عمال اصحى وانام واقوم واتلكم واسمعوكله عمال يقول الدولة الالكترونية
الحكومة الذكية
والقرية الذكية
والسيارة الذكيه
وحتى الاجهزة الذكيه
كل ده ومحدش قال العقول الانسانية الذكية
المهم
اللي اتعودنا عليه
ان حكومتنا وبلدنا بقت بلد الكترونية
اه والله
حتى التنسيق بقا الكتروني
تخيل حياتك
انت بتصحي الصبح عن طريق ضبط جهازك المحمول (الالكتروني
ولما تصحي تقوم وتاخد دش بالسخان اللي بيشتغل (الكتروني
وبعد متخلص وتتوضي وتصلي على سجاده معمولة بمكنة (الكترونية
وتقوم تلبس هدومك
وساعتك (الالكترونية
وتفتح جهاز الكمبيوتر (الالكتروني ) على السريع
علشان تبص على البريد (الالكتروني) وممكن كمان تحب تشوف رصيدك في بنك
واللا تدفع بالبطاقات (الالكترونية) واللا حتى تلعبلك دور سوليتير ع الصبح
منتا بتبص لشاشة الكمبيوتر (الالكترونية
تنزل الشارع تلاقي الاشارة (الالكترونية ) عطلانه
تستحمل لحد ميشتغل العسكري بطريقة (الكترونية ) ويفتح الطريق علشان تعدي
وانت ماشي تلاقي واحد مشغل سي دي في العربية وبيشغلها ويجريها بالريموت كونترول (الالكتروني
وتروح الشغل تشغل التكييف واللا المروحة الكهربائية (مهي الكهرباء الكترونات برضه ) وبعدين
تشتغل تشتغل
ويجيلك واحد
تقوله يا استاذ مش بنتعامل هنا الا بالبطاقة (الالكترونية) او زي مبيقولوا عليها البطاقة الكمبيوتر
وهنا بقا المشكله
في البطاقة
من فتره سمعنا انه سيتم الغاء البطاقة الورقية
ومن يحمل بطاقة ورقية مش حيعرف يعمل حاجه
منتوا شايفين اهو
الحكومة كلها والدنيا ماشية الكتروني
ويخزن معلوماتك على البار كود اللي على قفا البطاقة
ولكن بسبب ذكائنا الشديد
والالكتروني ايضاً
مفيش اجهزة تقرأ البطاقات
وفي الاخر
تروح تخلص ورق الجيش
النهارده
علشان والدي الله يرحمه وانا وحيد وعايز اخد الاعفاء
يقولي بكل هدوء
الراجل الالكتروني
فين بطاقة والدك
الورقــــــــــــــــية
طب اقوله ايه
!!!!!!
انسان غير الكتروني صحيح
----------------------------------
على فكره كل اللي رايح يخلص الجيش لازم يقول لأبوه يروح يعمل بطاقة ورق لحسن شغل التجنيد محتاج بطاقة ورق
وسلملي على المهلبية
اه اللي معمولة في المطبقية
الالكترونية
23 comments:
هوا احنا للدرجه دي
بقينا بلد الكترونيه يعني
احنا عاوزين بقي حكومه الكترونيه
نتحكم فيها علي مزاجنا:)
زي مانت عارف
احنا بلد متطور جدا
كل حاجه عندنا بالزراير
محدش فكر لو الزراير دي اتعطلت هايبقى مصيرنا ايه
ولا دلوقتى
العيال بتوع ابتدائي بقوا بيتعلموا بالاله الحاسبه
عشان يلغوا عقولهم
يلا حسب الله ونعم الوكيل
رمضان كريم
السلام عليكم
ههههههههههههههه بوست جميل يا زحل بجد
ضحكتني يا جدع والله
فعلا بقى كل شيئ الكتروني
تحياتي ليك
و كل سنه و انت طيب
.
زيزي
احنا اخر ناس نتكلم عن الالكترونات
والحكومه الاكترونيه
وبلاش الواحد يتكلم لان الواحد معبي
خلينا ساكتيييين
هههههههههههههههه
ايه ده
يارااااااااجل
يعني انا لما اروح اخلص ورق الجيش هيطلب مني بطاقة ابوية الورق
ينهار اصفر
طب ازاي دي بقى ان شاء الله
ياريت تبقى تقولنا ايه اللي حصل بعد كده معاك وهل فعلا لازم البطاقة الورق ولا ايه
يالا ادينا بناخد خبرة بردو عشان لما اخلص ورقي انا كمان ابقى عارف ايه اللي هيحصل
ربنا يوفقك يا زووووووووووووحل
السلام عليكم.....
