تحديث
فيه موضوع جديد نزل اخيرا في
بهارات الاتصالات
بهارات الاتصالات
----------------------------------------
ندخل في الموضوع على طول اصل التدوينة دي كبيره وي ومش عارف طولت مني كده ليه
عايز اتكلم النهارده عن موضوع مهم ددا ددا دداً يعني
وهو وجهة نظري عن الجنس الاخر
البناتيت يعني
من الاخر وبدون مقدمات طويلة وحشو والذي منه
اقول ان البنات في رأيي 4 انواع
يمكن اكثر بس هو انا ده اللي شايفة
النوع الاول وهو البنت الراجل
عايز اتكلم النهارده عن موضوع مهم ددا ددا دداً يعني
وهو وجهة نظري عن الجنس الاخر
البناتيت يعني
من الاخر وبدون مقدمات طويلة وحشو والذي منه
اقول ان البنات في رأيي 4 انواع
يمكن اكثر بس هو انا ده اللي شايفة
النوع الاول وهو البنت الراجل
النوع الثاني وهو البنت الرجولة
والنوع الثالث وهو البنت البنت
والنوع الرابع هو البنت الست
نفسر الموضوع بروقان
اجري يا عبده هاتلي بقرش صغ لب وهات المنشة ووطي الفونوغراف وتعالى اسمع
النوع الاول وهو البنت الراجل
وهو من الاخر البنت المسترجلة اللي تبصلها تلاقي نفسك واقف مع واحد صاحبك
مفيش فرق ومفيش اي مظهر من مظاهر الانوثة خالص
والبنت الراجل دي لما تيجي تعاكسها في الشارع مثلا تبص تلاقيها لبست فردة شراب في وشها
زي سيمون في مسرحية كارمن كده وتلاقيها قالتلك
نااااااااعااااااااااااااام يا رووووووووووح اماااااااااااااك
احم اعتذر عن اللفظ ده يعني لكن هو ده اللي بيتقال وانا مراعي اساسا ان مدونتي نظيفة
فنمشيها رأس القر..قصدي نمشيها روح امك
النوع الثاني بقا وهو البنت الرجولة
والبنت دي تلاقيه جدعه كده معاك وبنت بتاعت مواقف بتقف وقفة من اللي هي دي
!!
ومحدش يسألني ايه دي ..
والبنت دي تلاقي كل الناس بتعزها وتلاقيها ماشية مع الكل زي السكينه في الحلاوة او الجبنه البيضاء الجاية من حيث تدليل الابقار
الاعلانات بتاعت لورباك مأثره
النوع الثالث علشان ده المهم
وهو البنت البنت يعني البت الانوثة
البنت اللي بتبنجك وانت واقف
رقة ايه ..وذوق ايه ..وشياكة ايه..وايه وايه وايه
لا واللا الصوت
بيبقا محتاج مكبر من بتاع الراجل اللي بيشتري الوق القديم ده اللي بيمشي تحت البيت وبيصحيني من النوم
والنوع ده يا معلم بيكون تعاملة صعب مع الناس وةسهل ينضحك عليها لكن
الكل بيكون متبنج معاها علشان كده ممكن تدخل قلوب الناس بسرعة وتصعب عليهم فمحدش يضايقها
النوع الرابع بقا
هو البنت الست
وتلاقي البنت من دول شغالة ست بيت من الدرجة نمبر وان وهي في الكلية تقولك سمعت يا خويا برنامج اسامه اطيب
لا
لا ازااي اقولك انا بس انت تعالي واحنا بنتمرن في مصر وهاتلنا مواعيد تدريب كويسة وانا كل يوم حعملك محشي وتدوق طبيخي امااااااال ياني على المحشي اللي بعمه ياني
ده هي اللي بتقول
واللا الاصناف بقا بتاعت الاكل حتاكل صوابعينك وراها
ده برضه هي اللي بتقول
طب عملتي ايه امبارح ذاكرتي
ده انا اللي بقول
قضيته غسيل مش عارفة كانت طالبة معايا غسيل
اممممم طب ربنا يخليلك عيالك يا حاجة الا قوليلي
ازي البيه
بيه مين !!!!!!
