اولا عايز اشكر كل اللي تفاعل معايا في الموضوع السابق
وبجد عايز اقولكم اني كنت سعيد اوي بالمناقشة جدا وبجد استفادت كتير برضه
----------------------------------------------
نخش في الموضوع على السريع علشان عندي امتحان بكره الصبح وقولت اخد ريست دقائق
عايز اتكلم النهارده عن الانتماء
يمكن الكلمة دي مش بنسمعها دلوقتي غير في الاغاني والمسلسلات ورأفت الهجام ودموع في عيون قليلة الادب وحتى في العميل تلات الاف وواحد
انا عايز اتكلم غلى الموضوع ده بسبب اكثر من حاجه
اولها اني بورسعيد اهلاوي
وكتير كل شوية يتهموني اني معنديش انتماء
ليه
علشان انت اهلاوي المفروض تشجع المصري او تبقا معندكش انتماء للبلد
تعريف الانتماء في نظري هو ان الواحد ينتمي للمكان العام او الحاجة عامة
يعني انا مسلم
عربي
مصري
بورسعيدي
بورفؤادي
بيتي
عائلتي
حد فهم حاجه
مفيش حاجه اسمها انتماء تهدم الترتيب ده
يعني لو انا جاي اشجع نادي وتشجيعي للنادي ده حيخليني يبقا معايا عداء مع الناس
يبقا الناس فاهمة الموضوع غلط
وبقول الناس مش انا علشان عمري مكرهت مشجع اي نادي تاني ولا اتهمته بالخيانه مثلا او عدم الانتماء
لو كوني مصري حيخليني ابقا عدو لاخواني العرب والمسلمين فأبقا كده غلط
علشان الاسلام بعدنا عن العصبيه القبليه بتاعت زمان اللي هي بتاعت انت من قبيله خزاعة
وانا من قبيله فزاعة
والكلام بتاع يا ويلي وشلت ذراعي ده
الخلاصة اني لو عملت حاجه تهدم انتمائي بالترتيب اللي انا كاتبه ده يبقا انا غلط
ولو حد عمل كده
في وجهة نظري اكيد غلطان
نتكلم عن الموضوع من جانب تاني وهو الجانب اللي مضايقني الصراحة
ييجي الواحد من دول يجري يسافر دولة اجنبيه
ويفضل قاعد هناك
سنه واثنين وثلاثة وحتى 10
ويفضل يقول اااااه بلدي واحشاني بلدي عايز ارجعلها
طب ياعم مترجع
لاا مش حرجع ارجع فين في الظلم والجهل ووجع القلب
طب مأنت عملت مركز محترم وتقدر تيجي هنا تشتغل في اجدعها مصنع وتوكيل اجنبي كمان وبمرتب اكيد حيتجاوز ال5000 جنيه واكثر
طب مترجع
متفهمش ليه ميرجعش
وبرضه يفضل يقول البلد والانتماء للبلد وحب البلد ولازم البلد والولد والطين والارض اللي هو اصلا مشافهمش ولا عاش فيهم بقاله كتير
ولما ييجي بييجي زياره ويرجع يجري علشان يروح البلد الغريبة تاني ويفضل على طول كده
انا لحد دلوقتي مش قادر افهم ازاي انا اكون عندي انتماء لبلدي وبقول اني بنتمي للبلد دي
وفي نفس الوقت كاره اني اعيش فيها ومش عايز اصلح فيها الا من بعيد لبعيد
مفهمش الانتماء اللي من النوع ده
وبعتبره مش انتماء
الموضوع ده في نفسي من فتره وكنت عايز اطلعة
ونفسي حد يفهمني
ينورني
اعرف ايه هو الانتماء
اصلي مش عارف من كتر اللي حوليا معملوله معاني اكثر مما يمكن
بس اللي اعرفه اكيد
اني كمسلم
معنديش عصبيه قبليه
يعني بحب بلدي جدا لكنها مش فوق اي حد علشان كلنا
سواااااء
او ده المفروض اننا نكون متأكدين منه
---------------------------------------
على الهامش
يابلدي يا حبيبتي فيكي حاجه محيراني
نزرع القمح في سنين
تطلع الكوسة في ثواني
مقتبسه من توقيع مورو عضو منتدي بورسعيد اونلاين
19 comments:
نقلت لك تعليقي هذا وضعته من يومين في مدونة
أ محمد الجرايحي وكان موضوعه عن هجرة العقول
