تااااج الجزيرة.... السلطانيية

اصابتني السلطانية دي من فتره بس مكنتش جاوبت عليها

بشكر لحظات احمد عيسي على السلطانية ونبدأ نجااااااااوب

س: اية اللي حيحصل لايميلك لما تموت ؟

ج: عايزين الحق ..حيفضل يمتلئ من الرسائل الدورية الى ان يكون مليااااااااااااااااان وبعدين يقعد 3 شهور ويتلغى
س: اديت الباس وورد لحد قبل كده؟

ج: طب ليه الاسئلة دي طيب !! ايوه ياعم اديته
س: لو اه كانت طبيعة علاقتك بيه اية؟

ج: مهو على حسب لو مثلا باسوورد منتديات فممكن اديها لواحد صاحبي لو المنتدي مش بيفتح عندي ولو باسوورد جهازي يبقا ممكن اديها لأختي علشان تشتغل من غير ميكون غلاسة
كده يعني فتح مخك معايا ..اه
س : اسمك؟

ج : محمد
س: اسم الدلع المشهور وسط اصحابك؟

ج: اسم الدلع مش مشهور ببيه وسط اصحابي انما انا مستعد اقولك على اكثر من 10 اسماء بينادوني بيهم وكلهم اناعندك محمد ، الكتاتني ، الكت ، كتكت ، ميدو ، سوبرنوفا ، نوفا ، زحل ، شكشوك ، نفنوف ، نوفل ،وانا وانت ورقصني يا جدع ..الخ الخ الخ
س:عمرك؟

ج: لسه داخل العشرينات من شهرين عقبال لما اعدي ال21 بقا
س : برجك؟

ج: برج القوس القوس القوس القوس القوس القوس والراجل القوس يحب القوس ...ادااااامك سكة سفر احم انا بدأت اهرتل
س: مجال دراستك؟

ج: هندسة الكترونيات واتصالات
س : شخصيتك نوعها ايه؟

ج: كاروهات وفيه ساعات مني على سبع طبقات واستك وساعات بينزل مني 250 ورقة 6 مواد ورق ابيض مسطر
نتكلم جد بقا ... قالولي اني بدوووووووس ودي كلمة واحده بحس انها بتوصفني
س : المود بتاعك؟

ج: حلو وجميل طول مبعمل حاجه مفيده

وزفت وهباب طول مأنا مش بعمل حاجه او اتعطلت في هدف بحلم بيه
س: وقت فراغك بتعمل فيه ايه؟

ج: بحاول اعمل فيه اضعاف اللي بيتعمل وقت انشغالي ونفسي ميكونش عندي وقت فراغ
س: الاكلة المفضلة؟

ج: الكشريييييييييييي المصري بلا منازع وانا بختصار كييف كشري يعني كل مروح حته لازم ادوق الكشري في القاهره في الحسين كشري ..في معرض الكتاب كشري .. في بورسعيد عند شوقي كشري ..عند مستجير كشري ..في رأس البر كشري ..في الاسكندرية المنشية كشري يعني بطبق سياسة من اكل الكشري عمل دماغ
س:الصفات اللي اخدتها من بابا؟

ج: اممم السؤال ده لذيذ

اولا :وده قبل اي حاجه حب الهندسة الهندسة الهندسة اللي هي ارسم خط طولة 10 سم واعمل مثلث مش عارف ايه وارسم ايه في الفراغ طبعاً مش الدراسة اللي بدرسها دلوقتي

اللي تعتبر هندسة في المخ وطاقة واشعاعات وحاجات كلها في الفراغ يعني مش مرئية ولا عمرها حتكون مرئية الا بالاجهزة
ثانياً : الدماغ الناشفة ويمكن مش اوي بس بعتبر نفسي دماغي ناشفة شوية حتى وان كنت بقتنع في المناقشات
ثالثا: العصبية ودي برضه شوية شوية بتروح بس اوقات بترجع اعنف من اي وقت
رابعاً : لعب الطاولة ..وياعيني على لعب الطاولة ..انا لسه كسبان كل اللي لاعبتهم امبارح في مواقع متنوعة مابين اوين ومارس وفي الاسكندرية برضه رجعت مغلوب عشرة واحده بس وياللا ياعم العب شيش بيش
خامساً: لا بقا هوا انا حقول كل حاجه بقا واللا ايييييييييييييييييييه كفايه كده ... بص في السؤال اللي بعده
س: اكتر6حاجات بتكرهها؟

ج: 6 مره واحده يااااااااااه ليه يعني ده اانا كده حبقا بكره حاجات كتير ماشي على بركه الله نقول

