المذاكرة والامتحانات..والعيد واشياء من هذا القبيل

طبعاً لا يخفى عليكم الليلة الجمية اوي اللي انا فيها انا وزملائي 
طبعاً مش حنفضل نشتكي ونقول ونعيد 
بس طبعاً يكفينا فخر اننا نعرف ان كلية الهندسة ببورسعيد وبالاخص قسم اتصالات هو مقبرة الغزاه
احم 
قصدي يعني مقبرة الطلبة 
لحد قبل العيد بيومين فيه امتحانات 
ياعم انا عارف ان ده العادي 
بس لما يكون عندك قبل العيد امتحانات ومحاضرات كمان
وحاسب بعد العيد فيه تخلفات وكمان اعمال سنه وكمان شفوي 
ده على اساس اننا مكنة مثلا 
او كل واحد في القسم ماشي بسرعة ميكروويف او مثلا عبارة عن اشارة ماشية في الهواء بسرعة الضوء 
يوووووووه الهلاوس رجعتلي تاني 

نخلينا في المهم وهو احساس كل طالب مصري في جامعة جميلة زي جامعة قناة السويس 
طبعاً لو سألت وقولت هو الامتحانات دي بتتحط ازاي يقولك ده موظف اللي بيحطها
لا معيد ولا دكتور ولا حتى الفراش اللي بيتفرج علينا واحنا بنتفحت في المحاضرات 
طيب نبلع دي 
اعمال السنه 
لا دي بالذات الدكتور هو اللي يحددها ويحدد مواعيدها
عامة نكبر دماغنا علشان الواحد بجد بقا شبه البتاع ده
 
بجد انتوا بتقولوا فيها
لما تلاقي نفسك عندك اسبوع العيد بس هو الفرصة الوحيده انك تلم اي حاجه
وبقا طبيعي انك تلاقي نفسك بتمر بالمراحل الطبيعية من التتنيح ثم العبوس
ثم التركيز
ثم الضحك

الضحك لحد متقع على ظهرك من كتر اللي انت فيه
موجات
ميكرو موجات
اتصالات
دوائر
بيب بيب وطيط طيط
لا وايه كمان شوف يا شيخ
ميكرو بروسيسور
يعني مش بروسيسور بس
حاجة تضحك مش كده

اه حاجة تضحك طبعاً
تضحك لدرجة انك تنوي التغيير
تنوي انك تكسر الدنيا
والناس تستغرب ليه الطلبة بيهاجموا ادارات الكلية
لما اتحاد الطلبة يقدم مشاريع محترمه لتعديلات واصلاحات وتتقابل بكلمة واحده
لأ
ليه
اصل مش حنوقف الدراسة ونغير مواعيدها
طيب نفسي افهم هي الدراسة دي لمين
مش لينا
لا يا بني افهم دي علشان الدكاتره يعملوا امتحانات
علشان الكليات التانيه تقول شايفين الامتحانات والناس الملتزمة بالمواعيد
عامة حنفضل نهاتي كتير
مش كده
ههههههههههههه
طز

مفيش ادامنا دلوقتي غير اننا ندعى التماسك
ونقول حسبنا الله ونعم الوكيل
حسبنا الله ونعم الوكيل في اللي حرمنا من العيد
حسبنا الله ونعم الوكيل في اللي شغال بنظام تقفيل الدفاتر
حسبنا الله ونعم الوكيل في كل واحد منعنا من اننا نستمتع بلحظات شباب هو استمتع فيها وبرطع على قدر ما استطاع
حسبى الله ونعم الوكيل
------------------------
على الهامش
اتكل على الله واشتغل رقاصة ياللا