جمله غريبة معنتش بسمعها خالص اليومين دول
لدرجة اني نسيتها اساسا
لحد مفي يوم من الايام سمعت الحوار ده
السائق: وحضرتك بتعمل كل ده ليه يا استاذ....؟
الراكب : علشان مصر
!!!!
السائق: يعني حضرتك بتحب مصر
الراكب : طبعاً بحب مصر
السائق : يعني مستعد تضحي بحياتك علشانها
الراكب : طبعاً
حوار كان عابر
لكن تخيلوا الموضوع ده لفت انتباهي جداً
من زمااان مسمعتش الكلمة دي
مسمعتش واحد يقول انا بعمل حاجه علشان مصر
اللي يقول علشان اتجوز بشتغل
واللي يقول علشان اربي العيال بشتغل
واللي يقول علشان خاطر والدتي بعمل كذا
واللي يقول علشان وعلشان وعلشان
لكن مصر
كتير معنتش بسمع الكلمة دي
زمان كنت بسمع في مسلسل رأفت الهجان
اللي اتربيت عليه هو ودموع في عيون وقحة
شعبان يقول لعبد العزيز
يقوله مصر هي اللي دافعة يا رأفت
تلاقيه اتأثر
ويقوله انا رقبتي سداده
-------------------------------------------
مين فينا حيقول لمصر انا رقبتي سدادة
مين فينا حيدور على مصلحة مصر
يعمل حاجه تفيد ابناء مصر
يعمل شغله بإتقان وميقبضش رشاوي علشان مصر
يحرق نفسه شغل علشان مصر واهل مصر
مين فينا لما يسأله حد ويقوله بتعمل ده ليه
يقوله علشان مصر ؟؟
17 comments:
شكرا لك على هذه التدوينة الرائعة يازحل
والتي ذكرتني بيوم تخرجي من الثانوية وكان امامي ادخل شرطة وقلت لا انا عايز اخدم مصر
لا تخف
فما زال هناك الكثيرون
ممن هم على على استعداد تام للتضحية بأرواحهم فداءاً لمصر
تحياتي
انا عن نفسي رقبتي وجعاني
يعني مش هنفع اسدها لمصر
أنا بذاكر علشان مصر
شوفت الوطنيه جامده إزاي عندي
على الأقل كان على أيامك كان فيه رأفت الهجان تتفرج عليه ... إحنا دلوقتي بنتفرج على تامر و شوقيه
و بلاش تقلب المواجع علينا أكتر من كده
بالمناسبه ... أنا عامل لعبه جديده في البلوج عندي يا رب تعجبك ...يا ريت تزورني و تقولي رأيك بصراحه
سلاااااااااااااام
عصفور المدينة
يا باشمهندس تصدق انا مختلف معاك في نقطة شرطة دي
انا شايف اني ممكن اخدم مصر لما اكون في شرطة
:)
وشوفت كتير شرطة بيخدم مصر
بس ادينا بقينا هندسة اهو ربنا يعيننا ونخدم مصر
والف شكر على كلامك الرقيق وزيارتك الجميلة
صاحب البوابه
الخير في امة محمد صلى الله عليه وسلم الى يوم الدين
واعرف انهم كثر
لكن ليس منهم من يظهر
يعملون في خفاء
بدون اعلان قوي يظهرهم ويرجع هذه الامة الى حب مصر والعمل من اجل مصر
زمان ايام الحرب لما الناس كلها كانت عايزه تحمي مصر
واحد فلاح كان جنب الغيط بتاعه تدريبات لطائرات هليكوبتر
جه واحد من الضباط سأله عن الطائره
وكان في لبس مدني
فأجابة الفلاح مش عارف وانت مالك
امتا بقا ييجي في مصر اللي يقول عن مصر كل خير واللي ييجي يعيب فيها يقوله وانت مالك مش شغلك
وفي نفس الوقت يشتغل علشان البلد دي
سمراء
ههههههههههههههه
مش مشكله مصر تعالجك وبعدين تسدي رقبتك لمصر
:D:D:D:D
------------------------------
كده سبونسر
كلنا بنذاكر علشان مصر انا عارف علشان كده كلنا بننجح
:D:D:D
وبعدين على ايامي ايه ياعم متحسسنيش اني عجوز
