طبعاً قبل محد دماغة تروح لبعيد ويقول العنوان ده شبه مدونة تاني
بس احب اقول اني كتبته علشان مناسب اوي للموضوع من وجهة نظري
لما تلاقي واحد شبهك في الشكل واستايل اللبس
ماشي
لما تلاقي نفس الواحد شبهك في اسمك الاول
بتحصل
لما تلاقي نفس الواحد شبهك في اسمك التاني
برضه مبلوعة
لكن لما تلاقي نفس الواحد شبهك في اسمك الثلاثي
وتلاقي مفتاح شقته شبه مفتاح شقتك مع العلم انه مفتاح فريد ونادر انه يتكرر
ولما تلاقي نفس الشخص ساكن جنب محل ميلادك
ولما تلاقي نفس الشخص بيلبس نظاره برضه
ولما
كفايه علشان انا عارف ان حواجبكم لزقت في شعركم زي محصلي مع صديقي العزيز
اللي بتكلم عنه دلوقتي
-------------------------------------------
نيجي بقا للموضوع الاهم وهو
هوا انتوا فاكرينا بنلعب في الكلية واللا ايه
والكلام ده موجة لكل واحد بيبصلي ويمصمص شفايفة ويقولي ايه دااااااااا انت جايب مقبوووول
اقوله تعالا هنا
بص معايا
النهارده ايه في ايام ربنا
الاحد 6 مايو
لما تعرف اننا كان عندنا امتحان اعمال سنه في السكشن يوم الخميس اللي فات
ماشي
طب وعندنا امتحان اعمال سنه في السكشن النهارده
مبلوعة
طب لما يكون عندك كمان تسليم تقريرلمادة ثالثة الاثنين 7/5
ماشي
طب لما يكون عندك امتحان يوم الخميس10/5 في مادة رابعة
برضه نقدر نقول فيه مسافة
طب ولما يكون عندك امتحان عملي في مادة خامسة يوم الاحد 13 وفي نفس الوقت مقابله شخصية على المنهج كله بتاع الماده الرابعة
ويوم الاثنين 14 امتحان وانترفيو على المنهج كله في المادة الثالثة
والخميس 18 امتحان اعمال سنه في المنهج كله في مادة غير كل اللي فات
والامتحانات رسمي يا جماعة اللي هي بتاعت اخر السنه دي المفروض تبدأ يوم الاثنين 21
واليوم ده بقا للصدف السعيده
فيه انترفيو
ولا عزاء لي
ومحدش يقولي بتجيب مقبول ليه؟؟؟
وحسبي الله ونعم الوكيل
بقيت كلمة اخيره وهي
اننا كل يوم من الايام اللي مفيهاش امتحانات واللي فيها امتحانات
بنروح بيوتنا الساعة 4 رسمي يعني بنخلص محضرات على 4 او 3 ونص
قولولي اذاكر امتا
-----------------------------------
بقالي كتير مكتبش هامش
هي فين المدرثة
ايه
المدرثة
اااااااااه اهييي
ازيك يا مفعوثة
عادل امام لسهير البابلي في مدرسة المشاغبين
15 comments:
طبعا طبعا انت بتقول الكلام ده لحد مكنش بيبقي عنده امتحان سيتيل ووراه انترفيو ستركشر وفي نفس اليوم تسليم شيتات خرسانة غير محاضرة السويل اللي فيها غياب والسكشن اللي في ...
الواحد اتعذب كفاية في الكلية يابني لدرجة ان اللي انت بتقوله ده نعمه..
