كفايه انفاس ياعم الحج

سالفل على الجدعانيييين
وسالخييييييييييير
الكلمات دي بتفكرنا بواحد حشاش مثلا او مدمن
وعمال بقا يديها انفاس في انفاس
فكرت استخدم الكلمات دي بداية للتدوينة دي
تدوينة عن حملتنا
احنا اتحاد طلبة هندسة بورسعيد
اللي بيقولوا علينا مش شغالين ومش مهتمين بالنشاطات واننا جايين كده تعيينات وبالدراع
طلعت افكار جديده
طلعت فكرة اننا نعمل حملة ضد الادمان والتدخين
حتقولولي ياعم انت الموضوع ده اصلا خلاص الناس كلها اشتغلت فيه 100 مره
اقولكم لأ المرادي عايزين نعملها حملة مختلفة
حوافيكم بالتفاصيل بتاعت الحملة اول منقعد كده ونرتب الشغل بتاعنا
علشان اللي عايز يعرف يعمل حملة ازاي
يتبع اللي حنحاول نعمله ان شاء الله

بدأنا بحاجتين
اول حاجه تصاميم لوجو مميز للحملة
طلبنا من اعضاء ومصممي بورسعيد في موقع بورسعيد اونلاين
ان يشاركونا بأفكارهم وتصميماتهم
في اللينك ده
http://www.portsaid-online.com/xmb/viewthread.php?tid=25075

وبعدين طلبنا منهم كمان
افكار لأسماء مقترحة كعنوان للحملة
على اللينك ده
http://www.portsaid-online.com/xmb/viewthread.php?tid=25446

وبطلب من كل اصحابي المدونين
والمفتكسين
المصممين والمبتكرين واللي عندهم افكار لإسم الحملة
انهم
اما يحطوها هنا في تعليق او يحطوها في المنتدى
المهم الافكار تتجمع علشان نعمل حاجه جامده
واللي معندوش افكار
يدعيلنا ربنا يعيننا
----------------
على الهامش
خدلك نفس ياعم الحج