تحديييييث
احمد البلاسي صديقي العزيز
ظبطني في 23 حلقة معاطي شو
حنعييييييييييييييييييييش يا جدعاااااااااااااااااان
------------------------------------------
سعات بسرح مع نفسي وافضل ابص في المرايه
من شوية يعني لما كان شعري طويل قبل محلقة
بسرح والاقي نفسي ريتشارد قلب الاسد
تيجي اختي وتبص عليا وماما وخلاص يقولوا لاحول ولا قوة الا بالله الواد اتهبل خلاص
كنت متقمص شخصية ريتشارد قلب الاسد لما كان بيهاجم اورشاليم
اللي هي القدس النهارده
وعمال يقولهم لقد ارسلت اوروبا بفلذات اكبادها
ان الطريق الى اورشاليم يستحق ان يفتل في كل خطوة عشرات وعشرات
اذهبوا
وارفع ايدي لفوق واقولهم الى اورشالييييييييييم
المهم بقا اننا لو روحنا للجانب التاني حنلاقي عيسى بيه العوام
اللي هو واخد مقاولات البحر في جيش صلاح الدين
كان راح من نص ساعة في الفيلم
يعني من كام يوم كده المفروض في الحقيقة
كان راح علشان يجيب الدمشقي من عكا
والدمشقي هو العالم اللي جاب شوية احماض وعمل السائل المضاد للأبراج
نرجع بسرعة للمشهد والابراج داخله على الحصن
ويروح المسلمين عاملين شوية صرر كده وكل صره فيها شوية سائل مضاد للأبراج
ويروح السائل المضاد لفرجينيا ده يضربوه فيحرق الابراج
وتلاقي الجيش اللي كنت قولت عليه
على اساس اني ريتشارد قلب الاسد يعني
اللي قولت عليه انه يستحق ان يموت في الطريق عشرات وعشرات
الاقي معادش فيه عشرات ولا خمسات حتى
وارجع انا وشوية الحمير اللي راكبين عليهم دول وانا متوقع الهزيمة
بعد بقا لما صلاح الدين افندي في اول الحرب لما راح وقابل ريتشارد اللي هو انا وقاله انكم تحرقون اغصان الزيتون
فريتشارد اللي هو انا يعني قاله لا يجب ان تكون اورشاليم من حقنا لأنها مهد المسيح
راح صلاح لدين ساحب وقاله والله لوريك يا ريتشارد بس بالذوق كده
طبعاً محنا عارفين ان صلاح الدين ذوق
وبعد لما فرجينيا اتفقت مع الواد كونراد وفيليب اغسطس اللي هو محمود الحريري
وباعوا ريتشارد للمسلمين وبعتوله عايزين يسلموه عسقلان وكام اماره تانيه علشان يوصلوا لأورشاليم
راح ريتشارد قلب الترابيزه عليهم وبعدين رح يزور صلاح الدين في القدس
راح وهو داخل باب المدينه
اوم ايه بقا
ينضرب بسهم مسموم
طبعاً كلنا عارفين مين اللي ضرب السهم المسموم
ايون شاطرين
ارثر الفيتامين
اللي كان عايز فرجينيا بس هي قالت ده عجوز وانا لسه شابة مينفعش معايا
بس فرجينيا لما شافت السهم المسموم وقالت بقا لا ده الواد ارثر ده دماغ ولازم الهفة قبل مالبت التانيه تاخده
مش عارف تاخده على ايه
بس صلاح الدين بقا راح عمل حركة جدعنه وقام رايح معسكر ريتشارد علشان يعالجه
رح ريتشارد لما فاق قال لصلاح الدين انه حيغزو القدس
قام صلاح الدين قاله ليه محنا كويسين معاكم
راح قاله لااا ده بلدنا ولازم ناخدها
راح صلاح الدين لافف وكان حيديله بظهر ايده بالقلم بس مسك نفسه وقاله ولماذا يجب ان تكون انت ملكاً على اورشاليم