وبعدين انا كل يوم واحد شبهي بالضبط وله نفس الكرش ونفس النظارة يعدي عليا كل يوم في نفس مكان شغلي ويقعد علي مكتبي ويسلم عليا عادي يعني
ياتري حنكمل للتلاتين بعقلنا يا كتاتني ولا حنودع بدري بدري؟
بص حقولك حاجه يا ابو حميد
انا هنا عايز اتكلم عنك وعني وعن كل الناس اللي كنت شايفهم على ارصفة الكلية وعلى السلالم وكله ماسك ورق وقاعد يقراله كلمتين علشان الانترفيوهات والفحت
بكتب ده علشان لازم نكون منظمين بقا
بكتب ده علشان نفضفض كلنا ونقول للعالم الكلية دي فيها نظام فاشل وطبعاً مقصدش الدكاتره اللي فيهم دكاتره كبار اوي وعلى كفاءه عاليه خصوصاً في مدني
بس تعرف
بالنسبة لسؤالك
بقولك اهو بقا ربنا يسهل
:)
وانت فاهم قصدي
آه ياربى الواحد ييجى يرتاح من هم المذاكره يتكعبل فى مدونه ذى ده لاء بس تصدق ضحكتنى فعلا اسلوبك تحفه والصوره أتحف
بكره تعدى وكله مقبول عند ربنا ان شاء الله:))))
أسعدنى مرورى بجد وأكيد هتلاقينى عندك كتير:)
سلام
واحده من الناس
سعيد بزيارتك الاولى وخطوة عزيزه
اه مهو كلنا بنحاول نرتاح من هم المذاكره
انتي بتلفي في المدونات
واحنا بنفضفض فيها
:)
شفتي هو هم مفيهوش فرار
بس ربنا ينجينا منها على خير ياارب
وان شاء الله البوست الجاي تلاقي حاجه تفك خنقة الامتحانات
قطعت قلبي يا ابني
ههههه
يا رب تنجح يا تتح
يارب يا بستوكة يارب
وارحمي جوزك شوية ده غلبااان
ههههههههههههههه
أنا قعدت طول البوست أقول ده بيكلم على نفسه ولا واحد شبهه فعلا
بس سيبك يا ابني .. الكليات بتجيب الانفصام الأصلي فعلا
هو انت ي كلية ايه؟
على العموم هي دي الكليات العملي..
علشان كده انا قررت أدخل أداب:)
ربنا معاك يانوفا
بس انت عارف انا مش بيضايقني كل دا
ممكن استحمل كل اللي بتقول عليه دا
بس اللي يخليني اكره نفسي واكره الكليه اللي انا فيها
انك تلاقي وسط كل دا
حد معاه معلومه ويخبيها وحركات نداله وحاجه سوري في الكلمه (تقرف)
ربنا معانا كلنا
متغيره شوية
هو فعلا واحد صاحبي
وبيحصله اللي بيحصلي
لكن هو مدني
وانا اتصالات
في هندسة ان شاء الله
ولاحول ولا قوة الا بالله
والله اكبر
وحسبي الله ونعم الوكيل في كل ظالم
:)
مبروك عليكي اداب
ارحم بكتيييييييييييييير
واوعي تغيري رأيك وتخشي كليه عملي في جامعة غير القاهره وعين شمس والاسكندرية
لأن البهدلة سمه مميزه في الجامعات الفرعية اللي زي قناه السويس
----------------------------
كورتي
فعلا
تعرفي فعلا بتفرق المعلومة دي اوي اوي
واسأليني انا اد ايه بتفرق
لما التيرم الاول واحد صاحبي ميخبثش وييجي يشرحلي ماده
في يومين ونص متواصل
وربنا يجعله سبب اني اعدي من الماده دي بعد لما كنت خلاص حشيلها
فعلا ربنا يكرمه
واللي بيخبث ده ربنا يسامحة اصل كتم العلم ده مش حاجه حلوة واللي بيتهيأله انه كده حيضيع وقته يبقا غلطان علشان لو جرب يشرح لحد المعلومه حتثبت في دماغه جدا
عن الشخص الاول فـ على فكره اخته اسمها على اسمى
وفي حاجه كمان مشتركه مستنيه اتأكد منها
...