لا ولا حاجه ان شاء الله نذوق اكلك ان شاء الله قريب
عايز اقولكم يا شوباب ان الواحد شاف الانواع دي كلها وبصراحة ان جيتو للحق اللي بتكون اي نوع من الانواع دي متنفعش تعيش في مجتمعنا ولازم تاخد من ال 4 انواع علشان تبقا البنت اللي من الاخر
يعني تكون زي النوع الاول
ايواااا ابو شراب مقلوب ده في حالة وجود خطر مثلا او مشكله عويصة ومفيش حد يساعدها
وفي نفس الوقت تكون رجوله مع اصحابها واللي حوليها جدعه يعني
وتكون بنت في تعاملاتها يعني بقا شيكة واهتمام بالشكل والمظهر وطبعاً الجوهر محفوظ يا معلم هوا ينفع مظهر وجوهر مفيش
وتكون ست بيت اذا اقتضت الظروف لحد متتجوز واكيد ست البيت لازم تظهر ساعتها
البوست طول اوي
نبقا نكمل بعدين
----------------------------
على الهامش
يارب محدش يضرب النهارده
ومتنسوش تعدوا تقولولي رأيكم ولو عندكم تقسيمه تانيه اهو منكم نستفيد
57 comments:
بص يانوفا
موضوعك رائع جدا
عايزا اقولك حاجه بقا
مفيش بنت بتبقي نوع واحد من الانواع دي
انت ممكن تلاقي راجل شخصيته واحده يعني نوع واحد بس استحاله تلاقي بنت نوع واحد
لان البنت بتمر بمراحل كتيره تخليها غصب عنها كذا نوع
بس بيبقي في نوع سايد وحبه من كل نوع
وعلي حسب الحبه دول
بتختلف الستات بقي
يعني هما اكتر من اربع انواع
بوست في الجون يا هندسة .. بجد عجبني جداً .. لكن توقعت هاتقول مثال إنت عرفته على كل نوع .. و كنت عايزة أعرف برده إذا كنت عرفت شخصية جابت الأربعة ولا لا .. لكن انا معاك في تصنيفك .. و شايفة فعلاً إن زي مافي بنات آحادية الأصناف .. في برده بنات أربعة في واحد .. و أعرف من دوول .. و أعرف من دوول ..
بجد بوست جميل يا محمد .. شد حيلك يا محمد في امتحاناتك .. ربنا معاك ..
الموضوع حلو من وجهة نظرك
بس مفيش حد كامل صح؟
بس وجهة نظرك مقبوله
وعلى فكره فى ناس خليط بس مش بتكون ديما
لازم يكون فى نقص
تحياتى
متبنج؟؟؟
يا سيدنا النوع ده يشل و لا ممكن تعمر معاه و بعدين بقي بيبقى تمثيل
ديه سهتنه يا معلم
و الله الرجاله دول غلابه برضه
قال تبنج قال !!!!!!!!!!
لا ماتخفش اكيد مافيش ضرب
و التقسيمه ميه ميه
:D
من وجهة نظري اي بنت هي توليفه من كل التقسيمات دي في الي بيزيد عندها حاجه وتظهر بشكل واضح وفي الي الصفات دي بتضمر و تستخبى في حتى نتيجة عوامل كتير منها النفسي و البيئي و الاجتماعي و يمكن حتى الوراثي
واي بنوته ممكن تشتغل على اي صفه من العندها وتنميها و زي ماقلت بنفسك مطلوب ان كل دا يجتمع عندها وتظهر كل جزء وقت اللزوم
تحياتي
ومستنيه تقسيمات الولاد
:D
كده شايف ان فيه اجماع من جميع البناتيت اللي زاروا الموضوع وقالوا ان مفيش اي واحده نوع واحد من الانواع الاربعة
لكن حرد علي الردود رد رد دلوقتي
كورتي البعبع
شايفة انهم اكثر من اربع انواع لكن اقولك اني تعرفت على كل نوع على حدى ولي مواقف عديده مع كل نوع من الاربعة ححكيها كمان شوية
-----------------------
روزاليا حقولك
انا اتعرفت فعلا على بنات من الانواع الاربعة
وفيهم بنات بتجمع نوعين و3 من الاربعة
لكن شفت كل نوع على حدى برضه
يعني زي محكيت كده عن البنت الست اللي بتفضل تتكلم عن الاكل والطبيخ و و و
ودي شوفتها كتير
وبالنسبة للبنت الراجل دي شفتها وسمعت بوداني نعام يا روح اماك دي بس الحمد لله يعني مكانتش ليا
وبالنسبة للبنت الرجولة دي او الجدعه يعني فأنتي ادري اننا نعرف كتير اوي من النوع ده
بالنسبة للنوع الرابع استني ردي على ازميرالدا علشان حتكلم عليه
تمام ياشيماء فيه خليط وفيه برضه نوع احادي من غير ميكون مخلوط مع اي نوع
----------------
ازميرالدا
النوع ده متفق معاكي يشل بس موجود وانا مقصدش تعاملي معاه بيكون حلو واللا لأ بس اللي بقوله انه موجود
بالنسبة لنقطة تمثليل
اه فيه منهم تمثيل
لكن قابلت كتير من غير تمثير
وكمان في لحظات عصبيه من اللي بيبان فيها الواحد على حقيقته
وبرضه فضلوا زي مهم كده من غير تمثيل برضه
:)
شكراً لردك وربنا يبعد عنك اللي يشلوا دول
:D
روزا متفق معاكي
