عنوان غريب
الزمان
الساعة السادسة والنصف مساء يوم الاحد
28/1/2007
المكان
استاد القاهره الدولي
الحدث
ماتش الزمالك ضد فريق افريقي كده لحد دلوقتي مش فاكر اسمه في بطولة دوري الابطال الافريقي
الحدث الاهم تواجدي وسط جمهور الزمالك
زمالك !! ازاي يا جدعان ده انا اهلاوي
اهو ده اللي حصل
طيب نرجع الشريط من الاول يمكن نفهم
النهارده كنت متجه للقاهره علشان نروح رحلة معرض الكتاب والحسين كالعادة مع الكلية
فوجئنا بشبوره ازالت الرؤية تماما
من 6 الصبح يا جدعاااااان لحد الساعة 9 في بورفؤاد
28/1/2007
المكان
استاد القاهره الدولي
الحدث
ماتش الزمالك ضد فريق افريقي كده لحد دلوقتي مش فاكر اسمه في بطولة دوري الابطال الافريقي
الحدث الاهم تواجدي وسط جمهور الزمالك
زمالك !! ازاي يا جدعان ده انا اهلاوي
اهو ده اللي حصل
طيب نرجع الشريط من الاول يمكن نفهم
النهارده كنت متجه للقاهره علشان نروح رحلة معرض الكتاب والحسين كالعادة مع الكلية
فوجئنا بشبوره ازالت الرؤية تماما
من 6 الصبح يا جدعاااااان لحد الساعة 9 في بورفؤاد
الجامع اللي عند المعدية مش شايفينه واحنا جنبه
سبحان الله
المهم بعد شد وجذب وانتظار وعطله
خرجنا من بورسعيد الى القاهره حوالى الساعة 10 ونص الصبح
الى معرض الكتاب
يوم طويل عريض الحمد لله عملت فيه رقم قياسي جديد لي في القاهره
من معرض الكتاب لجنينه مول وراجع لمعرض الكتاب تاني ثم استاد القاهره ثم معرض الكتاب ثالث ثم الحسين او بالظبط نص الطريق من معرض الكتاب للحسين
كل ده مشي
الله اكبر متقرش يا جدع انا رجلي مش شايلاني دلوقتي خالص
!!!!!!!!!
المهم نرجع للموضوع الاساسي
جه صاحبي زملكاوي كان معايا في الرحلة قالي متيجي ندخل استاد القاهره
التذكره ب 5 جنيه درجة ثالثة وقشطة اوي يعني وماتش افريقي وحنهيص
مكدبتش خبر
قطعنا ودخلنا الماتش وبعد مدخلت من حدود الاستاد وبعد (التفتيش الذاتي ) المهم
افتكرت اني لابس فانلة الاهلي
تحت هدومي
رحت مظبط الهدوم علشان الفانله متبانش لحسن الناس تفتكرني جاي اضايقهم واللا حاجه
وتوكلنا على الله ودخلنا الاستاد
الدرجة الثالة شمال تحت يافطة رابطة محبي الزمالك في طنطا
قولت لما نستمتع بالتشجيع
ماتش افريقي
الزمالك الاقوى
ومفيش مشاكل لما يكون اسلوب جميل في التشجيع
فضلت اتفرج على الماتش وهوب جول في الدقيقة الثانية برأس عمرو زكي
كويس
والثاني بعده حازم امام
قشطة الماتش للزمالك ومبروك لمصر
شوية ولقيت بقا الجمهور المحترم
اللي عمال يشجع الزمالك بإستماته
بعد الهدف الثالث
ضمنوا الماتش
وتحولوا بقدره قادر من تشجيع الزمالك
الى سباب مستميت بأسوأ الالفاظ
الزمالك
بداية من الزمالكوية راجعين يا .......ين برضة
والحرامي مين.... شوبير
الى سب معتز اينو بشتائم عجيبة
!!!!!!!!!