الحقيقة أنظر للموضوع نظرة مختلفة نوعا ما فرضاء الإنسان بأن يعطي ثمرة نعم الله عليه للغربيين هذا فيه خلل في الأولويات - سامحوني-
أعتقد أن مستوانا العقلي في الأغلب يسمح لنا بالتفوق في بلاد الغرب لوجود الأنظمة والآليات التي ترعى المجتهدين
ولكن من يعطي الأولوية لوطنه - مهما كان هذا الوطن مكبوتا متخلفا وقذرا ومليئا بالنفايات وإن جلد ظهره وسلب ماله لأن هذا الوطن ليس دولة فقط بل دولة وشعبا ينتمي لك وتنتمي له
والآخرين الذين أعطوا الأولوية لنجاح ذواتهم وحظ أنفسهم
وتدريجيا ماتت البراءة عندهم من الغرب أو اوشكت إذ إن المقارنة بين ذلك الغرب النظيف اللامع وتلك البلاد المتخلفة القذرة المتسيبة مروريا ووووو
هذه المقارنة لصالح الغرب طبعا
والميزان الحقيقي هو ميزان الشرع فكل إنسان ينبغي أن يقيم الأمر من وجهة نظر المفسدة والمصلحة الشرعية
ولا أعتقد أن الطريق مسدود تماما أمام الناجحين
ولكن الذي يذهب لا يعود حيث إنه ومع الوقت يألف الحياة الغربية ومعييرها ولا يستطيع أن يضحي أي تضحية لا اقول لأجل بلده بل أقول لأجل شعبه الذي ينتمي إليه
ازيك يا سيد زحل يارب يوفقك في الامتحانات....ده اولا
ثانيا...هقولك انا الانتماء بما اني من الفئة اللي انت ذكرتها...انا واحدة اتولدت و عشت في دولة خليجية لحد مخلصت ثانوية عامة و نزلت عشان الجامعة...و في آخر ايامي هناك كنت بعد الايام على النتيجة عشان انزل و كان اي خبر عن مصر بجري وراه عشان اعرفه و مكنتش اسمح لحد يجيب سيرتها الا بالخير و قبل كدة لما بننزل اجازات كنت مبنمش ليلة السفر..بفتخر اني مصرية ..كل ده و مصر معمليتليش حاجة و مخدتش منها حاجة و معشتش فيها غير شهر كل سنة زيي زي اي سايح...انا بقالي في مصر 6 سنين و برضه مخدتش منها حاجة تخيل...لما نزلت لقيت بلدي بتعاملني كأني غريبة مليش مكان..و اكتر كلمة سمعتها كانت"انتي وافدة و تعاملي معاملة الوافدين"..و من كتر ما سمعتها اترسخ ده جوايا ...و اقتنعت اني دايما غريبة..بس انا لسه بحب مصر و هفضل احبها..مصر الارض مش الافراد..هي دي اللي اشعر نحوها بالانتماء..عشان كدة لما بنسافر و بتوحشنا بتوحشنا بتكون بجد واحشانا لكن مبنرجعش عشان الافراد مهما كانت مناصبنا كبيرة و نقدر نبقى حاجة بس الافراد بيلفظونا في وسطيهم عشان احنا"وافدين"و هما بظلمهم و جهلهم مش هيسمحوا لحد يعمل حاجة و لو بسيطة للبلد و صدقني ساعتها مش مسألة مرتب كبير لان اللي يعيش في حتة الافراد اللي فيها بيقدروه هيبقى مرتاح اهم شيء نفسيا و بعدين ماديا..احنا بنشوف البلد من بره زي رائد الفضاء اللي بيشوف الارض من بعيد..بيحس انها اجمل بيشوف الارض و مبيشوفش الافراد...لا تشكك في انتمائنا ممكن يكون اقوى من اي واحد عاش فيها ..انت من غير ما تحس اتهمتنا بنفس الاتهام اللي بتشتكي منه في اول البوست "مش عشان احنا اهلاوية يبقى لازم نشجع المصري و الا يبقى معنديش انتماء"
اعتذر جدا على الاطالة بس دي نقطة واجعاني بقالها ست سنين
mesh enta ya bash mohandes zo7al elly tes2al 3an ma3na al entema2..
da f ABC statistics 3la fekra :D
anyway anyway.. ennak teb2a goz2 so3'annan awy men 7aga kbeera awy..