ممكن كل بنت تشتغل على صفة وتنميها
بس اهم حاجه تنمو في الوقت الصح اللي لازم تنمو فيه
فاهمة قصدي
يعنى سيبت المذاكرة وقعدت تصنف فى البناتيت وأنواعهم.. يا رااااااايق
المهم أنا شايفة إن أى بنت بتبقى الاربعة بس فى حاجة طبعا بتغلب على الباقى، وده بيتوقف على طبيعة الشخصية نفسها وعلى الموقف كمان، يعنى الشراب المقلوب ده ساعات بيبقى مطلوب برده
بحبك يا مصر
مش موضوع سيبت المذاكره
كل الحكاية اني قبل منام لقيت نفسي بفكر في موقف حصلي مع واحده بنت من النوع الرابع
ولقيت الكلام عمال بيتدفق من دماغي جامد اوي
فخوفت لأنسي
قومت وجيبت ورقة كبيره من كراسة تفصيل دي
عندنا في هندسه بنقول عليها اسكتش
المهم وكتبت في الورقة دي وش ونص الظهر التدوينة
بعدها بيومين كتبتها هنا بنفس احساسي ساعتها
فهمتي الموضوع ايه
:d
بس ياستي
اه انا معاكي ان الشراب المقلوب بيكون مطلوب
بس مش ياروح اماك زي الهانم اللي سمعتها دي
وبرضه حقول مشيها انها قالت روح امك بس
ممكن تفقد اعصابها بس بأدب يعني تزعق لكن مش تشتم فاهمة قصدي
منورة المدونة
مممممممممم
قبل ما تنام.. قلتلى بقى ، انا اصلى افتكرتك سيبت المذاكرة ولا حاجة
عارفة عارفة .. الكراسة التفصيل ده بشفها عندنا .. شكلها خنييييق
المهم أنا فهمت الموضوع ايه، بس ما قلتش يعنى ايه الموقف اللى حصل
بس على فكرة "يا روح امك" ده تعتبر مؤدبة انا سمعت بنات بتقول حاجات انيل من كده، بس هى برده بتختلف على حسب طريقى الالقاء
بحبك يا مصر
اقولك ايه الموقف اللي حصل
خير اللهم جعله خير كده كنت ماشي في الشارع
في شارع الجمهورية عندنا في بورسعيد يعتبر من ارقى الشوارع واهمها
المهم لقيت شله شباب
من زماان الكلام ده
وشله بنات
والشباب فيهم واحد مصمم يعاكس
والولاد يقولوله يابني بس وده ابداً
راح مقرب من بنت من البنات
وفجأه
طاااخ
سمعت القلم اللي نزل على وش الشاب الهمام ده واللي خلى اصحابة اعتقد لحد دلوقتي بيذلوه بيه
طبعاً مينفعش تتعصب بنت من معاكسة تروح ضاربة بالقلم
بالنسبة لموقف بتاع روح امك ده
انا ماشي انا ومجموعة اصحابي
فيه واحد بيحب يعاكس بس غلاسة بس ليس الا
وطبعاً كل مره بنفضل نقوله لأ ونشده ونغلوش عليه
لحد في مره كنا ماشيين في الشارع
فواحده واقفة على جنب في شارع غريب
فده لسه بيقول اي كلمه
لقيت دي نعااااااااام يا روح اماك
ممكن اقسم دلوقتي انها كن صوتها اكثر خشونه من صوتي لما بكون متعصب
ده موقف تاني
موقف ثالث
كنت قاعد في المعدية
عندنا في بورسعيد المعدية دي اللي بتنقل الشعب من بورفؤاد الى بورسعيد والعكس عبر قناه السويس
المهم لقيت بنت راكبه مع ولد في عربية
وصوت الولد مش طالع اساسا ودي صوتها جايب كابينه سواق المعدية
وعماله تتكلم في التليفون
:لا تعالي انتي ملكيش دعوة اه ..ايه يالااهوي كل ده ليييييه مش عارف ايه
وهكذا وخدش من ده كتير
يعني دي شوية مواقف ومش حاضر في ذهني مواقف تانيه دلوقتي
يعني دي شوية امثله
وبالنسبة للكلمة اينعم تعتبر مؤدبة اوي اوي اوي
علشان انا سمعت
(الاكثر ادباً جامد )
فاهمة قصدي طبعاً
فاهمة قصدك طبعا
بس كان عندى سؤال، يعنى الشاب اللى ما تعرفهوش والشاب صاحبك ده لما بيعاكسوا البنات بيستفادوا ايه؟؟؟؟!!! عاوزة اعرف يعنى ايه لازمتها، ولا هى مجرد تسلية وخلاص .. ده حاجة
الحاجة التانية .. عاوزة أعرف برده المفروض البنت تصرف ازاى لما حد يعاكسها أو حد يضايقها وهى ماشية فى الشارع كده ما بيها ولا عليها ويجى حد رذل يضايقها أو يعاكسها.. ايه التصرف الصح من وجهة نظرك.. ده مش معناه على فكرة انى موافقة على " روح أمك ده" ولا على مد الايد بس عاوزة أعرف المفروض نعمل ايه يعنى
اجابة واضحة وصريحة مش بيستفادو حاجه
لكن ساعات بيكون فيه بنات لابسين لبس مستفز
والكلمة دي طالعة من المعاميق
يعني من كام يوم كنت نازل من كورس لقيت شاب زي الورد كده ماشي ومعاه بنتين مش لابسين هدوم لا
دول لابسين حاجة لازقة كده
بنطلون قصير اوي واحمر وضيق جدا جدا مش عارف انا كان نفسي اتريق عليهم واعاكسهم علشان يزهقوا من المعاكسة فيبطلوا اللبس ده بس قصرت الشر ومشيت علشان مش طالبة ذنوب على الصبح
