شعور غريب
اخر امتحان في الكلية
ويارب يكون اخر امتحان
16 سبتمبر 2008
مشوار
سنه حضانه
سنه روضة
5 سنين ابتدائي
3 اعدادي
3 سنين ثانوي
وبعدين 5 سنين كليه
18 سنه تعليم
اخر امتحان
بجد اخر امتحان
مش عارف حعمل ايه بكره الصبح ويارب يكون خير
الماده دي صعبة اوي
عايز انط وعايز اصرخ
اصرخ وبصوت عالي اوي يرج الدنيا كلها
ااااااااااااااااااااااااااااااااااااااااااه
ماده صعبة ومكتفاني
ربنا وفقني وساعدني ومعادش فيه حاجه رابطاني
الا حبل واحد بس
بشده اوي ونفسي اقطعة وبحاول ومش حيأس
يارب ساعدني وعديني منها على خير
مش عارف انا حاسس حاجات غريبة
حاسس اني لسه متكتف واني بعد الامتحان بكره بإذن الله ربنا يوفقني
واصلي شكر
واجري وانط عاااااااااالي اوي فوووووووق
خلاص
يارب يكون خلاص
معادش فيه حاجه ادرسها غصب عني ؟
معادش فيه دكتور رخم يضايقنا ونشتكيه ونتخانق وناخد حقنا ساعات وساعات منعرفش ناخده
لسه برضه احساس القفزة العالية اوي اوي اوي والصرخة
اااااااااااااااااااااااااااااااااااااااه
لا مش طرزان ولا عمرها محتبقا صرخة كوميدية
لا دي صرخة نصر
صرخة فرح
صرخة ترمي كل حاجه من على كتافي وتخليني حر
اه حر
مستني اللحظة بفارغ صبر
قاعد على نار والطاقة جوايا كبيره
بتغلي
نار
عايز اجري
عايز انتج
عايز اعمل حاجات كتير
مش عايز حد يقولي لسه حتشوف ولا حد يقولي حتتكبت في شغل ولا حاجه
لسبب بسيط
اني عايز اتوكل على الله سبحانه وتعالى
واشتغل واخطط وانتج
واللي يحصل يحصل
قالولي مش حتغير
قولتلهم حغير
وبفضل الله وحده جعل على ايدين مجموعة كبيره كنت فرد منها
جعل التغيير
سواء في الكلية او في شغل تطوعي او او
بس حصل
ومش مستني حد يكتفني تاني
يا انهزامييين موتوا
يا خوافييييين موتوا
يا اغبيااااااء موتوا
ده زمن محتاج اللي يقوم ويمشي في نص الشارع
مش جنب الحيط
وعمر اللي بيمشي في نص الشارع محيموت
لازم يسيب اثر وحتى لو اتخبط حيسيب اثر
انما لو جنب الحيط
اثره حيبقا على حيطة في جنب محدش حيشوفه ولا حد حيتعلم من اثره
الحرية
تعااااااااااااااااااااااالي
يارب انت اعلم باللي فيا
عايز اخلص بقا
عايز ابقا حر
ساعدني يارب
-------------
ليلة امتحان الانتنه
د/عاطف بيه باشا غنيم
للذكري
اولى معاك على الرأفة يا دكتور
تانيه معاك شايل ماده يا دكتور
ثالثة تخلفات المادة شيلتها وطلعت رأفة يا دكتور
رابعة جالي الصفراء في وقت امتحان الماده وعلشان كده انا حمتحنها دلوقتي
تفتكر العيب فيا واللا في مين
سبحان الله
9 comments:
بجد طول ما انتا متوكل على ربنا كده وبما انى اعرفك الى حد ما كويس .. صدقنى أثرك واضح اوى فيك وفى اللى وحواليك وفى كل عمل بيحصل حواليك ... بجد والله يابنى انتا عنصر نجاح وحماس لاى حاجه بتدخل فيها
