القاهره
قاهره المعز زماااان
وقاهره الكل اليوم
مدينة قال عنها ابراهيم معايا لم تسمى عبثاً قاهره
انا في القاهره لدورتين تدريبيتين
بقالي اسبوع
ولسه اكثر من اسبوع ان شاء الله
نفسي اعمل كل حاجه
عملت كتير
ولسه كتير
اول الحاجات اني كسرت الحاجز اللي بيني وبين القاهره
اصبحت المواصلات مألوفة
الاتوبيسات والميني باصات والمترو وحتى الموتورجل اصبح مألوف
وازاي لا
منا باخدها من فيصل اتمشي لشارع الهرم اركب رمسيس انزل في الاسعاف اخد كورس عند دار القضاء
الساعة 1
واجري الساعة 5 من الكورس ده علشان اركب تاني عباسية علشان الحق الكورس التاني في عبده باشا
اخلص على 8 ونص اجري الحق المغرب
وارجع تاني للهرم
بقت مألوفة خالص خصوصاً لما اروح جنينه مول وامشي من جنينه مول لنادي السكة
القاهره
عملت كتير
ولسه عايز اعمل اكثر
يارب اقدر اشوفكم في القاهره
دعواتكم
-------------------
الحمد لله انفرجت الازمة السابقة ووصل الصاروخ مكانه ونزل ركابة على ارض فضاءهم الواسع
وسلامتك يا قاهره
17 comments:
ربنا يعينك وينفعك بالكورسات
طيب سؤال
خارج الموضوع
هو انت منين اشاسا ؟
القاهره بالنسبه ليا أفضل مكان ممكن الواحد يتوه فيه .... بس مدينه عظيمه بجد ... ما كنت تيجي أسكندريه يا راجل ... أهي مصيف بالمره
هههههههه
ربنا يوفقك
سلاااااااام
السلام عليكم يا زحل الاول
اسكت انا كنت في القاهره من يومين
زحماااااااااا وحررررررررررر
ما صدقت اني رجعت
على فكره انا كنت في رمسيس تقريبا
يعني اتصطيت فيك و انا ماشيه اكيد
ربنا يوفقك يا زحل ب الكمورسات
الشاي مظبوط المرادي على فكره شكراا
سلام
زيزي
باشمهندس عصفور المدينه
الله يكرمك يارب وشكراً على الدعوة وربنا يتقبل
-------------------
اكتب بالرصاص
منور المدونة
انا من بورسعيد اساسا اشاسا
--------------------
كده باشا
اسكندرية اكثر مدينه مش بتوه فيها بقا تصدق
اصلي بحبها
القاهرة .. قاهرة المعز
كل حاجة فيها جميلة
حتى الزحمة .. ليها لزتها
بتشوف كل انواع البشر
والتناقضات اللي في الدنيا
من جنينة وسيتي ستارو .. لوسط البلد والعتبة
يووووووووه .. مش هسكت انهاردة
بس بموت في القاهرة
:)
بص اولا انت جار بس من ناحية الهرم ثانيا يارب تقدر تعمل كل اللي انت عايزة
و القاهرة و الجيزة ما بيتوهوش بس محتاجين تركيز انا لما ببقى مخنوق بلفهم كلهم و الله بس بحب امشي علي النيل اكتر
ايه ده معقول انت عندنا وانا معرفش :)
اهلا بيك يا محمد ف القاهرة وربنا يوفقك
انت كده تقريبا مقضي يومك ف المواصلات يبني
اقولك على حاجة يا بطل عشان تقول بجد انك روحت القاهرة
انصحك انك تنزل وسط البلد وتلف هناك شوية وانت كده كده اصلا بتروح الاسعاف يعني خطوتين من هناك تبقى ف وسط البلد
وشوف بقى الزحمة اللي على حق
:)
بس هتنبسط والله ده لو مكنتش روحت لسة يعني
وشرفت ونورت القاهرة يا حبي
انا دماغي بتوجعني وروحي بتبقى في مناخيري لما أضطر ابيت فيها ليلة ...
