه لما زعقوله وضربهم

هو اللي راح يتأسفلهم


وفي اخر الفيلم الخير بينتصر بقا على الشر ويطلع مرجان يتعلم وياخد الشهادة

وكله يبقا في الكليتش


راجل راشي

والناس كلها بترتشي

وفي الاخر يعيش في تبات ونبات ويخلف صبيان وبنات


كلام فيه كتير صح

بس برضه منطق مغلوط منعالجش اي خطأ بخطأ


وموووورجان احمد مورجاااان


الواد هيثم الكووووول ده ملوش حل

اه هيثم اسمه في الفيلم


وشهيصني وانا ارسيك على الحوار

وعايز اعرف ايه شهيصاتكم على الحوار ده


منش برضه لسه فيه ناس مش بترتشي واللا انا بيتهيألي


------------------------------------------------

على الهامش

والمواصلاااااااات فاضييييااااااااااه

والشقق كتييييييييره

وكل شوية تقولولنا فكوا الحزام فكوا الحزام

تعيش الحكومة

يعيش احمد عرابي

ويعيش محمد على كلاي

ومحمد الكحلاوي

وتحيا الوحده العربية


وشهيصني وانا ارسيك على الحوار

Friday, July 13, 2007

Sorry



تعلمت هذه الكلمة من صديق قديم

لم تعد تصلني اخباره الان بالرغم من طول فتره صداقتنا التي امتدت اعوام واعوام


ولكن يظل يعلق في ذهني

هذه الكلمة

التي عندما اخطأ

واوقن بخطأي

اسارع بقولها

واسارع بتعديل الخطأ وطلب السماح من الذي اخطأت في حقة

وازيد وازيد حتى يرضى


وانا الان اقولها

للجميع

جميع اصدقائي

اخواني

احبابي

من تربطني بهم علاقة قوية

او ضعيفة

من كنت اهتم به

ثم انشغلت عنهم


فقد اخطأت

نعم اخطأت

اخذتني الحياه وتسارعه في هذه الفتره من عمري

لتأخني وتأخذي اهتمامي بكم

وتركيزي معكم

الى نقطة اخرى بعيده كل البعد


نعم اخطأت ولا مبررات

اخطأت عندما انشغلت

وانتم

اصبتم عندما عاتبتوني


لذلك اطلب منكم ان تعاتبوني دائماً

وبأقصي ما يمكنكم من شده

فإن احسنت اليكم

فأعينوني ان اظل هكذا

وان انشغلت عنكم

فقوموني

وعاتبوني

مرات ومرات


العتاب كان مهم في الوقت ده

اكثر مما تتخيلوا


فشكراً لكل من اهتم وعاتبني على انشغالي


ومره اخرى

sorry


وسأسعى لإصلاح ما فسد بإنشغالي

Sunday, July 08, 2007

مش معقووووووووووول الحمد لله يااارب

يا جماعة
يا شعب
بختصار
بعد عناء سنتين
بعد مده طويلة من العذاب
بقالي سنتين مش عارف اقولها
بقالي سنتين محروم منها
انا نجحت صاااااااااااااااااااااااااااااااااااااااااااااااااااااااااااااافي
اخيرررررااااااااااااااااا
مش مصدق نفسي
اخيرا معادش فيه زلطة ونص
معادش فيه
wave
معادش فيه مواد عليا
لا لا لا قول كلام غير ده
انا مش مصدق
حعيط
الله اكبر
الله اكبر
انا نجحت يا جدعاااااااااااااااااااااااااااااااااااااااااااااااااااااان

Wednesday, July 04, 2007

ياااااااااااه


اسبوع طوييييييييل

السلام عليكم ورحمة الله وبركاته الاول

ازيك يا مدونتي

ازيكم يا شباب

بقالي كتير اوي مش باجي هنا ولا بخش نت

احكيلكم عن الاسبوع اللي فات علشان ده كان من اطول الاسابيع اللي الواحد عاشها

واللا بلاش الاسبوع لحسن البوست يبقا طويل اوي

نقول ان من يوم الثلاثاء اللي فات بتاع الاسبوع اللي فات ده

بدأت دورة اعداد مدربين

في بورسعيد

الدورة دي بالصلاة على النبي عليه الصلاة والسلام

حوالي 5 ساعات يومياً ويمكن اكثر

ودي اكثر حاجه خليتني اكون منقطع كده

في اليوم قبل الاخير من الدورة كنا مروحين على 12 بلليل وكنت ميت من التعب علبال منمت ومش عارف ايه كانت الساعة 2

وصحيت 5 الصبح

نزلت على 6 روحت القاهره في مشاوير مهمة

من بورسعيد لمدخل القاهره ثم الطريق الدائري ثم ميدان لبنان

بعدها الطريق الدائري تاني

ثم المقطم

وبعدين نرجع بقا على العاشر من رمضان وبعدين نرجع على بورسعيد

وصلت بورسعيد 5 بعد العصر

وده ميعاد الدورة

روحت على الدورة مباشرة بعد لما كنا جيبنا تورته بمناسبة انتهاء الدورة كان مظبطنا فيها منسق الدورة

طبعاً الواحد مكانش شايف ادامه ومع شوية كافيين نسكافيه بقا وكده الواحد قدر يستمر

مروحين اليوم ده على 12

نمت وصحيت على 8 الصبح

ليه

علشان حنبدأ الانتقال مع بعض زمايلي في الكلية لموقع تدريب علشان نتم تدريب صيفي جديد

اتحركنا من ادام الكلية على الساعة 10

وسافرنا لى شرق التفريعة

وراجعين من هناك وداخل بيتنا الساعة 4 العصر

ونزلت على 8 ونص علشان نشوف ماتش الاهلي والزمالك

وطبعاً بقا ببارك للنادي الاهلي اللي خلاني ارفع راسي طول الماتش بالرغم من اني كنت محاصر بالزملكاوية من كل جانب

:)

المهم خلص الماتش وكنا عاملين عيد ميلاد لواحد صاحبنا

وبعدين روحنا الساعة 1 لعبنا ماتش كورة كنا في بيوتنا الساعة 3 الفجر

علشان نصحى يوم الثلاثاء على الساعة 6 الصبح علشان نوصل صور مطلوبة علشان التدريب

طبعاً بعد الفتره دي

سريري كان واحشني اوي

وكان كل حد يتصل بيا

كنت رد عليه وانا عيني لسه مغمضة تقريباً

دعواتكم ربنا يسهل في التدريب

ودعواتكم ان الاسبوع ده ميتكررش بنفس الضغط ده تاني

يااااااااااااااااااااااااااااااااارب