ياابااي يا اخي
مش احنا بنظبطكم والمسيحية تخدم وتصان
قاله ريتشارد لا انا اصلي عايز اظبط المملكة وارجع بمفاتيح اورشاليم
نرجع تاني لعيسي العوام
ايوه اللي كان واخد مقاولات البحر ده
فضل يحب البت لويزا الفارسة الصليبيه
اللي في اخر الفيلم حترجع تتجوزه ويعيشوا في تبات ونبات ويخلفوا صبيان وبنات
المهم بعد لما صلاح عالج ريتشارد
رجعنا للنقطة اللي بدينا منها ان ريتشارد قالهم الى اورشاليييييييييم
وبعدين لما الابراج اتحرقت
راحت كمان فيرجينا بقت فرجينيا المشوية
ويوميها بلليل جت لويزا تعالج فرجينيا معرفتش
طبعاً مهو اللي واقع عليها برج مش كوخ
راح كان مين موجود بقا
ايوه كده اصحوا معايا
ارثر الفيتامين
راح قال للويزه وكمان فرجينيا
ايه ده
فيرجينيا اللي كنت عايزها راحت وبقت كده من غير وش
لااا
راحت فرجينيا اتخضت ليضربها بسهم عربي مسموم
راحت فاتنه عليه لمين
ايون
للويزا
وهي بتفتن راح ارثر ماسك فرجينيا ومخلص عليها
لويزا بقا مش تبقا جدعة كده وتدافع عن فرجينا
لاااا راحت بايعاها وجري على ريتشارد
ووصلت الخيمة
طبعاً مهو فيلم عربي
قالتلهم فرجينيا اكلتها النار
اصلها كانت جعانه
والسهم العربي
اطلقة ارثر
وخلاص المخرج هنا قالها انت دورك انتهي
راحت واقعة في الارض ولا نفس
وطبعاً ريتشارد بقا في نص ذقنه
كل شوية واحد يبيعة
قال لنفسه لاااااا انا ابيعهم كلهم
وراح رايح لصلاح الدين وعقد معاه الهدنه وروح على بلاده
وهو ماشي بقا راح رافع المطوة اللي كان شايلها في عب البنطلون
راح صلاح الدين قاله انت حتصيع علينا واللا ايه
لا حط مطوتك في جيبك لحسن الرجالة وخصوصاً عيسى العوام
ايوه اللي واخد توكيل البحر ده
يخلص عليك
راح ريتشارد قاله طيب وراح حاطط الخنجر في البنطلون تاني وراح قايله خد يا عيسي البت لويزا
طبعاً مهو العمر مش بعزقة يعني
المهم راحت لويزا راجعة للواد عيسي العوام
وبدل مياخد توكيل البحر زي مكان في الاول
بقا واخد توكيل البحر وكمان توكيل لويزا
طبعاً مهم بيحبوا بعض من ساعت بحيره طبريه
لا بحيره طبريه دي حكاية تانيه وانا كده الفيلم طول مني
ومينفعش الكلام ده
في الاخر خلص الفيلم على مشهد جميل لعيسي العوام واخد البت لويزا وبيتفسح باليخت في بحيره طبريه
وصلاح الدين واخد القدس اللي هي بعد بحيره طبريه بشوية
وريتشارد قلب الاسد مشي من هناك
ايوه من جنب بحيره طبريه
وتلاقي الست اللي عمالة تقرج الجرس بتاع الكنيسة في القدس
اه برضه اللي كانت شربت من بحيره طبريه
وخلص الفيلم
بعد لما مات رينو السفاح في اول الفيلم وتقريباً مكانش معاهم فلوس يقبضوه
وسمعنا انهم رموا جثته في بحيره طبرية
الا قولولي هي فين بحيره طبريه
سلام
15 comments:
قولى الأول انت خلصت دور ريتشارد باشا قلب الأسد ولا لسه؟؟
قصدى حلقت ولا لسه معزبهم ف البيت؟؟
لو قلتلى حاقولك فين بحيرة طبرية..