فيه ولاد بيستمتعوا بالغلاسة
يعني لما بتلاقي حد بيرازي في صاحبة
بيغلس عليه
وصاحبه يبقا حيتجن
هوا يبقا مبسوط اوي
وبرضه فيه بنات بتحب الاشتغالات والغلاسة
لكن العام في المعاكسة او الاصل يعني بيكون للبنات اللي لابسة لبس وحش اوي وبيكون وقتها اللي بيعاكس ده بيجرب حظة وساعات كتير حظة بيضرب وتلاقي البنت في العربية
ويبقا ضاعت كل حاجه بقا وبتحصل دي كتير
بالنسبة بقا للتصرف تمشي عادي ولا اكنه هنا واصلا طالما انتي محترمه نفسك هوا حيزهق ويدور على اللي ماشية على الجنب التاني اللي ماشية تلم الذباب وراها دي
ولو فيه اي سؤال اكون سعيد لو وضحتلك وجهة النظر في عالمنا الولادي ده
انا مستمتع بالمناقشة ونفسي كل اللي عنده سؤال يدخل يتناقش ويقول رأيه الكلام طبعاً لكل اللي ردوا واللا مردوش
وبجد مستمتع بالمناقشة جدا يا بحبك يا مصر
يامجرى ريق القلم على ورقه م الدفتر
اوعى لكلام خداع قبل الميعاد يفطر
خليه يكمل صوم لحد سبت النور
لو قش هوه ببنت بالتالته هيبصر
ممممممم
أنا كمان مستمتعة بالمناقشة، وحلوة اوى الاجابة الواضحة الصريحة ده
بس فى بقى كذا حاجة مش حاجتين بس
لما يكون فى بنت لابسة لبس مستفز والكلمة ده برده طالعة من المعاميع، مش حتبطل حضرتها اللبس ده علشان حضرتك بتعاكسها
كمان هى اللى حتتحاسب وانت حتتحاسب لو ما غضضش البصر، يعنى مش حتاخذ ذنب بس على المعاكسة.. ده حتبقى ذنوب كتييييييير
بالنسبة الولاد اللى بيستمتعوا بالغلاسة والرخامة.. اوك ما فيش مشكلة بس مع اصحابهم ، لكن لما تبقى مع واحدة ماشية فى الشارع فى حالها ده تبقى قلة ادب
اما بقى ان المعاكسة بتبقى للبنت اللى مش لابسة كويس فده مش قاعدة وده مش صحيح لان بيبقى فى بنات كتييييييير محترمة جدا وبرده الشباب اياه اللى بيستمتع بالغلاسة ده برده بيعاكسهم ويضايقهم
وموضوع انه بيجرب حظه ولصابت لخابت فده معناه انه اصلا حد مش محترم ولو صابت تبقى هى كمان طلعت مش محترمة ، ودول ما يستحقوش ان احنا نتكلم عليهم ، هو وهى يستهلوا بعض
انا متفقة معاك ان التصرف السليم انها تمشى ولا كان فى حاجة اصلا بس بجد فى ناس مش رخمة بقى حاجة اكتر من كده ومش من النوع اللى بيياس بسهولة يعنى .. فاهم قصدى
تعليقي على هذه البوست قصيدة للدناصوري
النساء يا صديقي محض شائعات يتورط الغيبيّون في تصديقها
بل يصل الأمر بالبعض حدّ الزعم : أنهم يرونها , ويكلمونها , ويجالسونها , و .... , و ..
أما أنا فرجل عاقل ملحد ..
إلا بما تدركه حواسي وهذا يحصّنني بما يكفى لئلا تنخدع عيناي بخيالات زائفة .
واغلب ظني : أنها بقايا أساطير بالية وديانات تنتمي لحضارات مندثرة . .. .. .. .. .. ..
النساء ؟ !
كفى يا صديقي .. أرجوك
أسامة الدناصوري
حقي اهرتل
منور يا باشا
----------------
بحبك يا مصر
ايون ايون الكلام الدفين طلع اهو انتي شكلك متضيقة اوي من الموضوع ده
انا زي مقولتلك المحترمه لما بييجي حد يغلس عليه شوية وبيزهق بجد
بالنسبة للي بيعاكس اساسا ده شخص مش محترم علشان المعاكسة ده سلوك خاطئ
واللي لابسة ليس وحش انتي بتقولي مش حتبطل دي وجهة نظرك وممكن تبطل ودي وجهة نظري
بس حتفق معاكي ان المعاكسة سلوك غير سليم حتى لو بالنيه دي وانا عن نفسي مش بعاكس ويمكن مرات تتعد على الصوابع اللي طلعت مني كلمه فيها
وبتكون عادة ارحمونا بقا حرام عليكم وبقولها لزميلي اللي جنبي
علشان محبش حد يعاكس اختي فمش بعاكس
وطبعاً اللي بيجرب حظه ده واللي بتوافق والكلام ده كله غلط في غلط بس انا كل قصدي كان اني ابررلك ليه بيحصل كده ومع اختلافي الكامل مع ده جدا جدا جدا
والمهم البنات المحترمه تنفض للمعاكسات دي وان شاء الله ربنا حيكرمها ويرحمها من هؤلاء
على فكره فيه بنات كتير (المفروض انهم محترمين ) سمعت واحده فيهم بتقول للتانيه المنكير ده شكله وحش
التانيه قالتلها مدام بيعاكسوا يبقا حلو
تخيلي وصلت للمنكير بتع الاظافر ده
ربنا يهدي يااارب
محمد باشا صديقي اللدود
مين الديناصوري ده !!!
