اولا بشكر كل اللي اهتم وعلق على التدوينتين السابقتين وبشكر كل واد دخل وقرأ المدونة
حبيت اكلمل الموضوع اللي بدأته عن الناس اللي اثروا في حياتي
علشان مطولش عليكم نخش في الموضوع على طول
فيه ناس كتير اثروا في حياتي ومحبش اهمل اثرهم في حياتي
نبدأ بامي مثلا
اثرت كتير في حياتي
امي علمتني يكون ليا مرجع
يعني اييييييه
يعني من الاخر لو فيه موقفين اروح باصص الموقف الصح فين واللي المفروض يتعمل فين وبرجع في ده لديني وللعيب في مجتمعنا
يمكن بقع في بعض الاحيان الا اني لو وقعت يرجع ضميري يأنبني لحد مصلح الغلط ده
كنت فاكر ان دي حاجه بسيطة لكن
مع دخولي الجامعة واختلاطي بثقافات مختلفة لناس كتير فهمت وعرفت ان ده كان من اكبر الحاجات اللي اثرت في حياتي
شكراً يا امى
يمكن تحسوا وانتوا بتقروا اني كتبت قليل على امي الا ان القليل ده كبير اوي في حياتي
خلونا نكمل
من الناس اللي اثروا في حياتي جدا كمان اثنين هم
cortyalpo3po3
moaa
ايون كاتبهم نيك نيمات علشان ...مش عارف الصراحة علشان ايه بس انا حبيت اكتبهم كده
الاثنين دول يا جدعاااااااااااان اكثر 2 اثروا فيا في حياتي
والمصيبة يامعلم اني مكنتش اعرف التأثير ده غير لما بدأت ابص على نفسي زمان ودلوقتي
moaa مثلا
اتعلمت كتير من الشخصية دي اتعلمت ازاي افكر بهدوء وازاي اتغلب على العند ايوه
علشان الشخصية دي عنيده جدا
ولازم علشان اوصل لهدف انا عايزه اروح محدد انا عايز ايه وافضل احاول اوصل للي انا عايزه
ومع مرور الوقت لفتره طويلة اكثر من سنتين
عرفت ازاي اتغلب على العند عند ناس كتير اوي والحمد لله
بس برضه نرجع لنقطة المرجعية
اتغلب علي العند علشان اوصل للحق مش للباطل والعياذ بالله
اتعلمت كمان ازاي ممكن الواحد يحس انه ليه اخوات من غير ميكونوا اخواته فعلا
بجد شكراً شكراً
moaa
نيجي بقا لـــ
cortyelpo3po3
مأقدرش اقول الشخصية دي اثرت فيا اد ايه
يامعلم تعرف لو انت حاسس انك بارد ومبتحسش
ايوه بارد ومبتحسش
وييجي حد تتعلم معاه ازاي تعرف ترجع شعورك تاني
هو ده اللي حصل
على رأي قؤاد المهندس رحمه الله
"ازااااااااااااي .....معرفش"
الحاجتين دول مش قليلين يا جماعة
الحوار مع العنيد وكمان انك تكون بتحس او تبدأ تفهم احساسك
فعلا فعلا شئ مفيد جدا
واللي خلاني اكتب عنهم في المدونة هو عرفان مني بالجميل اللي عملوه فيا يمكن من غير ميعرفوا الا انه فعلا جميل
وجميل كبير كمان
طبعاً انا صدعتكم يا جماعة انما حسيت اني لازم في بداية تدويناتي اتكلم شوية عن الناس اللي اثروا فيا
حسيب المسلسل ده شوية التدوينة الجاية علشان فيه موضوع كبير ومهم جدا جدا لازم اتكلم فيه التدوينة الجاية
الموضوع الجاي حسمية ان شاء الله
"قلة حبنا"
==========
على الهامش
القرع لما استوى قال للخيار يا لوبيااااااا
No comments:
Post a Comment