سؤل غريب
بس نفسي اعرفله اجابة
ليه لما بنضرب على قفاك ومتعرفش تاخد حقك
تفضل تقول انا لو حد يمكني اني اخد حقي حعمل واسوي وانتقم من اللي ضربني على قفايا
واول متعرف وحد يمكنك انك تاخد حقك
تفضل انك تطاطي اكثر علشان يضربك تاني
وكأنك بقيت بتعشق الضرب على قفاك
سؤال مستنيله على اجابة
؟؟؟؟؟
ونفسي حد يجاوبني
-----------------------------
الموضوع ومافيه
قسم كهرباء في الكلية
قسم مظلوم ومهضوم حقه والدكاتره فيهم بيظلموا اوي
والقسم فيه حوالي 700 طالب
اتفقنا مع اداره الكلية على اننا نعمل يوم
القسم اجازة
ومفيش محاضرات
ونعمل انشطة ودورات كره قدم وتنس طاولة وشطرنج وثقافي و و و
وبعدين نقعد مع ادارة الكلية وادارة القسم
علشان نحل المشاكل ونتناقش ونشوف المخطئ ونصلح
وعلى فكره محدش يقولي انت بتحلم
علشان حصلت قبل كده مناقشات مع اقسام تانيه
واتحلت مشاكلهم
يقوم من طلاب القسم
اللي متوسط عدد الطلاب فيه حوالي
720 طالب
يشترك اقل من 100
يبقا الضرب على القفا حلو بقا
واللا ايه
حد يفهمني
؟
8 comments:
السلام عليكم
أولا الحمد لله على سلامتك
انت غيبت كتير وافتقدناك يا صاحبي
بالنسبة لموضوع الأفا
للأسف مش كل الناس بتفكر بطموح يا زوحل
فيه ناس بتقولك يا عم كبر كلها أيام ولا شهور ونسيب الجمل بما حمل
مش بيفكرو انهم مثلا لو سنو سنة حسنة وعملو حاجة كويسة هتكون في ميزان حسناتهم ليوم القيامة
معلش حاول تاني وربنا يسهل ان شاء الله
بس ايه الأفا الأصلي اللي انت حاطه ده وجبتو منين؟ هههههههه
معنديش الا تعليق واحد بس عن الناس اللى طنشت وماجتش
جتها نيلة اللى عايزة خلف من النوع ده
:)
يييييييييييييه
انا كنت واقعه ف نفس الموقف النهارده
امتحان المجموعه بتاعتنا
ال 200 طالب متقسم 50 وكل واحد مصحح خمسين
اول 100 كلهم الفول مارك
واخر 100 واخدين ع قفاهم بالاوى ومتحاسبين بالكلمه
جينا نعمل تظلم والكل عمال يقول ده ظلم وحرام
وبتاع
وتعالوا امضى
ممضاش م ال 100 غير 8
فما كان منى غير انى وقفت ف وسط السكشن
وقلتلهم انا مكنتش اعرف ان احنا سكشن هزوؤؤ كده
فعلا الشعب المصرى بقى خاضع بطريقه غريبه
وجبان بطريقه اغرب
هما بيشربوناااا ايه ف الميه بالظبط
فاحمد ربنا ان عندك 100 م ال 700
الام وامال
وعليكم السلام ورحمة الله وبركاته
الله يخليك ويسلمك يا باشا
ومعلش الغياب دايماً لظروف انشغال
والحمد لله
بالنسبة للموضوع
الحكاية مش موضوع طموح
الحكاية حكاية فرصة متاحة لحد انه يعرض مشكله
مش اكتر انه يعرض
عايز اقولك اني برد عليك دلوقتي بعد اليوم مخلص
كان فيه مشكله مستعصيه
ولكن بفضل الله اتحلت بالنقاش مع الادارة النهارده
متتخيلش الناس سعداء اد ايه
وبالنسبة للافا فموجود كتيييير على جوجل
واللي يدور يلاقي
تعرفي يا نيره انا فعلا بقول زيك
بس سبحان الله
اتطلب طلبات من القسم والمناقشه جابت نتيجة
الحمد لله
الحمد لله
الحمد لله
دكتورة اجدع بنوته
سؤال واحد
انتي جربتي تدخلي اتحاد الطلاب
على فكره اتحاد الطلاب قوة بس باللي زيك
ربنا يوفقك ويعينك
يارب
بجد
حطي في دماغك تخشي الاتحاد
عــارف يا محمد ...
مره سمعت شاعر مش فاكره مين ... بس فاكره جملته اوى
كـان بيقول ..
" احنـا شعب من كتر ما انضرب بالقفـا
بقــا يشكل الي يضربه بالشلوت "
اعتبر الشاعر في الجــمله دي ان
الضرب بالشلوت ...اقل اهانه من
الضرب على القـفا ...
مش حنسى يوم ثوره قسمى علينا ...
يوم لما خنقونى فقلتلهم ...
انا مش حقبل ان حد يضربنى على قفايا وانا اقوله كـمان ...
بـس عارف ...
الـي اقل من 100 طالب دول ...
بشره خـير ... البدايه فيها نور يا محمد ...
في حركه ... في نـاس بدأت تحس تغــير
ولــسه ...
البدايه دايما صعبه يا محمد ...
ربـنا يـبارك فيك يا رب ...
تحياتى
السلام عليكم ورحمة الله وبركاته
والله اللي يفرط في حقه يستاهل اللي يحصله
خصوصا بقي لو لقي اللي يجيبله حقه الضايع وبرضو طنش
تحياتي
Post a Comment