يدور في ذهني دائماً بعض العبارات
ممكن تكون مفتكسة
ممكن تكون سمعتها قبل كده
الا اني في الاول وفي الاخر برضه بتدور في دماغي هذه العبارات
وعلى غرار فيلم الناظر لعلاء ولي الدين رحمه الله
عندما ذهب الى "اللمبي" لكي يدرس له بعض العبارات
فانا سأتقمص دور اللمبي واقولكم على عباراتي
العبارة الاولى وتستخدم لما بيكون واحد داخل عامل فيها بقا حته تركيز وتفكير وكده
تقوله
مالك عاملي فيها زي محسن ممتاز
طبعاً اكيد كلنا عارفين مين محسن ممتاز
هذه الشخصية العبقرية التي جندت رأفت الهجان من شخص همجي الى واحد من اعظم جواسيس التاريخ
عندك برضه عباره
طلعت قماش
ايون
ايها الساده طلعت قمااااااش
ودي قالها فؤاد المهندس في فيلم قديم
ودي بستخدمها هنا في البيت على النوم
يعني لو عايز انام اقول انا رايح اطلع قماش
وطلعت قمااااااااااش
فيه برضه لما اكون بعرف رأي حد ويطلع فاهم غلط
اقوله على رأي محمد صبحي
لااااااااااااااا لاااااااااااااا يابابا لاااااااااااا
مسرحية وجهة نظر طبعاً كلنا عارفينها
فيه برضه شوية عبارات كمان زي لما اكون مش فاهم كلام واحد
او بيقول كلام كتير مكلكع كده ومش مفهوم اروح راصصله
كلام عادل امام في مسرحية مدرسة المشاغبين لما بيقول
المنطلق الفكري بتاعنا في تطفيش الست دي ينبع من احساسنا الداخلي للشعور المنعكس اللي هو دراع مرسي ومحدش يسألني علشان انا مش فاهم حاجه خالص
!!!!!!!
طب نييجي بقا للتهييس
فيه شوية عبارات حكتبها دلوقتي واعتقد انها لما تقرأوها حتسيب في نفسكم انطباع كويس وابتسامة كمان
كنتي سيبيه يمسكها يا فوزية يمكن كانت تطرى في ايده
"فؤاد المهندس سك على بناتك "
والله لو قعدت سنتين تنادي عليها راحت خلاااااااص
"محمد صبحي في وجهة نظر "
يااااااااارب ياااااااااارب اوصل للمأتين ياااااااارب
"محمد صبحي في تخاريف "
نصييييين من هنا هوووو...... طب اتجوز ازاي انا بقا
"عادل امام مدرسة المشاغبين"
بقا ابنك انت يضحك عليا انا ويبيعلي البتاع دهو ويقولي ده بيقشر لب
"حسن مصطفي مدرسة المشاغبين "
ابوووووووك حيسيب البييييت يا معلم سلطاااااااان هع هع هع هع
البيت ده حيطربق فوق دماغ اهلينا يا ابو السلاطين
"احمد زكي العيال كبرت "
تذكرتيين اقولهالك غيباً ... تذكرتين
"سعيد صالح العيال كبرت "
حتى ست في صورة يطلع وراها الملك !! دأنت معتقتش
"محمد صبحي لعبة الست "
الواد قلبه بيوجعة عايز حد يدلعه
"معلش دي جت غلط في المدونة "
!!!!!!
دانا غلباااااااااااااااااان انااا
"عادل امام شاهد مشافش حاجه "
في النح نح نااااااااااات ..... في جنينه الحيواناااااااات
"عادل امام شاهد مشافش حاجه "
اسمك ايه؟ ....برعي ..يعني صحيت من النوم لقيت نفسك برعي !! واللا السحلية عدت على رقبتك وانت ناايم
"عادل امام شاهد مشافش حاجه "
الفاصل طول معلش نعود ان شاء الله اول مأصور القلة
===============
على الهامش
متقولوش لحد انا جيبت قله جديده
7 comments:
الواد قلبه بيوجعه عايز حد يدلعه
:D :D
هى المفروض تبقى
الواد كتفه بيوجعه عايز حد يدلكه
معلش أصله ألفها عند دكتور عظام :)
مستنين القلة:)
ههههههههههههههههههه
لذيذه أوي الافي هات دي يا مان
لا أنا أعرف يا سي سايدر ..
الواد بطنه بتوجعه .. و إللي بياكله يرجعه ...
أصل طلع بعد دكتور العظام على دكتور الأنف و الأذن و البطن .. هههههه
شكرا يا جماعة على التعليقات اللذيذة دي وربنا يكرمكم يا رب
والواد بطنه بتوجعة واللي بياكله يرجعه
ده الواد بيقول الاه ومسهر مامته معاه
ياحبيبي يا ضي عينيا جتلك نزله شعبية ...
جميله الافىيهات دى يا زحل وفى كلام كتير منه بنقوله
زى برده مقوله
كابتن كابتن هو كله ضرب ضرب مفيش شتيمه
علاء ولى الدين فى فيلم الناظر
وزى الو الاستاذ رمضان ابو صره
قصدك رمضان السكرى يا سيدى اهو كله برتقال وده كان فى المشهد الرائع من مسرحيه العيال كبرت بين سعيد صالح وحسن مصطفى والمشهد ده احنا بنكرره كل يوم على الماسينجر
وفى برده مشهد بكرره انا وجوده كل ما نبدا نتكلم على الميل
هو مشهد فى مسرحيه مدرسه المشاغبين
الو مستتشفى الجلاء لو سمحت ادينى الدكتور
دى بتبقى بدايه الكلام بينا
بس موضوع جامد يا نوفا
هههههههه
جامدة يا نوفا الجمل دي حلوة اوي
وكل ما نسمعها بردة بنمووووت من الضحك
هههههههه
جامدة يا نوفا الجمل دي حلوة اوي
وكل ما نسمعها بردة بنمووووت من الضحك
Post a Comment