اولاً :الصوت العالي من غير سبب يعني لو الواحد متنرفز نعذره لكن لو صوته عالي كده من الباب للطاق من غير سبب بيضايقني الموضوع ده جدا

ثانياً : الغبااااااااااااااء ساعات لما بشعر بالغباء يجتاح المنطقة بكون عايز ارمي اللي بيمارس الغباء ده واخلص العالم منه

ثالثاً : موضوع بيضايقني اوي وبيحرقلي دمي من البنات وهو المشكله الازلية عند كل بنات الكره الارضية في مصر

والعالم العربي وجميع الاركانواحده بتذاكر وتخبث على واحده صاحبتها ومتقولهاش انها بتذاكر وهوووووووووب تجيب درجه عالية وتقوم المشانق للي بتخبث وينزلوا في بعض تريقة وتهزيق ماللي يخبث يخبث المهم لو سألناه يجاوبنا حاجه غريبة البنات دول يا شيخ

رابعاً : بيضايقني التأخير يعني اكثر من ربع ساعة يبقا كتير اوي وببدأ اتضايق وبتكون العواقب مش لذيذة الا في حال وجود عذر وطبعاً بقبله

خامساً : بتضايق من الروتين وتعنت المسئولين في الكلية او في اي مكان اخر وانهم بيدوخوا الناس علشان يخلصوا مصالحهمتعرفوا لو عايزين تطوير بجد نجيب واحد من اللي بيعمل مصلحة ونقوله

ايه رأيك ننظم العملية ازاي ؟؟؟

حتلاقيه يقولك تعمل كذا وكذا... وبكده تنجز نفسك وتطور في المفيد

حنضرب مثال عندك مثلا المرور في بورسعيد لو واحد جاي يجدد رخصة السياره

تلاقيه يروح يعمل براءه ذمة ..يدفع المخالفات في المرور وبعدين

يروح هنااااااااااااااااك عند المحكمة يختم الورقة ختم واحدويرجع تاااااااااااني للمرور علشان يبدا في الاجراءات

اللي بتبدأ انك تفضل منتظر الموظف لما يفوق ليك علشان الزحمة اللي امام الشباك

وبعدين يروح يجيب الملف بتاعك يراجع المضمون

وبعدين يقولك روح ادفع الضريبة وهات كذا وكذا تروح الخزنة تجيب الحاجه

وبعدين ترجعله لما تعبر الحشود الغفيره يقولك هات بقا صورة البطاقة وصورة الرخصة تروح تصور البطاقة والرخصة

وبعدين ترجع تخترق الجموع الغفيره يقولك استنا بقا لما نبعت الحاجه واقف عند الكمبيوتر وتخلص بعد معاناه تزيد عن ال3 ساعات
لو خلينا بقا براءه الذمة او يعني دفع المخالفات في المحكمة مع الختم

او يبقا الختم في المرور حنوفر وقت طويل وفلوس ومجهودل و خلينا سور صغير كده

علشان الناس تقف في طابور

ويبقا بالدور يبقا ياريت لو كتبنا شوية ارشادات واضحة روح يامعلم هات كذا واشتري كذا وصور كذا يبقا انجاز ولو اتعمل كده مش حتاخد الرخصة اكثر من ربع ساعة
سادساً : مكفاااااااايه بقا ياعم انت مصدقت
س:اكتر 6 حاجات بتحبها؟

ج: 6 برضه هو ايه حكاية ال6 معااااااااكماااشي نقول

اولا بورسعيد

ثانياً السفر

ثالثاً الاهلي

رابعاً الحركة

خامساً النجاح

س:السفر؟

السفر له 7 فوائد وانا بقول انه كله فوائد وربنا يديكم وتسافروا علشان تستفادوا كمان وكمااااااان

السفر السفر السفر زي العنب العنب العنب

س: هل لديك اقوال اخري؟

ج: اه مهو الكلام مخلصش لسه عايز اشكرك على السلطانية المتعبة دي وابعت السلطانية دي لميييييييييييييييييييين
حواديت روزاليا

ساعة الغروب لرودي

فوكيره جوسي

افتكاسات استورم باشا

انا حره
ويارب تكون السلطانية خفيفة على قلبكم

-----------------------------------------

على الهامش

انت محب لنا جداً ولازم نجازي اخلاصك وولائك

العفو العفو العفو

انا محتاااااار اكافئك بإيه

هههههه -

مش ممكن الاحي حاجه تعبر عن تقديري لك اكثر من اني

هااااا

اخلع عليك

تااااااااااااج الجزيرة

السلطااااااااااااانيييييية