عندي امتحانات
كلمة مستفزة تستفز كل انسان في كلية الهندسة
وخصوصاً لما يحصل اللي بيحصل كل سنه والامتحانات تتكربس في اسبوع او 2 بس
طيب لو قولنا ان ده تقصير مننا احنا الطلبة علشان مثلا مش بنذاكر
نبص نلاقي كمان امتحانات نص السنه ضغطوها علشان تبقا يوم ويوم لأ
والادهى ان كمان امتحانات التخلفات قبل امتحانات نص السنه !!يعني مفيش مفر
حتشيل مواد حتشيل مواد
لما يتكالب نظام التعليم كله على الطلبة الغلبانين
لما يطلع عيني وعين اصحابي علشان ناخد قاعة نعمل فيها نشاط لمدة يوم واحد
وفي الاخر يوافقوا بعد طلوع الروح !! لما نقدم طلب تغيير مواعيد الامتحانات في الجدول المقترح
قبل ميثبتوا الجدول
ويترد علينا ب حنشوف وتعالوا كمان يومين 3
لما نتهمش تهميش متعمد ونتحط في الصورة في اللي الوكلاء عايزينه
بجد انا اتخنقت
لما تلاقي طلبة الاخوان المسلمين مش عاتقيننا احنا اتحاد الطلبة وعمالين يطلعوا مجلات يهاجمونا فيها
مع اننا بنشتغل
ولما نفس الطلبة يتشدوا في السنه اكثر من مره وبرضه مش بيحرموش وبرضه يهاجموا
ومطلوب مننا نقرب للطلبة اكثر علشان نشتغل بفاعلية وكل منقرب للطلبة ونجيب طلباتهم
ترفض الطلبات دي
حرام
خلاص
اجيبها منين
واللا منين
من هجوم علينا من الطلبة
واللا من الامتحانات اللي عمالة ترف علينا من غير اي تنظيم
واللا من التخلفات اللي المادة بتاعتي فيها تعتبر اتقل ماده في السنه اللي فاتت
واللا من الامتحانات اللي بنمتحنها يوم ويوم
واللا من دورنا الخامس اللي بنمتحن فيه من غير اسانسير
ولا اضائة
ولا حتى ستائر قماش علشان الهواء والبرد في عز الشتاء
واللا من السقف اللي كان بيقع منه الدهان علينا نتيجة الشتاء السنه اللي فاتت
واللا منين واللا منين انا خنقتكوا معايا
اعذروني
=================
في النص بقا مش على الهامش كل سنه وانت راااااااااااااس ياعمي
قصدي وانت طيب
سك على بناتك
1 comment:
والله يا محمد عندك حق في كل اللى بتقوله لكن معلش احنا برضه مقصرين شويه يعنى لو جيت تقارن مذاكرتنا دلوقتى و أيام ثانوي هتلاقي مفيش وجه مقارنه وبعدين الواحد يعمل اللى بقدر عليه ويسيب التوفيق على ربنا سبحانه وتعالى
Yahya YHY
Post a Comment