1/75 million goz2 zayyak w 2ard 3aysheen 3aleha bel neel wel zar3 w kol 7aga 3enak tshofha yeb2a enta 2add eh??
lamma ykoon el goz2 el so3'ayyar awy awy awy da by2assar fel kol da b shakl aw b a5ar b 7es en 3adam w goodak 7ayfre2 yeb2a enta btantamy lel koll da..
7at2olly ba2a ana law tafasht m7addesh 7ay7ess beyya 7a2ollak mashy bas law 3'erak w 3'erak tafasho mesh 7aykoon fe 7aga esmaha el kol elly 2araftak beeh da mawgood l7ad delwa2ty..
el entema2 kelma kbeera lafzan bas ma3naha sahel awy.. es2al bta3et el tamatem elly farsha fel share3 3an ma3na el entema2 7atedeek egaba mato5torsh 3la balak abadan w 7atkoon egabet ha mo3abbera geddan..ma3 ennaha mesh betbee3 entema2 fel 2offa bta3et ha.
al entema2 la yoba3 wala yoshtara walaken yet7ass faqat.. thanks ya zo7al
اولا ازيك يانوفا ربنا يوفقك في امتحان انهارده
ثانيا
انا متفقه مع نقطه ميه في كلامها
وانا هحكيلك برضه من ناحيتي
انا ازهريه صحابي ازهريه بنعشق الازهر
كتير من صحابي سابو الازهر وحولو للتربيه والتعليم وهما برضه بيعشقو الازهر
سابو من كتر الصعوبات اللي بتقابلنا فيه
سابو عشان بيحبوه
مش عايزين يكرهوه
سابوه عشان يحتفظو بالايام الحلوه اللي قضوها فيه
عشان متحصلش حاجه تكرهم فيه وهما مش عايزين يكرهو
بس عندهم انتماء ليه
دي طبعا وجهه نظرهم
بس في وجه نظر اخري
اني مسبهوشي ومهما حصل منه افضل اشوف الجزء الحلو بس
واحاول ازوده واحسنه
بس دا صعب شويه
اني رغم كل حاجه اشوف الحلو بس
صعب يامحمد
انا عايز اشكركم جدا بشده
بداية الباشهمندس عصفور المدينة
والباشمهندسة نقطة مياه
واكيد طبعاً
mmbeiram
واهلا بأهل اسكندرية
واكيد كورتي البعبع
بجد عايز اقولكم اني مبسوط بردودكم مع اختلافي الاكيد معاكم في بعض الجزئيات اللي حرد عليها ان شاء الله على طول
بس نلحق نفوق من تأثير امتحان النهارده وبعدين ارد ان شاء الله
بس معرفتش امنع نفسي اني اشكركم على انكم خليتوني استمتع بوجهات نظركم
والرد قادم ان شاء الله
سلام مؤقت
كلامك صح 100% يا محمد .. ترتيبك لفكرة الانتماء سليم ..
يعني انا مسلم
عربي
مصري
بورسعيدي
بورفؤادي
بيتي
عائلتي
أي حاجة خرجت عن الحدود دي .. فا هي أمور شخصية .. مستحيل تنفي إللي قبلها .. أو تلغي إللي بعدها .. اتهمك بعدم الانتماء .. يوم ما ترفع شعارات مثلاً عن حب بورسعيد و إنت عايش في جزر القمر .. و اتهمك بعدم الانتماء لأسرتك يوم ما تحث الناس على الترابط الأسري و إنت هاجر عيلتك كلها و ما تعرفش عنهم حاجة ..
لكن أبقى بهرج يوم لما أقولك إنت مش منتمي للمسلمين علشان بتلبس جينز و تيشرت .. أو اني اتهمك بعدم الانتماء علشان بتحب تسمع مشاري و مش بتسمع لعبد المنعم .. ده يبقى أسمه تهريج .. و أي حد يقولك غير كده يبقى فاهم الدنيا بالمقلوب و براحته .. لكن إنت صح ..
ربنا يوفقك .. و يحميك ..
دمت ..
