بدأت افكر جدياً في عمل مدونة خاصة بي على الانترنت
فبصيت بصة سريعة على معادلة الانجاز
اه نسيت اقول معادلة الانجاز الزهايمر بقا كتير اليومين دول
بيقولك الانجاز لازم له رغبة وتخطيط وتصميم
طيب انا لقيت عندي الرغبة ودخلت في مرحلة التخطيط اكتب ايه واسمي مدونتي ايه
بصيت في تاريخي ايوه يعني ايام المدرسة وكده لقيت الاسم ده
زحل الفلكي
اسم غريب
الا ان الموضوع اكبر من كده بكتير
وانا في اعدادي لقيت المدرس بتاعنا استاذ عادل متولى الله يمسيه بالخير
قالنا على المجموعة الشمسية
الواحد ساعتها عادي يعني
لحد موصل لكوكب زحل
متعرفش يا معلم كوكب زحل ده عمل فيا ايه
ايون زحل ده
لقيت نفسي مهتم اوي بزحل وبالفلك شوية شوية كهواية يعني
ومنها طلع عليا من اعز اصدقائي "دلوقتي ملازم جيش عقبال امالتكم"
طلع عليا لقب زحل الفلكي
اسم غريب الا اني فضلت انه يكون عنوان مدونتي
مدونة محمد الكتاتني
او زحل الفلكي
حتكلم عن التصميم اللي فاضل من معادلة الانجاز ده بعدين
علشان انا دلوقتي
عن زحل الفلكي اتحدث
5 comments:
مبروك يا زحل المدونة
مبروك يا محمد المدونه..اوعى تكتب سياسه وتتمسك ياواد
مبروووووووك يا اخويا العزيز
بسجل هنا متابعه
من عاشقه المريخ الى عاشق زحل
ومدونه سعيده عليك
وكل تدوينه وانت طيب
عسل اوى الفاصل ده ده انا اتفرجت على كل الافلام والمسرحيات فيه
بجد هايل
ميرسى جدا يا زحل
aya
الف شكر يا جماعة على تعليقاتكم الجميلة دي وان شاء الله اكون عند حسن ظنكم
Post a Comment