ده فيلم عوكل أو كده مش الناصر صلاح الدين ابدا دى كل الشخصيات لبش و سوابق..اللى معاه مطوه واللى خطافت رجاله.. ربنا يلطف بينا و متتفرجش على أى فيلم لحرب أكتوبر لاحسن تعمل الابطال مسجونين بتهم شرف و مخدرات..سلام
ياعيني يا زحل
للدرجه دي الامتحنات بتأثر كدا !! ولا الحلاقه ولا ايه
بس انا رايي ماتسكتش ابدا
ولا اقلك بيقولوا ريتشارد في المنام نصره كبيره
:D
وعشان ماتزعلش يا سيدي بحيرة طبريه في مدينة طبيره في فلسطين
يلا اي خدمه يا ريتشارد
:)
هو دايما المخرج بيبقى مهيس كدة ساعة ما يعمل الفيلم
هب اخبط ارزع يطلع فيلم عربي
لا وإيه القدس
طبرية طبعا انت عارف مكانها بعد إيلات على طول بس فووووووووق
إخس عليك يا زحل .. مش عارف طبرية فين .. دي جنب بيت خالة بنت عم جدة أم عطالله على طول ..وضحت بقى ..
رح روح أحضر الفلم و ارجع أقرأ البوست تاني ..كود لاك في الامتحانات
محمد!!!!!!!!!
لا يابنى انا عاوزاك سليم معافى
وعقلك موجود ربنا يكرمك
ريشتارد طلع المطوة من جيبه؟
وصلاح الدين قاله بلاش صياعه؟
يخبتى؟
ده صلاح الدين ولا اللمبى؟
يا محمد يابنى احلق زلبطه
هو ده الحل الامثل
ربنا معاك يابنى
...........
الله يكرمك والنبى بلاش كده
انت عارف الى احنا فيه
لو باظ حاجه هنتحر صدقنى
:d
بهزر بهزر
ربنا معاك فى الامتحانات دى
سالخيييييييييير
اولا بشكركم جميعا وكل اللي ردوا
وبالنسبة لبحيره طبريه
اصلها عاملة ازمة
انا عارف انها في الاردن واسرائيل واخداها مقاولة
صح الكلام؟؟
------------------------
كويين
ايون ياستي حلقت
شعر وذقن كمان
وبالنسبة لدور ريتشارد
انا معجب بحمدي غيث في الدور ده لدرجة تخليني محبش ابطله ابداً وعلى فكره انا حافظ الفيلم كويس وان كنت كتبت غلطات متعمده
فدي تهييسة زي مأنتي عارفة
وبعدين ايون فرجينيا خطافة الرجالة
كانت متجوزة رينو السفاح على رأي صلاح الدين
وبعدين راحت اتحالفت مع ريتشارد
ووقعت فيليب اغسط لم كان نايم على بطنه وبتلعبله في شعره
ولما اخذت الخاتم من محمود المليجي
وبعدين لما عصرت على نفسها لمونه علشان تغازل ارثر الفيتامين بعد السهم العربي
يعني خطافة رجاله بالثلث
وكنت حاسس انها عايزه تخطف عيسي العوام
اه بتاع توكيل البحر بما انه شكله متريش يعني
وبعدين افلام حرب اكتوبر كلها شبه بعض
ممكن يحصلي تهييسة كده بس ربنا يسهل يعني
:)
يا عينى يا زحل هى إمتحانات الهندسة تعمل كده، يلا معلش ربنا يصبرك، عموما هو التهييس أحسن من الاكتئاب برده، أنا حاولت أسمع حلقات يوسف معاطى بس بتقطع مش عارفة ليه ما عرفتش أسمعها كويس بس ضحكت برده، ادعيلى بقى لحسن أنا خلاص اتخنقت من المذاكرة وفضيلى يومين بالظبط وخلص خااااااااالص
روزا
الامتحانات بتأثر تأثير مؤثر الصراحة
يامانفسي ربنا يرزقني بكاميرا اوريكم الماده اللي كنت بمتحنها النهارده دي عاملة ازاي واوركم شكل المكتب
يامانفسي
افتكرت في جملتك بتاعت ريتشارد في المنام نصره
:)
