بعد لما قريت تهييسة انا وانا عن الاكل وسد الحنك
وبعد قراءه تدوينات كتير برضه فيها ميزة التهييس
زي تدوينة كده او كده او يعني عند روزاليا
بعد اللي شفته
واللي متوقع اشوفه
قررت اني اتكلم عن الزلط !!!والمسيره
اوقات كتير الواحد بيكون ماشي في طريق طويييييل
وفجأه
بيقف علشان فيه ادامه حاجزمانع ..ساتر
طيب مابالك لو ادامك زلطة ....يا جماعة انا لسه ملسعتش زي مبتقولوا لنفسكم دلوقتي
اه زلطة... ايه يعني
طب لو زلطة و نص
ممكن الزلطة ونص توقف المسيره ؟
اعتقد ممكن
وده اللي انا حاسس بيه دلوقتي....
فاضل زلطة ونص وتتوقف الممسيره
تتوقف تماما
ومعتقدش ان النص المليان والنظر من عالى وكل الكلام اللي عمال اقوله ده حيشتغل
بحمد ربنا ان اللي ادامي زلط.. مش جبال ..بس لسه مش عارف
هل حشيل الزلطة؟؟؟ واللا حشوطها بعيد؟؟ واللا حبعد عن الزلطة واتزحلق من النص؟؟
حد فيكم فاهمني ؟
مش مهم
ولو قابلتوا حد فاهمني ابقوا دلوني عليه
علشان اعرف منه ايه حكاية الزلطة ؟؟!!!!!!!
----------------
على الهامش
زلطة يا زلطة يا زلطة
فيفا زلاطاااااااا
21 comments:
اولا شكلى اول حد قرأ الزلطه ...قصدى البوست
عارف انا ياما دقت على الراس زلط بس اعتقد ان الحل الفعلى له انك تشيله وتبعده عن طريقك نهائى ده بالزوق الاول والزوق ليه طرق كتير اوى
لكن لو منفعش يبقى لازم القوة لكن اياك تستسلم له ابدا
اليأس وحش جدا ومش الزلط الى يوقفنا ولا ايه؟
على الهامش ؟...فيفا زلاطا ده فيلم رخم ارخم فيلم لفؤاد المهندس :d
الله يرحمه
شيل الزلطه وحطها على جمب
عشان لا تتكعبل ولا غيرك يتكعبل
فعلاً تقريباً انتي اول واحده تردي على الزلطة
تعرفي انا متفق معاكي انه ياما دقت على الراس طبول
انما ساعات الزلطة دي بتبقا القشة التي قصمت ظهر البعير
بس برضه لا استسلام بس لازم فتره نقاهه
وعلى فكره انا برضه مش بحب فيلم فيفا زلاطا
مش فاكر غير اسمه وكام مشهد كده بس
ان شاء الله
انت من طريق والزلطه من طريق
وربنا ما يكتب علينا
نتكعبل في زلط ابدا
طب ايه كده خلاص ولا لسه في حلقات عن الرمل والاسمنت وكده يمكن نبني فيلا
هدفك على الطريق أكبر و أعظم من إن يمنعك عنه زلطة فما أصغر .. و ما أكبر .. مافيش حاجة في الدنيا ممكن توقفك .. فا اعمل زي ما قالتلك شيماء .. شيلها و إنت كلك إيمان و رضا داخلي إنك يا زلطة حاجة هينة أوي أدامي و بسيطة أوي أدامي و إنه مش أنا إللي ممكن إنتي توقفني .. شيلها و احتسب عملك لله .. زكاة عن لحظة نجاحك ووصولك لهدفك من دلوقتي و من قبل ما توصل .. دوووووس يا محمد و ما تخااافش ..
