فاتت سنــــــة

فاتت سنه يا والدي العزيز منذ اخر مره سمعت فيها صوتك قبل ان تنفذ الملائكة امر الله سبحنه وتعالى بعشر دقائق
فاتت سنه ولازلت اتذكر كل ثانية في هذا اليوم
كل لحظة.. كل همسة.. كل وجه ..كل شئ

بأدق التفاصيل
اهدي لك في ذكراك الاولى والتي تتوافق في نفس الاسبوع مع يوم ميلادك
يا ابي الحبيب
اهديك هذه الكلمات

فاتت سنه
فاتت سنه من اخر مره سمعت فيها صوتك

فاتت سنه ومقدرش اسمع غير سكوتك

فاتت سنه وسكوتك جويا صوته عالى

بسمعه واتعلم ..طول الليالي
فاتت سنه
فاتت سنه من اخر مره شفت فيه وجهك

فاتت سنه ومنسيتش لحظة ولا عمري حنسى

كل ثانية ..كل كلمة .. وكل حركة

كل همسة .. وكل ضحكة .. وكل دمعة
فاتت سنه في لحظة واحده عيشتها

مش ممكن انسى اي حاجه حصلت وقتها
حكيت كتير ولسه ماقولتها

احبك يا والدي ووحشتني كل حركه عملتها
رحمك الله يا ابتي رحمةً

واسكنك في جنة الخلد مخلدا
--------------------------------

على الهامش

لسه كل تعليق كنت بتقوله

وكل كلمة كانت من ابتكارك

وكل حاجه كنت بتعملها

لسه في اذهاننا

اسأل الله لك المغفرة والرحمة وان يسكنك فسيح جناتك ويجمعنا معك عند الحوض لنشرب شربة هنيئة لا نظمأ بعدها ابدا