من فتره كنت في مسجد السلام في بورسعيد
كانت الخطبة بتتكلم عن الفتن الطائفية وان الفتنه نائمة ولعن الله من ايقظها
وكلام كله بيصب في هذا الموضوع
الموضوع ده كان الجمعة الاولى من شهر مارس
وكنت في المسجد ده بحكم كمان اني بعد الصلاة كنت حوزع
ورق دعاية علشان سوق الفن اللي عاملينه مع موقع بورسعيد اونلاين
المهم
سيبكم بقا من كل ده
انا اللي لفت نظري
شخص
كان قاعد جنبي
من مظهره يدل على انه بائع سمك
ذقن منبته
شعر ابيض مختلط ببعض شعرات سوداء
كرش ضخم
وصحة واضح انها منهكه من كثرة العمل
جلست استمع الخطبة
وكل شوية اسمع الرجل ده بيتكلم كده في سره
قربت اكثر وبدأت اركز معاه شوية برضه
لقيته كل الايات اللي مذكورة في الخطبة بيكملها مع الخطيب
وفيه ايات الخطيب يلجلج فيها شوية الاقيه عمال يكملها وكأنه بيكلم الخطيب
كده وقولت كويس
شوية ولقيت الخطيب بيحكي قصة في زمن الحاكم احمد ابن طولون
طبعاً انا عمري مقريت حتى في تاريخ مصر في العصر ده
بس لقيت الراجل بيسابق الامام وبيكمل القصة
مش بيكملها بغرض التكمله
بس عارف لما تسمع حاجه وتلاقي نفسك بتدندن كده مع نفسك او بتكمل لنفسك
تلاقي نفسك بتقول الموضوع غصب عنك
كان كده فعلا
الراجل ده لفت نظري بشده
ولحد دلوقتي مستغرب بساطته
رجل في مثل عمله
ومثل عمره
ويحفظ كتاب الله
ويعلم من القصص الجميلة والتي ذات معنى ما يعلم
وماشاء الله عليه
تحسرت كتير على نفسي اني نص الايات مش عارف باقيها وان كنت حتى قرأتها من قبل اكثر من مره
وكمان القصص اللي بيقولها الخطيب معرفهاش
قولت لنفسي هذا الرجل البسيط بالرغم من مشقة عمله ومشاغل دنياه
فإنه يعرف ولو شئ بسيط من امور دينه
وسألت نفسي
هل حييجي اليوم اللي اقعد جنب واحد في سني دلوقتي
عندما اكون في مثل سن هذا الرجل
ويكتب نفس الكلام
ياريت
----------------------
على الهامش
يا نفس متى تتوبي
يا نفس متى تتوبى ؟ .....وتبدلي بالمعاصي الطاعات
يانفس متى تتوبي ؟ .....أبعد ان تنتهى الغايات ؟
وما تلك الغايات ؟...... افي الحياة هي ..ام بعد الممات
وما الغايات الا متع .... مال وولد.. طعام وملذات
اليست هذه هناك ؟ .....جزءاً يسيراً بالجنات
توبي فالبقاء هنا قليل ..... والحياة هناك ابد الآباد
تمتعي بعبادة ساعة .....حتى تذكريها كأحلى الاوقات
نولى سعادة طاعة ......فبدون الطاعة لا توجد سعادات
حب الناس لك سعادة ..... لن تنوليها الا برضا من رب العباد
فيانفس توبي وارجعي ....الى واحة السعادة وجنة الطاعات
كانت الخطبة بتتكلم عن الفتن الطائفية وان الفتنه نائمة ولعن الله من ايقظها
وكلام كله بيصب في هذا الموضوع
الموضوع ده كان الجمعة الاولى من شهر مارس
وكنت في المسجد ده بحكم كمان اني بعد الصلاة كنت حوزع
ورق دعاية علشان سوق الفن اللي عاملينه مع موقع بورسعيد اونلاين
المهم
سيبكم بقا من كل ده
انا اللي لفت نظري
شخص
كان قاعد جنبي
من مظهره يدل على انه بائع سمك
ذقن منبته
شعر ابيض مختلط ببعض شعرات سوداء
كرش ضخم
وصحة واضح انها منهكه من كثرة العمل
جلست استمع الخطبة
وكل شوية اسمع الرجل ده بيتكلم كده في سره
قربت اكثر وبدأت اركز معاه شوية برضه
لقيته كل الايات اللي مذكورة في الخطبة بيكملها مع الخطيب
وفيه ايات الخطيب يلجلج فيها شوية الاقيه عمال يكملها وكأنه بيكلم الخطيب
كده وقولت كويس
شوية ولقيت الخطيب بيحكي قصة في زمن الحاكم احمد ابن طولون