ازيك يا باشمهندس زحل..كل سنة و انت طيب و رمضان كريم..متتخيلش سعادتي بالتعليق بتاعك جدا..مدونتك وحشتني..وزعلت انك روحت القاهرة و انا مش فيها..شد حيلك في آخر سنة و ربنا يوفقك في المشروع
انا هسلملك على المهلبية حاضر
هههههههه قال الكترونية قال
دى زى ما تقول كده قنعرة كدابة
ربنا يرحمنا منهم
may
منورة البلوج في اول زياراتك
اها بقينا بلد الكتروني جدا
لدرجة الغباء
ده حتى العيال بدأو يتعلموا على الالة الحاسبة
علشان نلغي العقل البشري
ويبقا غباء الكتروني
اه والله عندك حق ندوس زرار الحكومة تصحصح
:)
كلام مليان
اينعم عارف
كل حاجه بالزراير
لو الزراير عطلت اعتقد حنحتاج نروح نجيب الخبير الاجنبي علشان يقولنا ده الزرار محشور بس طلعوه
علشان اتعودنا ان الزراير هي اللي تشتغل
مش عقولنا
ورمضان كرييييم
meekness
كل سنه وانتي طيبة يا زيزي
رمضان كريم
الحمد لله ان البوست عجبك
ووالله الواحد بيضحك من غلبه
ال بطاقة ورق ال
الا قوليلي مشوفتيش بطاقة التموين الذكيه
!!!!!
حسبي الله ونعم الوكيل
اسكندراني اوي
لا ازاي يا باشا
ده احنا اول ناس لازم نتكلم على الالكترونات
مش الدنيا بتلف
والحلزونة ياما الحلزونة
على رأي مرجان احمد مرجان
ياعم قول يا باسط
وسلملي على البطاقة الذكية
:D
الام وامال
ازيك يا باشا
اخبارك ايه
اه ياعم شوف ازاي
بتكلم بجد
حيطلبوا بطاقة والدك الورق
او صورة منها
حيعرفوا منها السجل المدني اللي والدك طلع منه البطاقة في الاساس
يعني مثلا لنفترض ان والدك طلع البطاقة مثلا من مكان أ
ونت دلوقتي ساكن في مكان ب
يبقا لازم تروح مكان أ تعمل كشف عائلة باين او حاجه كده
بتاخد معاك بطاقة ولدك الورق او صورة منها
وبتاخد شهاده ميلادك وشهادات ميلاد اخواتك
ليه
علشان لو مكنتش انت متسجل انك ابن ابوك
يسجلوك بقا
:D
وبعدين حتروح التجنيد
حيبعتك كذا مره
وفي الاخر ورقك يخلص
هنا في بورسعيد لكل بورسعيدي زي حالاتي والده توفاه الله وهو الابن الوحيد الذكر
يروح السجل المدني اللي طالع منه بطاقة الاب
وبعدين يسجل نفسه واخته مثلا في السجل المدني بشهادات الميلاد
ويعمل كشف عائلة وده بيشتريه من البوسته
وبعدين بيروح يختم الورق من الاحوال المدنية
وبعدين يروح التجنيد ويكون معاه صورة بطاقة والده الورق
وصورة بطاقته
ومعاه شهادة الوفاه مستخرج رسمي اصل يعني
ويكون معاه بطاقة 6 جند
يكون معاه ايه تاني
اه يدعي ربنا بقا انه ميكونش ناسي حاجه علشان ميتبعتش
نقطة ميه
الف حمد لله على السلامة
منورة بلوجرز من تاني يا باشمهندسة
الله يكرمك الواحد بس حب يعيد يعني ويقول رمضان كريم
وان شاء الله متقطعيش الزيارات
مستنيين النقط علشان الدنيا حر اليومين دول لسه والواحد عايز بوستات منعنشة
البنت الشلبية
ايون اخيراً حد سلملي على المهلبيه
:)
هي فشخرة
اصلنا دولة متقدمه
وجامده اوي اوي اوي علمياً يعني
لدرجة متتخيليهاش يعني
عندنا المعامل الكويسة ونروح ونيجي وبرضه المعامل عهده تفضل متشتغلش الا خفييييييف
والمفروض انها تستخدم