ربنا يوفقك
بص يا حمادة
انا مش فاهم حاجة
مساء التهييس
بس خير والله ان شاء الله
:)
جوسي اعتقد اني ححاول برضه مش حيأس ان شاء الله
والزلطة هي اللي تمشي
انا مش حمشي ان شاء الله
طريقي هي ماشية فيه
تشوفلها سكه تانيه تسدها
-------------------
كراكيب
اولا منورة بقالك كتير مزورتينيش
منورة
وبالنسبة لمدونة عن الرمل وخلافة
ممكن بس لما اخذ درس مدني عند جوسي
:D
---------------------
روزاليا
المعوقات خلت طاقتي في اني ادوس
اصبحت بحفر
مش بدوس
فاهماني طبعاً
------------------
مساءك فل يا ابو حميد
مش فاهم
امممممممممم
منا قولت ده المطلوب
المهم انت بس حسيت الوضع ايه
وده المهم
انا اقول ان الزلطة دى ممكن عائق او سد واقف قصادك بس لاوم تقاوم وتحاول تعدية ولاتستسلم مهما كانت الظروف وطول ما انت عندك امل هتعدى الزلطة ومليون زلطة كمان
تحياتى
ههههههههههههههههههه
اقطع دراعك لو كنت فهمت حاجة
بس انا اعرف الزلط كويس
يعني هي جت علي الزلط دة
امشي يا ابني فوقه دة حتي بيبنفع واحنا بنزئل الناس بيه
ولا يهمك يا محمد من الزلط ده
مش زلطة اللى هتوقفك عن طريقك
ايه يعنى زلطة؟!!!!!دى ولا حاجة
جنب النجاح اللى بنأمله فيك ان شاء الله
وبعدين زى ما قالولك اياك تستسلم لليأس
وخلى املك فى ربنا كتير
وان شاء الله انت اد انك تشوط الزلطة دى بعيد عن طريقك بكل قوة
والدليل قالوله.......
مش عارفة يظهر الزلط كتير في البلد الأيام دي
عشان كل ما ادخل بوست ألاقي معوقات وزلطات
حتى انا عندي حاله شلل عام ،،
بس إن شاء الله مرحلة وتعدي وكلنا هندوس على رأي روازليا
تامر شكراً لزيارتك بجد
وشكراً لدعمك وان شاء الله ربنا يسهل ونكسر الحواجز
---------------
سمراء
مش فاهمة ليييييييه ده كلام بسييط وسهل
بس عامة اهو زي مأنتي قولتي بينفع لما نزقل الناس بيه
لكن بالنسبة للناس اللي بيتزقلوا بقا ؟
مش بينفع خالص
--------------------------
نيره
شكراً لدعمك وربنا يسهل ان شاء الله ونخلص منها على خير
--------------------
انا افكر
فعلا الزلط كتر يا كايند
لازم نستحمل وربنا يسهل
فاضلك زلطة ونص وتطلع بره.
أنا فهمت موضوعك يا سوبرنوفا وفهمت ايه المقصود بالزلطة - أكيد مش زلطة الكرنب ولا زلطة الزبادى -بس اللى مش فاهمه اشمعنا زلطة ونص؟!
عموماً علشان ماطولش عليك فى التهييس خلينى أقولك المفيد وهو؛ لو كنت شايف الزلطة ونص واتزحلقت فيهم ماتلومش إلا نفسك - إزاى تبقى شايف الزلطة بعينك وتقع بسببها - ولو ماكنتش شايف الزلطة ونص ووقعت فيهم من غير ما تاخد بالك ماتخليش غيرك يقع فيها من بعدك وحاول إنك تشيل الزلطة ونص ولو ماقدرتش علق يافطة مكتوب عليها حاسب من الزلطة ونص علشان اللى ماشى وراك فى طريقك مايقعش زيك.
عندك حق يا صندوووق
لو كنت شايفها واتزحلقت فيها يبقا انا اللي غلطان
فعلا
السلام عليكم.....لقد افتتحت مدونة جديدة.....رجاء الاطلاع عليها و ترك تعليقات حتى أعرف هل أستمر أم لا؟.....أنا لست مدون جديد....و لكنى أغير وجهتى فى الكتابة.....شكرا
الزلط ممكن يكعبل لكن ما يوقفش
انا مع النظرية البلدوزرية
يعني دوسي على اللي قدامك فتفتيه
و لو عايزة اي خدمة انا موجودة
اللي يزعلك قوليلي بس و انا اسفلته
تحياتي
يا صبااااح التهييسااااتــ(ـك) ، طب مش كطنت تـ(لينك) للحاجات اللي بتقول عليها ف الأول دي ، ألا قول لي يعني إيه تهييسة عن ( سد الحنـك) ؟!!!! بجد حراااااال عليك !!!! إنتا بتتريق !!!