عصفور المدينة
ازيك يا باشمهندس
بالنسبة لرد حضرتك عن هجرة العقول
فأنا اعتبر هجرة العقول دي حاجه طبيعيه نتيجة اللي بيحصل في مصر
وان كنت بقول ان الواحد لازم يحاول في بلده كتير
لكن لو فيه فرصه انه يحسن دخله ومستواه المادي بره
فيسافر
بس بشرط
انه ميهاجرش
يعني يشتغل هناك
لكن يرجع في الاخر
انما اللي بتكلم عنه هنا
انه يكون راح وهاجر واشتغل هناك
ومش عايز يرجع
وفي نفس الوقت عمال يتعذب انه بعيد عن بلده
فهمت قصدي
نقطة ميه
متفق معاكي ان ممكن الناس يتسببوا في الم للإنسان اللي بيكون راجع
بس مختلف ان الانتماء بيكون للبلد والوطن
ارض وافراد
علشان لو مش منتمي لأفراد فمش حهتم ان الوطن يتحسن فيعود على الافراد كمان
لكن لو بقا فيه واحد ادامه انه يرجع
وفي نفس الوقت الناس حتعاملة كويس وهو عارف
طب ده ميرجعش ليه
وفي نفس الوقت لو مثلا اتجوز وخلف هناك في الهجرة
كده ولاده حيطلعوا معندهمش انتماء
مهما عمل معاهم
فإيه بقا النظام مع الموقف ده
يعني تقدري تقوليلي ده ميرجعش ليه ؟؟
نست اتكلم عن حته كمان يا نقطة
بالنسبة لحكاية ترتيب الاولويات اللي انا كاتبه ده
انا اهلاوي وبورسعيدي
ومش بشجعغ المصري
يعني المصري عندي بعد الاهلي
الناس بتقولي معنديش انتماء
انا شايف اني مبقاش عندي انتماء لو كان المصري محتاجلي
وابيعه
هن بقا يبقا معنديش انتماء
انما بالعكس انا دائماً بحاول اني اتكلم مع شباب رابطة المشجعين
علشان نحاول نوصل لأفكار تساعد النادي
علشان ده جزء من انتمائي لأفراد بلدي
ان لو فيه حاجه تضايقهم
لازم اهتم
وندور مع بعض على الحل
علشان انا بنتمي ليهم برضه
فهمتي قصدي ؟
بص يا بشمهندس زحل...
انت بتقول ان الانتماء لازم يكون للافراد و الوطن..بس تعمل ايه لو الافراد لفظوك...هل ساعتها هيهتم انه يعمل حاجة تعود عليهم بالنفع و في حتة تانية بتقدره...طبعا لأ....الناس مبتقدرش ترجع عشان حست بقيمتها و مكانتها برة و حست انها بتقدر كبني آدم و فيه قانون و نظام بيطبق و مفيش بيروقراطية و تعنت..و انه لو ليه حق هياخده مش مسألة فلوس او حتة الناس حاتعامله كويس..اذا الناس مبتعاملش بعض كويس هيعاملوه هو كويس؟!
اما اللي يتجوز و يخلف في الهجرة بيبقى هو مسؤول عن زرع الانتماء في اولاده و زرع حب الوطن..يعني انا كنت اعرف مصر منين يعني غير بسبب بابا و ماما و بموت فيها ليه غير عشان اتزرعت جوايا قبل ما اعيش فيها
الناس زي مبتقولي يا نقطة ميه
بيعاملوا المغترب ده او الوافد زي مبيقولوا عليه انه غريب
اوكي
لكن ولنعتبر ده التحدي
انك تثبتي ليهم انك عندك انتماء للبلد دي اكثر منهم
تعملي الصح والخير وتشدي حيلك علشان تخليهم يثقوا انك عندك انتماء عنهم
وتخليهم يتكسفوا من نفسهم علشان معندهمش انتماء
بلنسبة للمعاملة بره
اوكي
بيقدروا الناس وكمان مفيش بيروقرطية
لو اتكلمنا عن ان ده في الوطن العربي فده في الاول وفي الاخر بيعود على اخ عربي مسلم زيي وزيك وده مش بسميه عدم انتماء لأن بشكل او بأخر حنفيد اخ عربي مسلم لو اجتهدنا ولو نشأ ابنائنا في وطن عربي فده برضه بيزرع جواهم الانتماء للوطن العربي ككل
لكن اللي بيكون عايش بره في اوروبا او في بلد اجنبيه
ده اللي لازم يهتم انه يرجع حتي ولو حيشتغل في اي بلد عربي غير مصر
بس بلد عربي مش اجنبي
اهو اضعف الايمان انه ميكونش في مكان غريب ومجتمع غريب يخلي الواحد ميعرفش يربي ولاده في بيئة عربية وتقاليد وعادات سليمة طبعاً غير اللي بيحصل في الخارج دلوقتي
