كتير بتغريني فكره السيطرة ..وهي داء من ضمن الامراض اللي بتصيب نفسية الانسان ولكن
احياناً يكون هذا الداء احسن وسيلة لحل عدد من المشاكل
لكن برضه ده مش موضوعنا
:P
السيطرة اللي بتكلم عنها مش السلطة او القياده ..السيطرة للي اقصدها هي بإستخدام نقاط الضعف اللي موجوده فعلا في الغير
من الاخر حضرب مثال وده اللي جاي اتكلم فيه النهارده
الفضول
قالوا زمان عن الفضول انه قتل القط "مع اني مش عارف ليه"بس انا شايف انها مقوله صح..
الفضول شعور لازم نحاول نحجمه ونحاول نقتله جوانا وقصدي هنا اكيد الفضول الغير مفيد مش طبعاً الفضول للعلم او للمعرفة المفيده..
والفضول الغير مفيد متوفر في الشعب المصري لدرجة تدعوا للسخرية و"السيطرة" خاصة في البنات في مصر....تخيل معايا
قاعد بتتفرج على التليفزيون ومثلا الصورة فيها مشكله وبتسمع صوت بس وييجي مثلا صوت واحد بيسأل واحده
وانتي ايه علاقتك بحسين ؟؟؟
ترد هي : ده حد يطول يتعرف على حسين ده شرف ليا اني مراته ده تحفة؟
ها لو قاعد بقا في القعده دي مع والدتك و اختك او اي بنت قولي حتسمع كام مره سؤال هو مين حسين ؟؟ او هي مين اللي بتتكلم؟؟
اراهن انك حتعد اكثر من 5 مرات !!!!مع انك زيهم مش شايف الصورة
واللذيذ بقا انك ترد وتقول معرفش علشان تكبر دماغك
ومع تكرار السؤال تروح انت كاشف الحقيقة المره
وهي انك مش شايف الصورة زيهم فطبيعي انك متعرفش
:D
الحوادث
هي اكبر واوضح مثال للفضول المصري ...من كام يوم عملت حادثة بالعربية
المهم نزلت اشوف ايه الوضع فبرفع عيني علشان ابص لصاحب العربية اللي اتخبطت
لقيت كمية بشر خارجين يتفرجوا فضول مش اكثر
ده غير اللي اتلموا طبعاً علشان يتفرجوا
فضول مش اكثر
طبعاً فيه اصحاب العربيات اللي بيبصوا يمكن يكون الحادثة دي في عربيتهم
لكن اللي ملوش بقا ...ببساطة
فضوووووووول
امبارح عربية مخبوطة وبنت ماشية ادامي وشايفة الخبطة معدية من جنب الولاد وراحت قالت السؤال الملح اللي مقدرتش ياعيني تكتمة
وقالت
هي دي حادثة ؟؟
طبعاً بسبب صعوبة السؤال الواد اذبهل كده
وقالها اه حادثة !!!!
وطبعاً كمان صاحبتها راحت مديالها كلمتين
قالتلها طبعاً حادثة امال صورة
طبعاً مش عارف ايه علاقة الصورة بالموضوع بس اهو
عديها
جرب كده وانت بتكلم اي بنت وفجأه اضحك
او قول يااااااااااااه
وبعدها اراهنك ممكن تخليها تدفع 100 جنيه علشان تعرف انت قولت كده ليه او ايه اللي ضحكك بالتفصيل
صح واللا غلط ؟؟
وهو ده باب السيطرة انك ممكن عن طريق الشعور ده تسيطر وتغير مجريات الكلام
ايه رأيك بقا حتسيب الناس تسيطر عليك؟؟؟
بس تعرفوا انا لما بدات اكتب البوست ده جالي فكره
تؤكد اوي موضوع الفضول
وهي لما كنا مسافرين على طريق بورسعيد دمياط وبعدين كان وقتها الطريق ازدواج
فكانت فيه عربية جيب معدية وجاية في وشنا على الحارة التانية وفجأه
...........
نلتقي بعد الفاصل
15 comments:
اراهنك ممكن تخليها تدفع 100 جنيه علشان تعرف انت قولت كده ليه او ايه اللي ضحكك بالتفصيل
يعنى ارجع و نشتغل التجربة دى و نلم فلوس :)
فكرنى لما انزل اجازة ان شاء الله اجرب دى :)
كلامك صحيح .. و انا للاسف كتير بستغل حكاية الفضول دي عند الناس و خصوصا البنات اللى الفضول عندهم شيء مهول .. بس مش بستغلها استغلال سيء .. يعني ممكن استغل فضولهم انى ابعد انتباههم عن حاجة بحاجة تانية .. يعني لو فيه حد عاوز يعرف منك سر انت مش عاوز تقوله .. تغريه بحاجة تانية تستغل الفضول اللي عنده عشان يجري وراه و ينسي اللي كان عاوزه اصلا .. متقولش اني شرير .. بس هم اللي عندهم فضول زايد
اوعي باه تقول السر ده لحد
تدوينتك فعلا ممتعه
احاسيسك كلنا نمر فيها اكيد
في فترات معينه نفكر وايد بهالامور
استمتعت بمروري من هنا
دمت بخير
ارجع انت بس واحنا نلملك ال 100 جنيه يا جوده
:)
-------------------
مستحيل اقوله لحد يا شامي
منور يا باشا
:)
اقصوصة
شهاده اعتز بها
واشكر لكي مرورك
heheheheheheheh wallahy sa7 ..
و مجاراه لأختبار الفضول الفظيع اللي في اخر البوست
اه اللي حصل ها ؟ ها ؟ ها ؟ ها ؟
ايه ؟ ايه اللي حصل :)) تفتكر ايه علاقه الفضول بالزززززن :))
ازيك يا باشمهندس....اخبارك ايه...
انا بعتذر عن التقصير ...بس الوقت مش بلاقيه كتير اليومين دول...الدنيا آخر لخبطة..بس ربنا يعدلها...
على فكرة..
الفضول=مواطن مصري
طمنا على اخبارك
تحياتي
السيد الأستاذ صاحب مدونة / زحل الفلكي
" تحية طيبة" وبعد..
اعتذر عن الخروج من موضوع التدوينة، لكنني أرسلت لك رسالة عبر البريد الإلكتروني تتعلق باستمارة استقصاء بيانات عن المدونات المصرية.
أرجو الاهتمام والرد سريعا بالإيجاب أو السلب.
تحياتي وتقديري
شيماء إسماعيل
باحث ماجستير- كلية الآداب جامعة القاهرة.
السيد الأستاذ صاحب مدونة / زحل الفلكي.
" تحية طيبة" وبعد..
اعتذر عن الخروج من موضوع التدوينة، لقد أرسلت لك دليل العمل (صفحتين)والجزء الأول من الاستمارة (8 صفحات) ، أرجو منك إرسال رسالة توضح أن الجزء قد وصلك بالفعل وأنه ليس هناك من مشكلة في إرساله أعاقت وصله لسيادتك .
تحياتي وتقديري
شيماء إسماعيل
باحث ماجستير- كلية الآداب جامعة القاهرة.
شكرا الله عليك يا استاد
ودا موقعي للزياره
http://www.mojrim.net/vb
شكرا ع الموضوع
:) bt3ml kda m3aya , btgyb no2at el d3f w t3ml stress :))) hwa ana m2rytsh el mdwana de mn zaman lyh !!!!!!!
thank you
سعودي اوتو
Post a Comment