وطبعاً سيرة الحاجه الوالده كان جاي بقوه في المواضيع دي كلها
لأ ويبدأ الجمهور بتاع طنطا
في الدرجة الثالثة يشتم
يرد عليه الجمهور من الدرجة الثانية بصوت اعلى
وبعدين الجمهور من الثالثة يمين ويشتم
واتقلبت المباراه الى مباراه في فن السباب ان صح الاسم فن
وشتيمة في الحكم
وشتيمة في معتز اينو
وشتيمة في الاهلي
وشتيمة في الناس عامة
تضايقت جدا من هذا التصرف الهمجي
كان نفسي يكون معايا كاميرا علشان اسجل اللحظة التاريخية اني اكون استاد القاهره
وحرجع اقول انا اهلاوي
متكسفتش اني ادخل ماتش للزمالك
علشان اشجع في مكان جميل زي استاد القاهره
فريق مصري
في بطولة افريقية
ربنا يهدي الجميع
كان معكم
محمد ابو العافية
مراسلكم من الدرجة الثالثة شمال ورا الجول
==================
على الهامش
الكورة مع احمد ... احمد مع الكورة
الا هو مين احمد ده ؟؟؟؟
7 comments:
تجربه جديده مهما حصل فيها
اكيد حاجه جميله انك تكون اهلاوى وتشجع الزمالك علشان بيلعب باسم مصر
يا ريت الناس تتعلم
تحياتى
ههههههه
دى شكلها كانت حرب طاحنه
دانا باسمع بلاوى من كل واحد يروح الاستاد ويرجع سالم
بس حته الفانله الاهلاويه دى , جديده
الحمد لله انك طلعت على خير بدون اصابات
ولا يا كتاتني انا احمد عيسي ..اوعي تقول احمد عيسي مين..تصدق مكنتش اعرف انك عامل بلوج حلو كدة؟.
ابقي تعالي بقي انا عارف ذوقك وحتشرب قهوة وشاي وكدة..وقولي رايك في البلوج بتاعي
يلا سلام
هههههههههههه فكرتني بنفسي يا ابني
يوم ما حضرت ماتش الاهلي والزمالك في كرة اليد
بس بعيد عنك الفريق اللي كان معايا بتاعي قاعدين ساكتين
مش اتلم انا بقي
لا اول ما الاهلي جاب جون رحت قايمة ورافعه ايدي الاتنين لفوق وقلت هييييييييييييييييييه جوووووووووووون
هههههههههه
وعينك ما تشوف الا النور كلنا بقينا نجري اصلي برضه كنت قاعدة في مدرجات الزمالك
وطبعا مش سلمت من الدعاوي اللي من القلب اللي الكل دعا انها تكون من نصيبي
ههههههههه
مش هنسالك الساندوتش علي فكرة
جوسي اختي شكراً لزيارتك وردك وفعلا حاجه جميلة اننا "نشجع " واخده بالك معايا
:D
وينكي بجد نورتي المدونة وسعيد انك رديتي عندي
وطبيعي تسمعي بلاوي من الاستاد طالما اللي رايح فاكر نفسه قاعد على القهوة مع اصحابة الوحشين كمان
والحمد لله ربنا ستر والا كانوا حيعملوا تعديل مسار الرحلة علشان يزوروني في المستشفى
احمد عيسي باشا نورت يا عمونا
انا دخلت مدونتك من كام يوم لس كنت مستعجل فمرديتش
وربنا يخليك لينا
سمراء النيل
يعني حصل معاكي نفس الموقف بس على اوحش
اللي يشوف اللي حصل في غيره يهون عليه اللي هو فيه
:)
نورتيني في المدونة بجد
وبالنسبة للسندويتش
هي كانت فكر جوسي
كنت بتكلم معاها بقولها عايزين نجيب ورد لعلي
قالتلي على ده تجيبله سندويتش
بتهريج
قولتلها تصدقي اه
وقررت اجيبله السندويتش
والحمد لله ان الموقف كانت لذيذ وانا مضربتش
:):):):)
انت وصفت نوعين من الشعب المصرى:
النوع الاول اللى انت بتمثله يا محمد
الانسان اللى مش هامه اى كماليات المهم الاصل انت رايح تشجع مصر بغض النظر عن اهلى ولا زمالك ولا حتى اسمنت كفر الشيخ
اما النوع التانى وهو يمثل اغلبية الشعب المصرى الهمجى اللى مايحبش فى حياته حاجة اد ما يحب الشتايم
على العموم اهى تجربة بس المهم قوللى
طلعت بكام كسر ؟ (:
الحمد لله يا نيره جت سليمة
بس تعرفي
اكثر حاجه استغربتلها
واحد بيكلم واحد وبيشتم راح صاحبه مهزقه علشان كان فيه راجل ومراته قاعدين
انما في الماتش بيشتموا عادي
شفتي الثقافة
Post a Comment