دي حقيقة واقعة
يا حلااااوتــك وانتا بتهييس يا ح لا اااو تـــك
مممممممممممممممممممممم راجع لك ونص
351
جاري زيره مدونتك
------------
سمبتيك
اولا شرفتي ونورتي مدونتي وشرف كبير لي انك تزوري مدونتي
ثانياً سوبرنوفا وزحل الفلكي هم شخص واحد بس مذكر
:)
اصل كركيب نهي برضه بتكلمني بالمؤنث
بالنسبة للتعليق
تعرفي نظرية البلدوزر دي بتنفع برضه
تعرفي مثلا التيرم الاول كان عندي ماده كنت ضايع فيها بمعنى الكلمة
المهم
بعد لما ايقنت ان خلااااااص
كلمت واحد صاحبي في وقت مقتول
وقعد شرحلي الماده
3 ايام
متصله
لحد مفهمت الماده (يعني)
وربنا ستر ونجاني منها
ساعات الزلط بينفع في اننا نعند معاه ونتحداه
عندك حق
--------------
ابراهيم معانا
اه كنت حلينك التدوينات والتهييسات دي
بس للأسف مش بعرف احط اللينكات ازاي في المشاركه الا لو كانت لينكات عادية من غير اسماء
وبجد اينعم انت كتبت تهييسة سد الحنك
الا انها ظهرت على انها تهييسة
مكتوبة بإسلوب انا شميت فيه التهييس جامد
وبرضه كانت حلوة جدا
شكراً لزيارتك يا باشا
هدفك على الطريق أكبر و أعظم من إن يمنعك عنه زلطة فما أصغر .. و ما أكبر .. مافيش حاجة في الدنيا ممكن توقفك ..
اتفق مع روزا فى كلامها ده
شوط الزلطة بعيد بس متنساش انك قابلتها فى الطريق ده أهم
و ربنا يحفظك فى الزلط و الطوب
و ان شاء الله خير
و ربنا مبيجبلناش حاجة وحشة
دعواتى و تمنياتى
بحرى أنا
سلام عليك يا زحل الفلكي
دي اول مرة اعلق عندك و سبحان الله جت في الزلطة
انا مرضتش اقرا الردود التانية عشان احافظ علي فكرتي و اكتبهالك
شوف يا سيدي
من منظور هندسي"نسبة للزلطة و الاسمنت و الكلام البنائي ده "
انا شايفة ان الزلطة اللي قصدك عليها ممكن تكون مشكلة تقابلك في طريق حياتك
احسن حاجة اتعلمتها مؤخرا اني مسبش الزلطة لانها ممكن تقف في طريق غيري و بلاش اشوطها لانها ممكن تجرحني و مكونش قد الالم
اظن الاحسن اني اعدي من فوقها لاني ححس ساعتها اني اعلي منها و بعدين ممكن ارجعلها و ابص لها بانتصار و ادوس عليها لغاية لما افتفت الخوف اللي جوايا منها
ساعتها مش ممكن تنتصر عليا و لا تسيب جوايا اثر
ايه رائيك ؟؟؟؟
تفتكر انا كده فهمت قصدك من الزلطة؟؟؟
بعيد عن الرد فكرتني الزلطة بالمسرحية "فاضلك ظلتة و تطلع بره.....:)"
اسعددني الحضور في مدونتك لانها فعلا عميقة جدااا
سلام
مها
جوده
شكراً لزيارتك وتعليقك
وربنا يعيننا ونقدر نشوطة
--------------------
مها
اولا دي اول زياره ليكي هنا
خطوة عزيزة
ومتقطعيش الزيارات
منورة
كويس انك مقريتيش الردود ورديتي مره واحده
وفكره كويسة ان الواحد
يعدي من فوق الزلط
ويرجع يبصلها ويقولها مش حتوقفيني تاني
اكيد ده اللي بيحصل معانا كلنا
لكن بييجي للواحد وقت
بيحس انه مش قادر
ووقتها بيحتاج اللي ياخد بإيده
ولو بكلمة كويسة
تمام ؟
منورة تاني مره
Post a Comment