بس شكله متعقد وفيه واحده نكدت عليه
ههههههههههههه
لالالالالالا
انا مش مضايقة خاااااالص ، انا كنت بقول رايى بس
وربنا يهدى الاتنين بتاعة المنكير واللى بيعاكسها
تم أفتتاح العدد الأول من مجلة نفسنا
نتمنى منكم زيارتنا
بحبك يا مصر
تمام
على فكره من زمان الواحد مستمتعش بحوار كده
شكراً جزيلا لكي على الحوار
--------------
نفسنا حاضر حزور المدونة اهو
زى ما كل اللى ردوا قالوا
اولا البوست ده كلام كبير يصعب على العامة امثالك كتابته
و العامة امثالى فهمه هههههه
ثانيااعتقد انى بنت فيها
الصفات الاربع مجتمعة انسانة استثنائية
و أى شاب يقابلها لا تترك هذه الفرصة فقد وجدت الزوجة المثالية
الصديق المثالى
الحبيب المثالى
و الشريك الذى ستربح معه
إن الحسناء تتلوَّن بلون الشمس، فهي بالضحى بيضاء وبالعشي صفرا غير أن الجمال وحده لا يكفي بل يجب أن تكون حليمة مبتسمة عزيزة في قومها ذليلة
فى نفسها الودود الولود التى كل امرها محمود
و لكن هنا اثير نقطة مهمة
لو عكسنا هذا التصنيف للرجال هنلاقى
التصنيفات
راجل مش راجل يعنى هههه
و راجل جدع و شهم
و راجل صاحب صاحبه مثلا و كده
و رجل جميل الخلق و الخلقة
و كده يعنى التصنيفات الاربعة موجودة للانسان مش للمرأة و الرجل و لا ايه
مش عارف مش بميل إلى التقسيم بين الذكر و الانثى فكلهما انسان و ما فى هذا من الصفات ممكن تكون فى هذا
و اخيرا
قال تعالى
"يا أيها الناس إنا خلقناكم من ذكر وأنثى وجعلناكم شعوباً وقبائل لتعارفوا. إن أكرمكم عند الله أتقاكم. إن الله عليم خبير
بس الكلام الكبير ده جيبته منين
انت بتذاكر من ورايا
______
بحرى فى مود تخاريف امتحانات
طالب حقوقى .. لاجناح عليه
على فكرة بوست جامد موت....وعلى فكرة كمان البنت بتعمل كل شخصية في الوقت بتاعها..يعني لو اتعاكست لازم تبقى دكر..و لو عندها اصل لازم تبقى جدعة فصفة الجدعنة مش بس مقصورة على الراجل لان فيه فرق بين الرجولة و الذكورة و مش اي ذكر جدع...اما لو عايزة عريس بتبقى نانسي عجرم قصدي النوع التالت و مش دائما بس ده الغالب و كمان لما تكون مرتاحة مع الناس اللى بتبقى معاهم فبتتكلم على راحتها و بيبان الجانب الانثوي اما النوع الرابع ده دخل التعليم عشان الشهادة الكبيرة تجيب عريس محترم فهي بتذاكر كدة عشان تتجوز و خلاص و بتبقىثقافة متوارثة يعني اهلها لما ربوها او امها بالتحديد غرست فيها الفكر القديم و الكلام القديم برضه..البنت لازم تكون ست بيت شاطرة بس ده لما تبقى تتجوز..و مش لازم تبقى بلدي في كلامها او طريقة كلامها تتغير و تبقى امينة في بين القصرين
انت بجد مجرم بجد
انت بجد ما حصلتش
فنااااااااااااااااااان
رائع بجد يا محمد
البوست حاله حقيقيه و واقعيه جدا جدا
انا بس مش طالبه منك غير حاجه بسيطه جدا جدا
انك بس تصنف كل البنات اللى تعرفها على هذا البوست
يعنى زى الشطور كدا تقول كل واحده تعرفها تنتمى لرقم كام
ههههههههههههه
عموما ما تقلقش انا عارفه انا انتمى لرقم كام
شكرا ليك بجد
والى الامام
بوست اكثر من رائع