طبعاً انا عمري مقريت حتى في تاريخ مصر في العصر ده
بس لقيت الراجل بيسابق الامام وبيكمل القصة
مش بيكملها بغرض التكمله
بس عارف لما تسمع حاجه وتلاقي نفسك بتدندن كده مع نفسك او بتكمل لنفسك
تلاقي نفسك بتقول الموضوع غصب عنك
كان كده فعلا
الراجل ده لفت نظري بشده
ولحد دلوقتي مستغرب بساطته
رجل في مثل عمله
ومثل عمره
ويحفظ كتاب الله
ويعلم من القصص الجميلة والتي ذات معنى ما يعلم
وماشاء الله عليه
تحسرت كتير على نفسي اني نص الايات مش عارف باقيها وان كنت حتى قرأتها من قبل اكثر من مره
وكمان القصص اللي بيقولها الخطيب معرفهاش
قولت لنفسي هذا الرجل البسيط بالرغم من مشقة عمله ومشاغل دنياه
فإنه يعرف ولو شئ بسيط من امور دينه
وسألت نفسي
هل حييجي اليوم اللي اقعد جنب واحد في سني دلوقتي
عندما اكون في مثل سن هذا الرجل
ويكتب نفس الكلام
ياريت
----------------------
على الهامش
يا نفس متى تتوبي
يا نفس متى تتوبى ؟ .....وتبدلي بالمعاصي الطاعات
يانفس متى تتوبي ؟ .....أبعد ان تنتهى الغايات ؟
وما تلك الغايات ؟...... افي الحياة هي ..ام بعد الممات
وما الغايات الا متع .... مال وولد.. طعام وملذات
اليست هذه هناك ؟ .....جزءاً يسيراً بالجنات
توبي فالبقاء هنا قليل ..... والحياة هناك ابد الآباد
تمتعي بعبادة ساعة .....حتى تذكريها كأحلى الاوقات
نولى سعادة طاعة ......فبدون الطاعة لا توجد سعادات
حب الناس لك سعادة ..... لن تنوليها الا برضا من رب العباد
فيانفس توبي وارجعي ....الى واحة السعادة وجنة الطاعات
14 comments:
فعلا يا بني..عارف كل واحد فينا جواه السؤال ده..احنا مقصرين قوي في ديننا يا كتاتني..بس لوربنا اداك العمر ليه متحاولش تعرف اكتر ..بالرغم من ان البداية اكيد انت شايفها صعبة زيي لكن ابدأ..طبعا الكلام ده مش ليك وبس ده ليا انا كمان..تحياتي علي عينيك الدقيقة قوي دي..فعلا المهندس الجيد ملاحظ جيد..تحياتي يا كيتو
احمد باشا عيسي
اشكرك على تعليقك اولا
ثانياً انت فهمت قصدي فعلا من التدوينة دي وهي اني افكر نفسي
قبل مأفكر غيري
هو مش صعب اوي برضه اننا نبدأ نعرف
وده لسبب بسيط اوي وهو اننا في بورسعيد
يعني مش بيضيع وقتك في المواصلات مثلا زي سكان القاهره
وبرضه فيه حاجات كتير بسبب انك في بورسعيد تلاقي وقت اتوفر
ورحة نفسية مفيش خنقة وكده
علشان كده سهل اننا نبدأ
بس يارب نبدأ
ولي بس ملاحظة على نقطة المهندس الجيد دي
لا انا المهندس المقبول
اكيد فاهمني
;)
تحياتي يا باشا
على فكرة أنا كنت معاك يا نوفا
فى اليوم ده و لفت نظرى شكل الراجل ده
التدوينة جميلة و اللى يفهمها صح
هتمسه من جوه
كلنا أكيد مقصرين و مش بنقوم باللى علينا كما يجب
المهم تدوينتك فيها الدوا برضه و منها نقطة البداية
و الشخص لوحده ممكن يكون مشواره صعب لو ملقاش دعم من اللى حواليه
و علشان كده يالا نبدأ من دلوقتى
قولتوا ايه
علشان لو ربنا كتبلنا و عشنا للعمر ده
نكون سعداء نفس سعادة الرجل ده بنفسه
و رضاه عليها
تحياتى :)
و جزاك الله خير يا نوفا
فعلا يا جوده انت كنت معايا
وكويس انه لفت نظرك
وزي مأنت قولت بالظبط
اننا معانا الدوا
بس يارب نستعمله
اتعلموا بقى ، وبطلوا الكسل ، والتكاسـل و الخمووول اللي انتوا فيه ده ... إزااااااااااي شاب زيـك ف عمر الورود يكون ما قراش التاريخ الإسلامي كللله ، وتاريخ مصر ، وكوووول حاااااااجة !!!!