حماسك قادر يغير حاجات كتير يا باشمهندس .. شد حيلك .. حدد هدفك .. توكل على الله وامشى فى وسط الشارع نط واصرخ وافرح وانتصر مش عاوز اشوفك واقف :)
على الهامش :
يا اغبيااااااء موتوا
ده واجبهم يافندم .. الغبى لازم يموت
واعتقد ان اكيد ظالم الدكتور ده حتى الراجل عامل اللى عليه وزيادة اهو وظبطك الاربع سنين :)
شيكو باشا
منور المدونة
الله يكرمك ويخليك يا شيكو شكراً بجد على كلامك ويارب اكون عند حسن ظنك واكون زي مأنت فاكر
يارب
وربنا يعدينا منها على خير
قول امين
آمين :)
قولت نقولها كتابة يعنى لاحسن تفتكرنى مقولتش ولا حاجه :)
ربنا يوفقك يا محمد
ويكتبلك الخير ياا رب
انا بـأيدك في مشيك في وسط الشارع طالما عارف بتعمل ايه
ربنا يخلصك من الكليه على خــير
ويكتبلك التوفيق ياااااااا رب
ده جزات الي يقعد على بروفايل اخووووووه
طبعا الي فوق ده انا فوكيره
مش انت زحل
مكسله اعمل سويتش يوزر
هع كنت افتكرت ان نوفا نسى ان هو زحل الفلكى وانه هو اللى كاتب البوست وداخل يحيى اللى كاتب البوست :)
نوفا لسه شغال يعمل وبكفاءة :)
احساسك وصل جداااا يا زوحل
وربنا يوفقك وتخلص بئا ان شاء الله
ووالله لو كلنا فكرنا كده ومشينا ف وسط الشارع هنتغير أكيد بفضل الله
ربنا يصلح أحوالنا
وابئا طمننا بئا يا صاحبي
كل سنة وانتو طيبين انت وفوكيرة وكل الأسرة
:)
رغم اني اوريدي متخرجه الحمد لله من 2007 بس بجد اول ما قريت كلمة "اخر امتحان في الكليه" و"مشوار" حسيت بالمعنى دا فعلا زي ماكون انا كمان لسه مخلصه امتحانات امبارح ولا اول امبارح.
احساس جامد، غريب، مش عارفاله وصف بصراحه، حتى ماحستهوش لما خلصت امتحاناتي في الكليه فعلا في اخر سنه ومع اخر امتحان يمكن عشان ماخطرش على بالي ساعتها الخاطر دا ان دا اخر امتحان بعد حوالي 15 سنة تعليم .. بجد مش عارفه ليه الكلمات دي ولدت جوايا احساس غريب كده ماعرفش ايه سببه ولا ايه معناه ولا ايه وصفه حتى.. يلا ممكن يكون حنين مش اكتر
سوري لو كنت طولت بس حبيت اعبر عن احساسي بالكلمات دي وربنا يوفقك بجد للي فيه الخير ويعينك ويقدرك دايما على فعل الخير والتغيير للاحسن وتكون سبب او عامل مساعد حتى في احداث النهضة والتغيير الايجابي المنتظر في القريب العاجل يااااااارب اللي نفسي بجد ربنا يوعدي واشوفه والمسه قبل ما اموت في بلادنا الاسلامية والعربية
والسلام ختام :)
شيكو وفوكيره شكراً جزيلا لردودكم
ويارب يكرمكم ياااااارب
------------------
الام وامال الله يكرمك يارب و كله خير الحمد لله
------------------
احلى حياة
سعيد جدا اني بلاقي ناس "دفعتي" بما انكم 4 سنين واحنا 5 فسبقتونا بسنه بقااا
:D
سعيد اكثر بالشعور اللي وصلك من البوست وبجد مكانش ممكن اتخيل انه يوصل جدا بالشكل ده
شكراً لردك واهتمامك بالتعليق
:)
تقبلي تحياتي
Post a Comment