حلو اوى
وربنا معاك
لو الامتحانات بتعمل كدا
يبقى ان شاء الله
خير
عايزين ابداعات من دى كدا كل يوم
؛)
شكرا ليك
اممممممممم
انا قعد افكر انا مين في دول
في الواااااااااقع
هو انا الاتنين الاولانيين دووووووول ووووووش يعنى
لا بجد اوووووى
البنت البنت دى بق معايا حكايه
هى موجوده جدا جدااا بس جوه يعنى وانا بصراحه كاتمه على انفسها جدااا
هى صحيح سعات بتغلبنى وتطلع
بس انا بعمل فيها كده علشان نفسي مش استهلكها وتبقى محفوظه لحد واحد بس
معرفش صراعى معاها حينتهى بـايه
ومعرفش المجتمع في الظروف دى حيقيم ده ازاى
يعنى زمان كانت الناس تتكلم عن البنت العسكرى دى
على انها حاجه كويسه ومؤدبه بقا وكده
ويبقوا عارفين ان ده مينتقصش من كونها بنت
انما دلوقتى ازااااااى
لازم تكون ناااااعمه ... انتى كده مش حتتجوزى
وثقافه عجيبه معرفش الناس لحقت تكتسبها امتى وازاى
اما البنت الست بقاا فدى انا لا امت لها باااادنى صله
خاااااااااااااااالص يعنى
دى مش حاجه حلوه من جانب واحد بس
انه بعيدا عن البنت والولد
الطبيخ هو مهاره مهمه كويس ان الانسان يتعلمها لو على الاقل علشان يقدر يعتمد على نفسه
لكن بما ان الانسان بياكل علشان يعيش
يبقا ليه يضيع عمره الى حيعيشه كله بيتعلم الطبيخ
مش منطقى مش كده ؟؟
طوووولت اوى
سلام
بحري تمام يا باشا
والكلام الكبير ده موجود بس الواحد بيشيل من عليه التراب كل شوية بس
:)
شكراً لردك والكلام الكبيييييير اوي ده
ومنها لله الامتحانات
منت كونت كويس يابني
:):)
----------------------
نقطة مياه
بالظبط كده بس اختلف معاكي في كيفيه انها تتعامل مع المعاكسات او المضايقة
تكون دكر اه بس برضه من غير زعيق ولا شتيمه مش زي الهانم اللي سمعتها دي
:)
واكيد طبعاً البنت الست لو بقت زي امينه في سي السيد يبقا تروح تشوفلها طشط تقعد ادامه هو ده اللي حينفعها في الوقت ده دلوقتي
شكراً لردك
ساعة الغروب
بلاش تدبيسة يا رودي ها
منا قولتلك اني مش حتدبس
بس عامة حبدأ بكام اسم من اللي علقوا عندي في التدوينة دي واللي اعرفهم شخصياً
كورتي البعبع وهي اول رد
تنتمي لرقم 2 و3 وشوية صغننين من 4
روزاليا رقم 2 بجدارة ولسه بكتشف في شخصيتها لحد دلوقتي
انتي رقم 2 طبعاً وفيكي من رقم 3 وابقا اقولك ليه لما نتكلم ان شاء الله علشان مبقاش بصيح
:P:P:P
جوسي بامبس
رقم 2 هو اللي ظاهر عندها وعلشان هي عايزه 2 وشوية من واحد هم اللي يظهروا فأنا حكتم ومش حقول اكثر من كده
بس هي بعيده كل البعد عن 4
:P
كفايه كده يا رودي حتودينا في داهيه
وشكراً على تعليقك
والله وبقيت مجرم يا زحل اهو
:):):):):):):):)
جوسي بامبس بختلف معاكي في كتير
وبتفق معاكي برضه في كتير
بس انا مبسوط اني قريت الفضفضة دي
وحشوف البوست اللي عندك على الموضوع الرابع ده
:)
اقتباس : روزاليا رقم 2 بجدارة ولسه بكتشف في شخصيتها لحد دلوقتي ..
إنت بجد جميل يا محمد .. ربنا يكرمك .. بس على فكرة هاتلاقي أرقام تانية بس هاتيجي مع الاكتشاف زي ما قولت ..
ألف شكر ليك يا هندسة ..