لما محمد صبحي بيقول لعبلة كامل في وجهة نظر بيقولها لا وبيقولوا الشين في المنام نصره والله
ههههههههههههههه
وايون كويس الناس ابتدت تقول على مكان بحيره طبريه
طب معندي فكره اسألي لويزا مهي كانت بتستحمي هناك
في حنفيه المياه العمومية
:):):):):):)
عصفور المدينة
شكراً لتشريف حضرتك بالرد في تدويناتي بجد
اه هو المخرج بيهيس
المهم انه يطلع فيلم ميتنسيش
بس تعرف حضرتك من اجمل المشاهد في الفيلم ده مشهد المحكامة
ساعت لما ريتشارد في اخر المحاكمه للويزا
فرقع الواد بتاع فرنسا
وقاله ده جزاء من يتقامر على حملتنا المقدسه وعلى الصليب
كانت حته بومبة جامده جدا
ايون طبريه بعد ايلات فوق على ايدي اليمين
صح ؟
sasbsoub
منورة يا باشمهندسة
لفيلم بحضره في دماغي كويس جدا
لكن ظروف الامتحان بتخلي الافلام تسيح على بعضها
:)
شكراً لتعليقك وحمد لله على السلامة
شيماء
دونت ووري
اللي حننظمه في الصيف ان شاء الله يعني حيكون الواحد فاق
ومتقلقيش مش اول مره ننظم حاجه زي دي
:)
بحبك يا مصر
ربنا يصبرنا ويصبرك
حمد على السلامة
وربنا يعينك وتخلصي
انا لسالي اسبوع للأسف
ربنا يهون علينا الاسبوع يارب
بالنسبة لحلقات معاطي شو
فيه اذاعة بنعملها على النت
خفيفة اوي وبتشتغل بسهولة جدا
حعمل ميعاد ان شاء الله واذيع فيه الحلقات على النت والكل يسمع
وان شاء الله تعجبك
وحاولي تحمليها تاني
يا زحل الامتحانات عاملة عمايلها..فعلا...و بعدين بحيرة طبرية دي خلف محطة البنزيييييين...كفاية كدة نظرا لحالة الامتحانات اللي بتمر بيها!!
لا حلوة يا يا ريس زحل
تنفع مخرج
بس مخرج افلام كارتون
ههههههههههههه
بصراحة بقى والحقيقة يعني انا اكتر دور عاجبني ومعلم ف نفوخي اوي هو درو ارثر الخاين ده
اه بجد الراجل ده ادى الدور ببراعة
وكمان الغريبة انك متعرفش هو ليه عمل كل ده
مش عارف
يمكن اتهف ف دماغه وافتكر انه مثلا هياخد الحكم من ريتشار
ولا هي غلاسة وخلاص يعني
وخيانة ع الفاضي
المهم ربنا يسترها عليك ومتتقمصش دور احمد زكي ف ناصر ستة وخمسين
لحسن باين عليك غاوي زعماء
هههههههههه
تقبل تحيتي
يا نقطه دي عاملة وعاملة وعاملة
تعرفي اني نسيت الالة الحاسبة امبارح
وكانت فرجه في الكلية لما الكلية كلها شايفاني وانا بجري
ياللا حنعمل ايه بقا
استني عليا حرفع شوية حلقات معاطي شو جديده
-----------------------------
kasperb4
دور ارثر دور معقد شوية
لكني اقولك ليه هو عمل كده
صديقة الملك جون ولي عهد انجلترا
قاله في اول الفيلم على جنب لما جت فرجينيا تكلم ريتشارد قلب الاسد في انجلترا
راح جون اخذ ارثر على جنب وقاله لو ريتشارد مرجعش
حبقا انا ملك انجلترا
واخليك انت ملك على اورشاليم
حتى بالامارة في اخر الفيلم وهم حابسينه في القفص
فضل يقول اين انتي يا فرجينيا سنكون حكاماً على اورشاليم
وجون صديقي ملك انجلترا لن يسمح بهذا
صح
:D
وايون الواحد غاوي زعماء
:):):)
وسلملي على ريتشارد باشا قلب الاسد
Post a Comment