وعجبي ..
meekness
اكيييييييد منا اتخبطت في 4 اصحابي بورسعيديه صدفة في اول اسبوع
قدر بقا سبحان الله اشوفهم هنا
وبالقدر
:D:D:D
والحمد لله ان الشاي عجبك المره دي
:D
-----------------------------
عبير
سبحان الله تقريباً انتي اول واحده شفتها بتموت في القاهره
هي حلوة يعني
بس يعني :D:D:D:D
شكراً لزيارتك
-----------------------------
اللهو الخفي
كله سهل يا باشا بفضل الله
وممكن اكون بلف واخبط فيك في يوم من الايام
:D
منور يا باشا
-----------------------------
الام وامال
اه والله هنا من اسبوعين وده الثالث
منورة بأهلها مصر يا باشا
نزلت وسط البلد اكييييد وكشري التحرير بقا وصيدناوي ولفيت يعني
بس لفيت في وقت لذيذ جدا
الساعة 12 الظهر
ايه رأيك اني كمان قابلت اصحابي صدفة جنب المتحف المصري
:D:D:D:D
شغال يا باشا
منوووووووووور
------------------------------
محمد العدوي
منور يا باشا
ربنا ميكتب عليك تبات فيها هنا
بعد السلام عليكم
أكيد القاهرة نورت بيك ، و يارب ترجع منها و أنت مبصوط
دي زيارتي الأولي لمدونتك
مدونتك جميلة فعلا
تحياتي
ربنا يوفقك يا محمد
على فكرة فى القاهرة مش ممكن الواحد يتوه لسبب بسيط جدا
المترو موجود فى معظم الاماكن
وكل مكان فيه مترو حواليه ميكروباصات بتوصل لمحطة المترو
ولو حتى مفيش
اى تاكسى لاقرب محطة مترو وتروح اى مكان تحبه
اول مارحت القاهرة قلت ايه كل ده؟؟؟
الواحد يمشى هنا ازاى ؟؟؟
فى خلال ترم واحد كنت رحت مختلف الاماكن فى القاهرة وبمختلف المواصلات
بس متعة مش كده؟ :)
وانتا يتكلمنا عن قاهرة المعز لدين الله الفاطمي
شعرت ببهجت
ههههههههههههههه
مدونه جميلة
لا تجعل قلمك يقف عن الكتابة
تسعدنا زيارتك
زحل ازيييييييييييك
يابني انت فينك
ايه الغيبه دي
فين الجديييييييد
مش انت رجعت ..........ولا ايه؟؟؟
.
.
زيزي
ابو صلاح
منور المدونة يا باشا
والله يكرمك القاهره منوره بأهلها
--------------------------------
نيره
ازيك الاول
بالنسبة للقاهره او غيرها انا بحب اركب الصعب علشان اتعلم
يعني لو جه في يوم من الايام ولاقدر الله المترو حصل فيه حاجه
اعرف امشي على وش الارض
:D
بس عامة فعلا انتي عندك حق ولاوني مستخدمتش المترو كتير في القاهره
ربنا يعينك في دراستك هناك
بس بتكون ساحره في الشتاء اكثر بكتير من الصيف
:D
-----------------------------
شكري وشكريه
الحمد لله اني خليتكم تشعروا ببهجت
:d
مهو بهجت محتاج ناس كتير تشعر بيه
الف شكر على الزياره وان شاء الله حزوركم قريب اوي
------------------------------
زيزي
رجعت اه
بس لسه رايح القاهره تاني بكره
واستني الجديد على طول اهو
جميل تواؤمك مع القاهرة.. اما انا فأكابدها كل يوم و أتعذب في زحامها.. و أدعوا الله ان يرحمني منها في يوم من الأيام و من فوضاها.
علا
ربنا يرحمك من زحام القاهره
وتعيشي في مكان هادي
تريحي فيه دماغك
اما انا
فاعشق المغامرة في مكان جديد
والقاهره كل يوم
بها الجديد
Post a Comment