الله يخليكي يا روزاليا
وان شاء الله شوية شوية الواحد بتزيد خبرته ومعرفته
والارقم حتيجي ان شاء الله
:)
مرحيا يا كوكو زحل
ازيك عامل ايه
انا اول مرة اجي هنا ولالقي موضوع يمس البناتيت ! قلت لاا لازم اشارك
شوف هي الانواع ممكن تكون متقسمة كدا معاك حق ,, وعلى ما يبدو انو الافضل فيهم في وجهة نظرك في من كل بستان زهرة
بس النقطة انو هل يا ترى بتتعامل معاهم كلهم بنفس الطريقة ؟ ولا كل واحدة بتعاملها حسب الصنف الي بتنتمي له
يعني زي ما قالو المعظم ان البنت احيانا بتتصرف بأكثر من طريقة حسب الموقف
تحياتي
كلامك سليم ياعم زحل
احنا نعمل كوكتيل من جميع الانواع
هنحصل على صنف جديد
تحياتى
علا من غزة
منورة المدونة في اول زياراتك
والتاجات عاملة شغل عندك كان الله في العون
:)
بالنسبة بقا لنقطة التعامل
انا بتعامل مع الكل بشكل واحد مناسب
لكن بتفرق شوية من النوع للتاني
يعني مع النوع الاول لو حصل معايا موقف مع النوع الاول وادى انه يحصل مثلا تطاول او زعيق او كده ببدأ اخف التعامل خالص علشان بحترم نفسي ومسمحش لحد ياخد علي لدرجة زعيق
بالنسبة للنوع التاني فده نوع بتعامل معاه بطبيعتي جدا جدا علشان بيكون في الغالب الدماغ متوافقة
بالنسبة للنوع الثالث وده بيكون تعاملي معاه بهدوء وتركيز علشان ممكن اي كلمة مش موزونه تجرح النوع ده
والواحد انتي عارفة لما بيكون على طبيعته مش بيهتم بكلامه اوي وفي لحالة دي الواحد ميعرفش ايه ممكن يقوله وهل حيضايق للي ادامه واللا لأ
النوع الرابع وده بيكون تعاملي معاه عادي برضه علشان غالباً النوع ده بيركز اكثر على سلوك الانسان عامة مش كلمه او موقف بس
شكراً لزيارتك
ومتقطعيش الزيارات
تامر باشا
ايون اهم حاجه الكوكتيل
يطلع نوع متعرفش تصنفة خالص
شكراً لتعليقك يا باشا
انا موافقاك جدا في قفلة البوست
انا دخلت مره في حوار مع واحد كان كل ميشوف وشي يقولي انتي مسترجله كده ليه
كل مايشوفني لغاية متخنقت و رحت مدياهمله
قلتله معلش اسمحلي انت ليه تشوفني انثي انت تقربلي ايه لامؤاخذه
المفروض الوحيد اللي يشوفني انثي هو جوزي غير كده ميفرقش معايا بقي يشوفوني راجل يشوفوني ابو قردان مش فارقه
فلازم فعلا البنت تعرف تتعامل علي كل الوشوش و لكل مقام تعامل
معلش طولت
ههههه
اول مرة بتشرف بزيارة مدونتك الجميلة
وطبعا مش هقول لك انها تحفة لاني ساعتها هاكون مش بضيف جديد
البنات دول بحر واشكال وانواع وبيتهيا لي انهم ممكن يعدوا 3695 نوع
البت الخبيثة والبت الكهينة والبت اللي مش في دماغها والبت السهتانة
بلاوي يا صديقى
تحياتي ليك
بوست حلو يا فلكي .. شو رأيك تعطينا وجهة نظرك بتقسيمات الشباب كمان .. ليش بس البنات؟؟
ههههههه
بوست ظريف جدا .. طبعا ما إنت على البر ومش متكتف قصدي متجوز زينا .. وكمان بتعاكس بنات يامبخت
أنا مش بأحسد ولا بأقر ولا بأحقد ولا متغاظ ولا حاجة أبدا
طب وأنا مين في دول كده مليش تصنيف ولا إيه
السلام عليكم ورحمة الله وبركاته
هما الرجاله كدا دايما طماعيين
مش عاوز نوع ولا نوعين ولا تلاته ...لأ اربعه .....ههههه
صعب اوي تلاقي واحده فيها كل المواصفات دي
انصحك تعمل واحده تفصيل
koukawy
بالظبط كده ده اللي احنا بنقول عليه
وانا اؤيدك جدا في الموقف ده
وعايز اقولك اني لما عملت البوست كان قصدي اتكلم عن كل نوع مش اني افضل نوع على التاني
فاهمة قصدي؟
وسلميلي على كوكو
:)
منورة في اول زياراتك مدونتي
a.samir
منور يا باشا في اول زياراتك
وبالنسبة لأن البناتيت انواعهم كتيره
بس زي متقول الواحد ركز على الاساس
يعني الانواع الاساسية
فهمت قصدي
وطبعاً اكيد فيه صفات تانيه كتير مهو الانسان ده محدش يقدر يصنفة خالص
:)
شكراً ليك على تشريفك مدونتي
----------------------------
sabsoub
ما في مشكله ان شاء الله بعطيكي تقسيمات الشباب عن قريب ان شاء الله
نورتي البلوج
-----------------------------
يامراكبي
ياباشمهندس ادعيلي اتجوز واتكتف
وليه بس القر ده
:):):):):)
دانا غلبان وعايش في بورسعيد
يعني الحمد لله اني مش في القاهره
الواحد هنا بيعرف يقاوم نفسه علشان الاشكال الغلط اللي بتتعاكس هنا مش موجوده الحمد لله
وبرفض مبد المعاكسة ده اساسا
:):):):)
