الاسكندرية
يعني عروس البحر الابيض المتوسط
واحنا
يعني اكثر شباب في الدنيا مجنون علشان يعمل اللي عملناه ده
رايحين الاسكندرية يوم الاثنين اللي فات
يعني في وسط نوة الكرم
وماااااااا ادراااااااااااك ما نوة الكرم
كريمة بشكل
شتاء متصل طول اليوم
البلد محدش ماشي فيها على البحر
وبرضه رحنا
4 ايام ب 3 ليالي تحفة
مكان جميل في لوران يادوب محطتين من المبنى الخرافي العبقري سان استيفانو
ايام لعبنا وهزرنا واتخانقنا وعملنا كل حاجه
حتى القلعة زقيناها
;)
لعبنا طاولة وجرينا ومشينا على البحر
ومشينا الساعة 2 بلليل في وسط السيول
ركبنا الترام والاتوبيس والمشاريع
رحنا مكتبة الاسكندرية والقبة السماوية
رحنا القلعة وبحري واكلنا عند ابو راوية
رحنا محطة الرمل ومحطة مصر وكمان الموقف الجديد
رحنا سينما امير وشربنا خروب امال واتفرجنا على ماتش مصر على القهوة
رحنا عند محمد احمد واكلنا فول وطعمية 4 افراد ودفعنا 46 جنيه
!!!!!!
رحنا الحمام في محطة الرمل
:))
معلش اصله اختراع حلو اوي وكمان بتذاكر
اكلنا بيتزا في سان استيفانو ورحنا جرين بلازا ولعبنا في ملاهي كرامنتس
ولعبنا باللعبة اللي فيها كورة مبططة دي زي هوكي الجليد
وكانت ماتشات حماسية جدا كانت بتخلص في اخر ثانية بأهداف قاتله
:)
قابلت ناس كتير في الاسكندرية
اصحاب المنتدي زي فالانتينو
وجالنا اصحابنا هناك
يعني عملنا كل حاجه
قضيناها بالطول وبالعرض
تشوفنا وفيه 2 مننا عمالين يشتغلونا ويصحونا واحنا نايمين
وبالنهار يعملوا عبط ويناموا وميجوش معانا ويلحقونا بعد لما يفوقوا
تشوفهم وهم بيخضونا الساعة 4 الفجر والفزع والتهريج والغبااء
يعني بجد رحلة مثمرة
الاجازة خلاص خلصت
بس فعلا دي اقدر اقول عليها اجازة
بجد
------------------------------------
على الهامش
ايه اللي جاب القلعة جنب البحر
اللمبي
11 comments:
بصراحة يا نوفا بغض النظر انت عملت ايه
كفاية انك تروح اسكندرية فى الشتا
حاجة تانية خالص هدوء و سكينة و حاجات تانية كتير ممكن نقعد نقول فيها نص ساعة
بس 46 جنيه عند محمد احمد قليل اوى على اربع افراد مش كدا
اهم حاجة نك اتبسطت و غيرت جو و ان شاء الله تكون فتحة نفس قبل الدراسة وشد حيلك فى الكلية هانت
و بصراحة انت عملت احلى حاجة ممكن حد يعملها اسكندرية فى الشتا
مية مية يا واد عقبال السفرية الجاية ان شاء الله
حمد الله ع السلامة.يابختك انا بحب اسكندرية جدا ونفسي اقضي شوية ايام فيها في الشتا
بغتلك تاج متهربش يا كتاتني بلاش الحركات دي
انت اكتر واحد في الدنيا عارف اد ايه انا مشتاقه اروح الكسايه زي ما انا بسميها
لا وفي الشتا قمه الروعه بجد
يـــــــــــــــــــــــــاه اد ايه روعه انك تروح مكان بتحب مع اصحابك في سن الشباب والمقالب والهزار
الواحد العاقل سعات كتيير جدااا بيكون محتاج لتصرفات مجنونه مش محسوبه (بدون عواقب)علشان يكمل تانى بقوه
السفريات دي بتنعش
ربنا يوفقك في دراستك
بس تعالا عنا ... انت سايب الكسايه الجميييله وفي الشتا وبحر وميه وشتا وسيول وجمال وروعه وجنون ورومانسيه مجتمعين
ومعجب بالحمام
ده كلام ده يا راجل انت
:D:D:D:D
تحياتى
شكلها كانت رحله عسل
وهاتفتكرها لمده طويله وتديك دفعه للامام وتتحمل بيها قرف المذاكره تانى
عموما ...حمد لله ع السلامه
محمد صالح
فعلا كفايه ان الواحد يروح الاسكندرية
والحمد لله اننا عملنا اجدع شغل واتبسطنا والحمد لله
-------------
احمد عيسي الله يسلمك
ومتقلقش شفت التاج وفاكره وحجاوبة بإذن الله
------------
جوسي
معلش بقا كل واحد واللي بيعجبه
:P:P
وان شاء الله تروحي اسكندرية في اقرب وقت
-------------
وينكي
بجد رحلة جميلة جدا الحمد لله ربنا يرزقك برحلة زيها
حمد الله على السلامة
اسكندرية بلد جميلة تستاهل تروحها ولو الدنيا بتشتي تلج
mg
ازيك يا باشا منور والله
اول مره ترد عندي
منورني
الاسكندرية تحفة صيف او شتاء والله
ان شاء الله المره الجاية نعمل رحلة لكل اعضاء المنتدي والبلوجر كمان
منور
الله..
يا بختك يا بختك
انا رحت اسكندرية من أسبوعين برضه بس قعدت يومين وليلة واحدة ، اليوم الأولاني ضاع فرح وخنقة ، واليوم التاني بقى اتفسحتلي شوية ، لكن طبعا مكنش كاية ..وللأسف ممطرتش طول ما انا هناك
متغيره شوية
اولا منورة المدونة في اول ردودك على مدونتي
ثانياً
الحمد لله انك رحتي الاسكندرية
فيه ناس اهم رادين ومراحوش
يعني انا محظوظ اني رحت والحمد لله
وانتي كمان برضه محظوظة انك شفتيها في الشتاء برضه
تقبلي تحياتي
ومنورة
انت تقريبا عملت نفس الحاجات اللى عملناها
انا كمان لعبت فى كرامنتس بالكورة المبططة اللى بتقول عليها دى
:D
والله شكلى قابلتك هناك وانا معرفكش
بعد كده بقى لما تبقى تسافر ابقى قولى
يمكن نتقابل هناك
:)
بوست لذيذ
زيك تمام
ربنا يخليك يا احمد باشا
وخلاص ان شاء الله المره الجاية نتفق ونتقابل
ولو مش كده انا بنزل القاهره كتير
ممكن نتقابل هناك برضه
واتشرفت بيك يا باشا
ووالله انت اللي لذيذ يا ابو حميد
Post a Comment