تعلمت هذه الكلمة من صديق قديم
لم تعد تصلني اخباره الان بالرغم من طول فتره صداقتنا التي امتدت اعوام واعوام
ولكن يظل يعلق في ذهني
هذه الكلمة
التي عندما اخطأ
واوقن بخطأي
اسارع بقولها
واسارع بتعديل الخطأ وطلب السماح من الذي اخطأت في حقة
وازيد وازيد حتى يرضى
وانا الان اقولها
للجميع
جميع اصدقائي
اخواني
احبابي
من تربطني بهم علاقة قوية
او ضعيفة
من كنت اهتم به
ثم انشغلت عنهم
فقد اخطأت
نعم اخطأت
اخذتني الحياه وتسارعه في هذه الفتره من عمري
لتأخني وتأخذي اهتمامي بكم
وتركيزي معكم
الى نقطة اخرى بعيده كل البعد
نعم اخطأت ولا مبررات
اخطأت عندما انشغلت
وانتم
اصبتم عندما عاتبتوني
لذلك اطلب منكم ان تعاتبوني دائماً
وبأقصي ما يمكنكم من شده
فإن احسنت اليكم
فأعينوني ان اظل هكذا
وان انشغلت عنكم
فقوموني
وعاتبوني
مرات ومرات
العتاب كان مهم في الوقت ده
اكثر مما تتخيلوا
فشكراً لكل من اهتم وعاتبني على انشغالي
ومره اخرى
sorry
وسأسعى لإصلاح ما فسد بإنشغالي
12 comments:
كلامك خلانى افكر فى حاجات كتير وموضوع كتباه عن ثقافة الاعتذار
مش متعارف عليها بين اغلب الناس فى ناس بتفتكرها تقليل من الشخصيه مع ان الى يقدر يعتذر شخصيه محترمه وبتحس بتقصيرهااو بغلطها وعندها القدره على التسامح والاحساس بالذنب الى كتير ماعندهمش ده ولو كل حد حس انه غلط او مقصر وعمل الى انت عملتو اعتذر هيبقى فى تسامح ومش هيبقى حد شايل فى قلبو من حد وكاتم الى فى قلبه
----------------
يظل يعلق في ذهنى
هذه الكلمه
التي عندما اخطأ
واوقن بخطأي
اسارع بقولها
واسارع بتعديل الخطأ وطلب السماح من الذي اخطأت في حقة
-----------
فى ناس مهما اتشغلو مابيحسوش انهم مقصرين بس بجد
مش غريب عليك انك تكون كده
وكل يوم بكتشف فيك حاجات جديده بجد
ربنا معاك
اجمد يا زحل
لازم الانشغال ده حيمر عليك كثير
بس أهم حاجة إنه يكون في الأولويات
أما فتحك لباب الانتقاد وقبوله فهو ينبع من نفس نقية
أنا كمان اسفة لأن بقالى كتير ما زورتش مدونتك، بس كنت مسافرة
وألف مبروك على النجاح، وعقبال البكالوريوس يا باشمهندس
ولا يهمك يا زحل
والناس الحلوة دايما معانا حتى لو غايبين
واحنا بس كنا قلقانين عليك
شد حيلك انت بس وربنا يعينك على اللي انت فيه
أخوك كاسبر
ربنا يعينك يامحمد
انت بس وحشتنا اوي
بس احنا مش زعلانين منك
احنا زعلانين بس من غيابك عننا
وربنا معاك
عارف
انا
عايزه حد يعاتبنى
!!
زحل
متاخدش الأمور بحساسية كده.. الحمد لله مفيش حاجة فسدت بغيابك ان شاء الله ظروف و تخلص و ترجع تزاول نشاطم تانى. مش معنى انك مشغول شوية تبقى عملت جريمة بس فى أولويات و احنا مقدرين تعبك الأيام دى. ربنا معاك و احن اخوات.
أد ايه غباء الى بيفتكر ان الإعتذار ضعف ده مش بيقولها غير حد قوى لأن طبيعه الإنسان بترفض انها تكون غلطانه
متقلقش على الناس الى بتحبهم ويحبوك مهما أتأخرت عليهم أكيد شايلنلك ذكريات حلوه بتصبرهم على بعدك
بس ياريت منسوقش فيها بقى خلينا كويسين هههه
سلام:)
رنا
الف شكر لمرورك المميز دائماً ويارب اكون عند حسن الظن
----------------
باشمهندس عصفور المدينه
اشكرك جزيل الشكر على مرور حضرتك بجد
وكل رد بنصيحة استفيد منها كثيراً
-----------
بحبك يا مصر
انا اللي اسف اني بقالي كتير مش بزور ولا مدونة
والله يبارك فيكي يارب
---------------------
كاسبر
الله يخليك يا باشا ربنا يديم الاخوه يااااارب
-------------------
كورتي البعبع
ربنا يخليكي يااااااااارب
ودعواتك ربنا يكرم كده يااااارب
----------------------
فوكيره
تعرفي اننا كلنا محتاجين نسمح لحد بنثق فيه انه يعاتبنا
كوين
الله يخليكي يااااااااااارب
ومتشكر اوي على الكلمتين الحلوين دول
وربنا يخليكي يارب
-----------------------
واحده من الناس
:D
متقلقيش مش حسوق فيها ان شاء الله
ربنا يحميك يا ابني من كل نيزك
Post a Comment