بس دعواتك بقا خليني اتكتف واخلص
:):):)
منور يا باشمهندس في اول زياراتك مدونتي
غادة الكاميليا
من زيارتي مدونتك وقرائتي مواضيعك
يمكن مقدرش احدد اوي انتي اي نوع
لكن الواضح من مدونتك انك من النوع الثالث
ومنورة المدونة في اول زياراتك هنا
-------------------------------
خمسة فضفضة
ايون
مهو في الشرع الرجل له اربعة
مش صح واللا ايه
:):):):)
بهزر طبعاً
انا مقولتش واحده يبقا فيها كل المواصفات
لكن لما كل واحد يكتسب صفات جديده حلوة من كل نوع
يبق ده اللي بندور عليه كلنا
مش كده واللا ايه
ومنورة يا دكتورة
بصراحة شفت التقسيمة ديه
أو اقصد حاجة تشبه لها برده ولد كان
مقسمها للستات بس من ناحية التحكم
مش عارفة ايه الهواية في كده
بس غالبا من وجهة نظري مافيش حد كامل ده أولا
ومافيش بنت بتكون نفس الريتم عالطول
يعني هتلاقي بنات بتبقى جزء من كل حالة
في أوقات مختلفة وحسب الموقف
يعني ده رأيي
تحياتي لكَ
نهى جمال
اولا منورة البلوج في اول زياراتك
ثانياً بالنسبة للتقسمية
فهي والله جت في بالي كده يوم كنت داخل انام لقيت الموضوع طلع في دماغي فجأه يعني مش عن قصد مثلا او حاجه
وفعلا محدش كامل ومحدش بيثبت على شكل واحد لفتره طويلة
انما الاصل بيفضل مع الواحد على طووول
طبعا في تقسيمات كتير
بس اهم تقسيمة اللي بتدمج بين كل دة
تلاقيها كل دة في وقت واحد ويبقي صعب عليك تصنفها
وقت ما تلاقي البنت اللي صعب عليك تصنفها يبقي هي دي
ولازم تمسك فيها
هو ممكن مقدرش احدد نوعها فتبقا هي
او اقدر احدد نوعها وبرضه القلب يختارها فتبقا هي
وساعتها يبقا عقل وقلب
واللا ايه يا سمرا ؟
Look ya basha ana mottafe2a m3ak tamaman 3la el tasneef aw el taxonomy zayy ma bysamooh 3andena f saydala. bas 3ayza a3raf leh 2olt 3la el no3 el talet enno mohem ma3 enny shayfa enno mesh mohem f 7aga malmoosa 5ales. yemken mohem men ne7yet el nazar bas.
w ana ra2yee en aktar no3 ye2dar yet3ayesh ma3 el gens el a5ar( elly howa ento) howa el no3 el tany la2enno mesh zayyohom w by2dar yeksab e7teramhom w t3awonhom w byfham f 7agat kteer 3'er el mazhar wel gamal wel tabee5.. thanks ra2yak mazboot ya basha mola7zetak da2ee2a mfatta7 ;)
mmbeiram
في نوع كمان يانوفا
البنت (الطفله)بتبقي كبرت جسديا فقط
ولسه دماغها فاضيه وتفكيرها محدود جدا
وبتبقي ساذجه شويه
وممكن تبقي مدلعه شويه
دي بتبقي فيها صفات حلوه زي العفويه والطيبه والشقاوه برضه
mmbeiram
هي والله طلعت مني كده يعني مش مقصود مهم يعني مهم
اصل البنت اللي بتكون النوع الثاني بس دي بيكون ناقصها كتير علشان الجمل و الهدوء او الانوثة
pure
دي متنفعش لازم يكون فيه صفة تسندها
بس كلمه مهم يعني طلعت عفوياً قصدي فيه ان مهم البنت تحاول يكون فيها شوية من الصفات بتاعت النوع الثالث
واكيد طبعاً النوع التاني هو افضل نوع على الاطلاق وانا متفق معاكي في ده جدا
ونورتي المدونة يا دكتورة
cortyelpo3po3
البنت الطفلة دي برضه بتنتمي للنوع الثالث برضه يا كورتي
وده الجانب الوحش من النوع ده
علشان الفضا في المخ ده ووالاهتمامات اللي مش جايبة همها دي لو كانت لوحدها بس هي الشغل الشاغل وهي الاهتمام الاساسي
يبقا ده وحش اوي
ههههههههههههههه
التقسيمه دي جامده أوي
بس ممكن كل بنت علي فكره عندها الأربع أنواع جواها بس اللي بيكون اكتر هو اللي بيظهر
بس بحييك علي خبرتك
ههههههههه
سلاماااااااااات يا محمد
reri
منورة البلوج والله في اول زياراتك
هو فيه ناس كتير اجمعت بعد المناقشة ان فيه بنت عندهم ال 4 انواع
وانا كنت بدأت اقتنع
بس بعد تفكير لقيت ان النوع الاول بالتصور اللي انا حاطه ده ميجتمعش مع النوع الثالث ابدأ في اي بنت
انما ممكن يكون فيه شوية يعني كده على خفيف
سلامااات يا ريري ومنورة
بص بقى يا نوفا ... عايزة اقولك ان اصلا معدش فيه بنات ... بنات ايه يا حبيبى ما خلاص ههههههههههههههه المهم ان اللى موجود فى السوق نوعين بنات
مايصة او بنات جدعة ومفيش وسط لان الحياة اختلفت كلما ما الزمن يمر موضوع الانوثة ده بيرجع مارشدير والكمال لله وحده يا نوفا
Post a Comment