انتي بتقولي ان اهلك هم اللي زرعوا فيكي حب مصر
دي حاجه حلوة جدا
لكن اقولك
انا اهلي زرعوا فيا
حب الوطن
الوطن العربي والاسلامي كله
من غير حدود
ومن غير عرق
ولا اي حاجه
يعني اخي مسلم احبه واساعده مهما كان حتى لو كان وحش
وده الانتماء الكبير للأرض والوطن الكبير اللي قصدي عليه
بجد مستمتع بمداخلاتك جدا ومعلش مش عارف ارد عندك على موضوعك علشان التعليق هناك مهنج معايا مش عارف اضيفة
mmbeiram
متفق معاكي ان الانتماء دي كلمة كبيره
واني جزء من الوطن ده وكل واحد يعتبر جزء صغير
وطبعاً ان الناس تهاجر كلها ده اكيد حيكون سبب كبير في التأخر والرجوع لورا جامد كمان
لكن انا جزء صغير
هنا جزء صغير
طب ليه لما بهاجر واطلع بره ببقا جزء كبير
وبأثر في حياة ناس كتير
طب ماعمل اللي عليا هنا واحاول
ومفيش مانع اني اطلع بره علشان اكبر وازود خبرتي
لكن ارجع تاني
مش احاول اصلح من هناك
علشان اللي خارج المشكله بيشوفها اه لكن مش بيعاصرها فمش بيعرف يحلها كويس
وده اللي بقول عليه
اخرج وسافر وروح وتعالى واشتغل في كل مكان ولكن ارجع لبلدك
لوطنك العربي
علشان الانتماء مش مجرد اني اهتم بقضايا بلدي
لكن اني اسعي اني اكون ناجح في بلدي
حتى وان كان ده صعب
بس مفيش مستحيل
كورتي البعبع
اكيد صعب جدا ان الواحد يفضل طول عمره بيبص للجانب المليان من الكوب
لكن مش انتي متفقة معايا انك لو حققتي نجاح ولو بسيط
في المكان اللي العمل فيه صعب واصلاحة صعب ده
لو حققتي فيه نجاح ولو بسيط
بيديكي دفعة كبيره لأدام
مش حقولك ان الوضح يوحي بالتفاؤل
لكن اهم حاجه منفقدش الامل ونحاول
مهو ده مكانا اللي بننتمي ليه
ولازم نحاول معاه ونحاول فيه الى اخر مدة بقائنا فيه
علشان بنتمي ليه
وشدي حيلك وان شاء الله يحصل الخير في هندسة الازهر على ايدك يارب
بالظبط يا روزاليا
يعني الواحد اهم حاجه ميعملش حاجه تتعارض مع الترتيب ده
وزي مقولت قبل كده
لو مثلا النادي المصري البورسعيدي محتاجلي
وانا اتخليت عنه
يبقا وقتها معنديش انتماء
لكن مش احاول اساعد مثلا بفكره او بحاجه ويتقالي انت معندكش انتماء متجيش معانا
شكراً لردك ومعلش اتأخرت اني ارد عليكي
zo7al hi el awel..
barekly ba2a 3andy news articles updated everyday men CNN w REUTERS 3la el blog bta3y..
kollo b fadlak ya basha eb2a nawwarny w ta7t amrak anytime marra men nefsy ya3ny..
salam.
ah sa7ee7 ana now Queen eraser law 3andak ayy eqtera7at i'm ready to hear..
لا اشكك في انتماء احد
لان الانتماء شعور و ليس تصرف
اوروفوار
queen
مبروك على البلوج الجديد والاضافات تحفة
وشدي حيلك كده عايزين بلوجك ينتشر يا دكتوره
------------------
طهقانه
اختلف معاكي علشان الشعور ان لم يتبعه فعل فيبقا في الغالب شعور مش صح
السلام عليكم ورحمة الله وبركاته
الانتماء ...!!!؟؟؟؟؟
كلمة غامضة مابقيناش نسمعها زي ما قلت الا في الافلام والمسلسلات
والناس اللي بتحكي عنهم دول بيبقوا عين في الجنة وعين في النار عاوزين يخدوا كل مميزات الغربه من فلوس ومستوي معيشي و في نفس الوقت بيحسوا بالحنين للوطن بس مايقدروش يعيشوا فيه ولا يستحملوا ظروفه
بقي ده يعتبر انتماء ...؟؟.....ماظنش
وانا كمان بضم صوتي لصوتك
مظنش خالص
علشان الاحساس لازم يتبعه عمل
وطالما مفيش عمل
يبقا احساس خاوي وخلاص
Post a Comment