عااااااااارف عااااااااااارف عنوان قديم واتكتب 10000 مره قبل كده
ميضرش
وايه يعني لما مليون واحد حتى يكتبوه
بيستخدمه المرشحين علشان يثبتوا ولائهم للبلد
بيستخدمه الشباب علشان يتريقوا على حال البلد
لكن بجد انا نفسي استخدمه بشكل مختلف
الحكاية وما فيه ان في يوم من ذات الايام وانا بتصفح منتدي بورسعيد اونلاين
وجدت هجوم كاسح على النادي الاهلي
وطبعاً ده مش مستغرب من جمهور بورسعيد
مع اني بورسعيدي واهلاوي الا اني بمتص هذا الهجوم وبحاول اتعامل معاه بموضوعيه
ولكن نسيبنا من الحوار ده كله
كنت عايز انزل كده من فوووووووق على كلمة في المشاركه
عارفين لما تنزل بجوجل من خارج الكرة الارضيه علشان توصل لصندوق صغير في شارع في حارة
المهم
نزلت على الكلمة دي اللي صدمتني جدا
كان مكتوب للأهلاوية في بورسعيد
انتوا اللي حتبوظوا البلد يا سلبيين
!!!!
سلبيييييييييييييييييييين
الكلمة دي على اد مضايقتني
على اد مفكرت فيها كويس
هوا انا سلبي ؟
طيب حطلب من اللي اتهمنا اننا سلبيين يقول هو عمل ايه لمصر
بلاش
عمل ايه لبورسعيد
مهو انك تخدم بلدك وتديلها اهو انت برضه بتدي لمصر
انا مش حفتخر اني عملت كذا وكذا علشان ده مش سليم في وجهة نظري
الا اني حكتفي اني اقول اني بحثت في بورسعيد على مكان اقدر اوظف فيه طاقتي
علشان احاول مكونش من السلبيين
وده من زماااان قبل ميتكتب الكلام ده
ولقيت بورسعيد اونلاين
ومع كوني فرد من المجموعة
مجموعة العمل في الموقع والمنتدي
عملنا كتير
عملنا معارض تصوير فوتوغرافي
اهو نشاط ثقافي
بغرض زيادة حب الناس لبلدها عن طريق الصور الرائعة اللي تخليك تحس انك في مكان ساحر
وهو ساحر فعلا
عملنا حملات تبرع بالدم في الكلية
وده نشاط اجتماعي
عملنا شنطة الخير
اشتركنا في يوم اليتيم اكثر من مره
عملنا معرض صور بورسعيد القديمة اللي بتخلينا نرجع للماضي ونشوف بلدنا كانت اد ايه جميله
عملنا ندوة علمية لصديقي العزيز خالد وده يثبت اقدامنا على تشجيع المواهب مثل موهبة خالد العلمية
عملنا كل ده
وبرضه قليل
وبرضه عايزين نزود ونشتغل
عايزين نعمل اكثر واكثر
انا فرد في المجموعة
وبقول اني فخور اني بدي لمصر
ها
قولي انت بقا اديت ايه لمصر ؟
خد روق نفسك وشوف شوية مشاريع
===================================
على الهامش
الشعب اللي مصيره في ايده هو الفارس هو الحاكم والاحلام مش عايزه فوارس الاحلام بالناس تتحقق
مسرحية الزعيم
4 comments:
ايه يا باشا المواقع الجامده .. والموضوعات المتميزه
ربنا يوفقك دايما
ولى عودة وبالتفصيل الللى مش ممل ان شاء الله
اخوك
تووووووووووووووووووت
توت حبيبي
ربنا يعلم انت ليك معزة خاصة في قلبي وقلب كل عضو من منتدي بورسعيد اونلاين اللي عاصروا مواضيعك الرائعة واشعارك المتميزة
بجد نفسي نقعد مع بعض ونتكلم
وشكراً على زيارتك مدونتي
ومنتظر انك تيجي وبالتفصيل اللي انت عايزه
جاتك القرف
وانت هارشني اكيد
هههههههههههههههههه
Post a Comment