وحسبي الله ونعم الوكيل
شكراااا يا روحل على اهتمامك والله وردك وربنا يبارك فيك
بس على فكرة انا تهت ومش فاهم اي حاجة
انا حاسس انهم بيعذبونا بالتجنيد ده مش فاهم انا
مش المفروض ان اهم حاجة ف الجيش انهم يحاولو يزودو انتمائك للبلد
لكن اللي بيحصل عندنا العكس خااالص
عموما يا حبي انت كده ان شاء الله واخد معافاه خلاص ربنا يوفقك وادعيلي بقى
:) :)
أدعوك وأدعو كل الزوار إنهم يلحقوا فوازير رمضان وكل اللي فاتوا فزوره ممكن يلحق يحلها عشان كل فزوره ممكن تلحأها خلال عشر أيام وإن فزورهأول يوم رمضان حنأفل باب الحل بعد يومين
وبفكركم بردوا إن الجوايز جامده ..وإن الوازير عباره عن خلق وصحابي
اقتباس
كل ده ومحدش قال العقول الانسانية الذكية
------------
طالما ان العقول البشرية هى من صنعت ذلك فلماذا الاعتراف بذكائها
------------
رمضان كريم
اسف اول مشاركة ليا تكون نقد
كل سنة وانت بالف صحة وسلامة
الام وامال
لا شكر على واجب
وربنا يعينك
------------
دينامو الاخوان
كنت افضل ان اقرأ تعليقك على ما سطرت قبل اعلانك عن ما تسطر
------------------
حرية الفكر والابداع
منور
ومفيش مشاكل من النقد
محدش قال العقول الانسانية الذكيه
هي اينعم اللي صنعت ده
والاعتراف بذكاء العقول البشرية هو اعتراف مفيش جدا
ليه
علشان طول مبتقول لحد ان الالة ذكية
حيفقد ثقته في عقله
وبالتالي خلاص
معادش فيه عقل ذكي
يعمل الالة الذكية
لكن لو قولنا على العقل ذكي
والاعتمادية على العقل البشري حتزيد
فبالتالي حيطلع اللي حيعمل 1000 الة ذكية
فهمت قصدي ؟
أحا فعلا بلد الكترونيه
كل حاجه بتشتغل بالالكترونيات
ده تطور طبيعى
أهو احنا المهندسين المسؤلين عن تطوير الالكترونيات فى مصر انا فى هندسه الكترونيه
شوف بقى الامله اللى انا فيها بتكلم برموت كنترول
السلام عليكم
ازيك يا زحل
ايه يابني الغيبه دي
ليك مفاجأه عندي
فوق بقى و روح شوفها
و كل سنه و انت طيب
.
زيزي
بيان هام جداااااااا
تابعوا أحداث الافطار الرمضانى الجامد جدا مع خالد الصاوى فى الساقيه
والتفاصيل على مدونتى الصغنونه
وماحدش يتأخر
ايه ده احنا للدرجه ى بقينا تعلقي بالالكترونيات
ولو احنا كده وتعاملتنا كلها الكترونيه وذكيه
ده تطور كبير جدا
انت عارف ده تطور ايه
ده التطور الطبيعى للحاجه الساقعه
ههههههههههه سلامات وسلملى ع الحكومه الالكترونيه
تحياتى
شغال
عجبني فكرة البوست (الالكتروني) اللي انت قايل فيه بطريقة جميله (الكترونيه) عن المشكله اللي حصلتلك في الهايكستب (الالكتروني) واللي المفروض كنت تاخد بالك من نقطه اكثر الكترونيه منها
واللي هي الاتوبيس (الالكتروني) اللي بيبقى واقف من بره
الكتروني فعلا وحتى النخااااااااااع
بمناسبة البطاقة الالكترونيه .. المفروض اصلا اصلا اصلا .. مايبقاش فيها صورتنا الشخصيه .. والمفروض ان اي دوريه راكبه يبقى معاه جهاز يقراها
لكن بما اننا في دولة بتحكم بطريقة المخبرين والظباط المتخفيين .. ماينفعش الحوار ده
Post a Comment