انا يابني يادوب عشرين سنه يعني لسه معجزتش اوي كده
:D:D:D:D
وبلاش نقلب المواجع
الا قولي حضرت كابت ماجد على ايامك
:D:D:D:D
عارف ليه الناس ده قليله دلوقتى عشان بيقوله جمله واحده
واحنا كنا خدنا منها ايه يعنى
مسكينه يامصر عايزين منك ايه اكتر من انك تكونى ليهم وطن وشئ بينتموا اليه
تحياتى كلامك عجبنى وماشى مع آخر بوست عندى:)))
أنا رقبتى لمصر، بس يا ريت تلحقها لحسن قربت تكسر
مصر بتاعتنل غير مصر بتاعتهم
سلام عليكم
محدش هيقول علشانك يا مصر
عشان احنا اتولدنا فى وقت لقينا كله بيقول وبيعمل عشان نفسه
الجو العام كله كده
وانا شخصيا مش مستعدة اعمل حاجة عشانها ماهى معملتليش حاجة وان عملتلى يبقى مش زى غيرى وكله بالواسطة والمحسوبية
حتى الغلابة يا عينى تيجى تساعدهم تلاقيهم طمعوا اكتر ..تبص متلاقيش حنية ولا طيبة زى ما كنا بنلاقيها فى افلام زمان
صباح الخير
سلام
واحده من الناس
هي دي المشكه بيقولوا اخذنا منها ايه
تعرفي حتى لو مديتناش حاجه
دي بلدنا
وده كفايه
-------------------------------
بحبك يا مصر
ورقابنا كلنا لمصر
ولما تتجمع رقابنا اكيد مش حتتكسر
الاقطش القبطان
مصر يا باشا بتاعتنا كلنا
الحلو والوحش
------------------------
البنت الشلبيه
انا مختلف معاكي
انتي بتقولي مصر عملت لينا ايه
لا عملت كتير
فكري كده
حتلاقي مصر عملتلك كتير
كفايه اوي انك بتقولي ان ليا وطن ومصريه
غيرك كتير ملهمش وطن وبيقاتلوا علشان يبقالهم وطن والناس تعترف بيهم
دي كفايه
وصباح النووووووور
السلام عليكم ورحمة الله وبركاته
والله يا باشمهندس زحل النظام الحالي واللي بيحصل في البلد قتل جوانا حاجات كتير اتربينا عليها وخلا كل واحد بقي يقول يلا نفسي ، لانه شايف انه لما بيعمل حاجه لمصر بياخد قبالها علي دماغه بالشوز
ومش بيلاقي مقابل تعبه الا القرف وحرق الدم
عارف كانوا بيزيعوا مسلسل دموع في عيون وقحه علي ايه ار تي لاقتني بضحك وباتريق علي الكلام اللي كنت زمان لما بسمعه ممكن عنيا تدمع
يمكن يكون لسه جوا قلبنا شوية حب ليها بس محتاجين نحس انها فعلا بتاعنا وانها امنا اللي اتربينا علي ارضها وان خيرها لينا مش لغيرنا
تحياتي
بجد انا مش حاسس ان فى حد دلوقتى ممكن يعمل المشهد المؤثر جدا بتاع يوسف شعبان ومحمود
عبدالعزيز اللى هو
مصر محتاجاك يا رأفت
ويقول الاخر
وانا رقبتى سداده وهو بيضرب على رقبته
معلش انا حاسس ان المشهد ده ما يشافش غير فى حته واحده غير فى شاشه التليفزيووووون
تصدق انا دلوقتى عايز اعمل ايه مش اسدد رقبتى لمصر
لالالالالالا ده كان زماان كنت فعلا ممكن اموت نفسى عشان اللى بيسموه الوطن
بس انا دلوقتى نفسى اطلع بره ونفسى حاجه تانيه ماشربش من نيلها عشان ميه مش حلوه
يلا سلااااااااام
بس ده ما يمنعش حبى الشديد للبلد دى مش لحبه البنى ادمين اللى ماسكين مصر وبيحسسوا ان دى مصر لالالالالا مش دى مصرنا دى مصرهم هما مش بتاعتنا وبتاعتنا جايه ان شاء الله ربنا فوق
المصريين أتباع أسرئيل وعلى رأسهم حسني البقرة فكيف سيفدون مصر برقابهم
Post a Comment