عن الكليه
فـ انا حكتب سلسله الامتحنات الى كانت
والى جايه
الاحد امتحان على المنهج كله وتسليم شيت عام على المنهج وتسليم 3 لوحات رسم معماري
الاتنين امتحان على نصف منهج بتاع ماده تانيه
(الامتحان ده الدكتور غلط وامتحنا في حاجه غير الي ذاكرناها واحتجينا فـ اجل الامتحان)
الخميس امتحان عملى وتسليم شيت عام على الماده دي
الاحد الى بعده امتحان عملى لماده و امتحان على نفس الماده المنهج كله
وانتر فيو لنفس الماده
وتسليم شيتات الماده كلها "مع العلم ن موضوع ان الشيتات دى حتتسلم معرفوش الا من الدكتور من كام يوم"
الاثنين : امتحان على المنهج كله وتسليم كراسه المحاضرات الي طبعا مش كامله لان المحاضرات ملهاش لازمه
الثلاثاء : الساعه 9 امتحان على المنهج كله لماده
والساعه 12 امتحان على المنهج كله لماده تانيه خاااااااالص
الاربعاء : انتر فيو على ماده تانيه
وتسليم لوح الرسم كلها في المقابله
وطبعا اثناء كل ده انا لسه بروح الكليه وباخد حجات جديده في بعض المواد وباخد سكاشن رسم
وبروح مش قبل 4 شرحه يعنى
ولا حياه لمن تنادى
واشهد ان لا اله الا الله
انا ولله متخيله اننا لما نقول لأ ونقدم مشروع القرار الي يرحمنا من استهتار الدكاتره ده
تخيلت منشيت كبير في جريده ما بيقول
طلاب هندسه بورسعيد يستغيثون
اهيء اهيء
يالهوووي يا زحل .. ايه دة
ما علينا الله يكون في عونك
انا سارة نور الدين صحفية في المصري اليوم ، خدت قطعة من تدوينتك باسمك و اللينك وهانشرها في ص 14 يوم الأحد الجاي ان شاء الله تعليقا على معاناة الكليات العملية في مصر لانها بالفعل تستحق ذلك و عامة انا خدتها بصيغة الجمع للتعبير عن طلبة الكليات دي
أنا شفت البوست ده يا محمد
نزل فى المصرى اليوم النهاردة
بالتوفيق
مقاومة
اشكرك شكراً جزيلا بجد على انك بتحاولي توصلي صوتنا للعالم
ويارب يسمعوا
انا قرأت المقال وبجد كنت سعيد جدا جدا جدا جدا جدا فوق ما تتخيلي
والف شكر شكراً جزيلا على المجهود ده
وربنا يعننا جميعا
وشكراً لأخويا محمد جوده هو اللي بلغني بالخبر السعيد ده
وزعلان يا محمد , امال لو شفت عندنا في الشروق بقى اللي هي المفروض كلية خاصة ومدلعين الناس ..
انا هقولك على الاسبوعين اللي فاتوا دول بس مع العلم اني شغال ميدتيرمات بقالي شهرين متواصل ..
يوم الأحد في الاسبوع اللي قبل الاسبوع اللي فات كان علينا امتحان ميد تيرم تحليل نظم قوى , يوم الاثنين براءة , التلات كان علينا ميد تيرم جهد عالي (هاي فولتيج للي عايز يتفذلك) الاربعاء كان علينا الات كهربية (ماشين) الخميس كان براءة , السبت اجازة , الأحد امتحان في معمل القياسات , الاتنين براءة , التلات امتحان قياسات الكترونية ميد تيرم وعليه اربعين درجه من خمسين درجه اعمال سنه , الاربعاء كان امتحان هاي فولتيج تاني (كل امتحان هاي فولتيج عليه 10 درجات) والخميس اللي هو امبارح امتحان ميد تيرم ماتلاب..
اقولك الاسبوع الجاي عليا ايه؟ عليا مقابلة مع الدكتور وامتحان شفوي يوم الأحد في تحليل النظم , وعليا شفوي في القياسات , ويوم الثلاثاء امتحان هاي فولتيج , ويوم الخميس امتحان الفاينال بتاع المعمل وميد تيرم باور , ويوم الاحد امتحان الفاينال العملي بتاع الماتلاب وبعد كده اجازة 4 ايام عشان الفاينال ..
وعايزك بقى تبص على جدول امتحاناتي الرائع .. وفي الاخر يقولوا الكليات الخاصة بيتدلعوا ..مكانتش هندسة والله يا محمد ..
الجدول اهو
http://i17.photobucket.com/albums/b81/last_pharoh/Nakibo73278.jpg
ربنا يكون في عونك يا نقيب نت مطحون يابني
ربنا يعينك ياباشا
Post a Comment