اتعلموا بقى ، واعملوا حاجة تفيد بلدكوا دي ، وتفيد أولادكوا من بعديكوا ..........
إيه اللي أنا بقوله ده
منوور يا زوحالوووو
الحالة دي بتعدي عليا على طووول على فكرة !! ، وبرضه بتعدي ، وعادي !!! ، ولا بنعمل حاجة !!
تحياتي بقى ، وكفاية كده
تعرف المشكله يا ابرهيم باشا
ان الوضع نفسه بنفكر فيه غلط
انا معاك اننا نقرأ التاريخ الاسلامي
وكمان ندرسة كمان
بس قولي
وقتها
امتا حذاكر الهندسة
او حروح وحاجي
متقوليش في الصيف علشان الصيف كمان مرتبط بتدريب ميداني
يهد الحيل
بس برضه عندي امل
ومش حيموت الامل ان شاء الله
:)
منور
ازيك يا نوفا
أنا بحترم أوي الشخصيات دي بجد بحس فعلا ان الدنيا لسه فيها ناس بخير
ويارب بجد نكون زيهم في يوم من الأيام
ونكون أحسن عشان ربنا يرضى عنا ونرضى كمان عن أنفسنا
سعيده بالتدوينه لأني حاساها بجد
تحياتي
على فكره موقف حميل لوى
بس انا اعتقد ان الراجل السماك ده ممكن يكون حفظ الكلام ده من كتر تكراره على مسامعنا
يا عزيزى حتى خطباء المساجد لم يعد لديهم ما يقولونه سوى تكرار الكلام
هموسة
نورتي المدونة
وانا كمان بحب الناس دي
والحمد لله ان التدوينه لمستك
ويارب تلمسنا كلنا
-------------------------
راسبوتين
اولا منور والله المدونة
انت من المدونين اللي الواحد كان نفسه يردوا عنده
والحمد لله حلمي اتحقق يعني
موقف جميل وفعلا ممكن يكون حفظ من التكرار
لكن اكيد حس الموقف ده اكثر من مره
والدليل تعابير وجهه اللي كانت بترسم تأثر جامد بالكلام
ممكن يكون حفظ الكلام
وبرضه يكون التأثر بقا مرتبط بالكلام
ممكن
كنت لسه بفكر انهاردة في فكرة إن كل يوم بيفوت من عمرنا يدنينا من الأجل ومع ذلك مابنتعظش
ربنا يهدينا
ربنا يكرمك
كتير بنفتكر اننا علشان اتعلمنا و روحنا مدارس و كليات اننا عرفنا كل حاجة و اتعلمنا كل حاجة بالرغم من اننا تقريبا مابنتعلمش اى حاجة
الراجل بتاع السمك ممكن كان يكون رساله ليك علشان تفكرك بجهلك بامور دينك و بما لنك عرضت الموضع للجميع اظن انها اصبحت رساله لينا كلنا
تحياتى
دين فهمي
فعلا عندك حق
قولتها قبل كده في تدوينة سابقة
سميتها
كتروا مش كده واللا ايه ولسه برضه بنراهن
ادعوكي لقرائتها على اللينك ده
http://supernova-awy.blogspot.com/2007/02/blog-post_03.html
ومنورة المدونة في اول زياره ليكي هنا
---------------------------------
احمد اتش
اولا اهلا وسهلا بيك يا باشمهندس ومنور يا زمل
اشكرك على اضافة لينك لمدونتي المتواضعه في مدونتك الجامده دي
وتعرف
انا فعلا شايف انها رساله
التعليم بيخدع الواحد
وبيحسسه انه فاهم
مع انه في الاصل
لسه معرفش اي حاجه خالص
للأسف
عندك حق يا محمد
ربنا يهدينا وفكرتك وصلت لان التدوينة دى فعلا مستنى من جوايا
منورة يا نيره المدونة من تاني بعد طول غياب
والحمد لله ان التدوينه لقت صداها عندك
سعيد جدا بده
Post a Comment