-السلام عليكم ورحمة الله وبركاته-وعليكم السلام ورحمة الله وبركاته
-لو سمحت عايز كيلو تمر
-اتفضل .. 10 جنيه "مثلا يعني "
-عشرة جنيه ليه يا اخي ده علشان الناس في الجامع
- !!!!!!!
=======================================
نفس الحوار
-السلام عليكم ورحمة الله وبركاته
-وعليكم السلام ورحمة الله وبركاته
-لو سمحت اديني 100 كوباية بلاستك
- اتفضل ... 20 جنيه "مثلا برضه"
-عشرين جنيه ليه متساهم معانا ..اصل دول للجامع
- !!!!!!
=====================================
-السلام عليكم ورحمة الله وبركاته
-وعليكم السلام ورحمة الله وبركاته
-لو سمحت اديني 100 كوباية بلاستك
- اتفضل ... 20 جنيه "مثلا برضه"
-عشرين جنيه ليه متساهم معانا ..اصل دول للجامع
- !!!!!!
=====================================
حوار ثالث
-السلام عليكم ورحمة الله وبركاته
-وعليكم السلام ورحمة الله وبركاته
- انا حعرض عليك عرض
-اتفضل
-انا حاخد منك حاجت للجامع ... وبكده ابقا انا اخذت ثواب اني انقلها للجامع .. وانت اخذت ثواب انك اتبرعت بيها للجامع
- !!!!
---------------------------------------------------------------------------
-السلام عليكم ورحمة الله وبركاته
-وعليكم السلام ورحمة الله وبركاته
- انا حعرض عليك عرض
-اتفضل
-انا حاخد منك حاجت للجامع ... وبكده ابقا انا اخذت ثواب اني انقلها للجامع .. وانت اخذت ثواب انك اتبرعت بيها للجامع
- !!!!
---------------------------------------------------------------------------
ايه رأيكم في ال 3 حوارات دي... نحاول نحط نفسنا مكان البياع اللي اكيد حيرفض انه يبيع الحاجه ببلاش
او بأقل من 1 على 10 من ثمنهاعلشان الجامع
وتلاقي لما البياع يرفض يطلع الراجل اللي عايز ياخد الحاجه "تبرع على قفا صاحب المحل " يطلع يقول
وتلاقي لما البياع يرفض يطلع الراجل اللي عايز ياخد الحاجه "تبرع على قفا صاحب المحل " يطلع يقول
انت راجل ظااااااالم وربنا مش حيباركلك
طب افرض الراجل ده طلع فعلا زكاة ماله وتصدق.. طب لو هو ادالك الحاجه من غير فلوس مش حييجي غيرك وغيرك ..
طب افرض الراجل ده طلع فعلا زكاة ماله وتصدق.. طب لو هو ادالك الحاجه من غير فلوس مش حييجي غيرك وغيرك ..
طب حيبيع منين؟؟؟ راس ماله حيبقا ايه؟؟؟
وبعدين هو معنى انها للجامع يبقا لازم تطلع من غير فلوس
ليه بنفرض على الناس انهم يتبرعوا او بمعنى اصح بنتبرع على قفاهم
اعتقد ان الحاجه وحتى لو كانت للجامع نقول للبائع لو تحب تساهم معانا في كذا...
او عايزين كذا بسعر كويس علشان كذ...
امش يخش ياخد المحل وييجي يمشي ويقول
اصل ده للجامع
مع احترامي
بيت الله يستحق الافضل ولو كان تكلفته الالاف مش شوية جنيهات قليله
واللا انتم ايه رأيكم
15 comments:
سلام الله عليك يا زحل
بص يا جميل انا قلت احجزالمقعد الاول و احط عليه شنطتي لحسان حد ياخده لغايه اما اجيب فشار و اجيي
اقصد اقرا البوست و اجي
ههههه
ثواني بقى اقراه
ممممممم فعلا عندك حق
فعلا انا بلاحظط الموضوع ده كتيير
طيب اقولك حاجه بجد غاظتني
عندنا واحده في المكتب
فيها عاده غريبه
والله اعلم لحسان اكون بظلمها
تيجي كل شويه مثلا و تقول يا جماعه معلش الجامع اللي جنبينا بيتبني و عايزين فلوس يكملوه ف اللي تقدر على حاجه تدفعها
و لازم كل واحد يدفع
يعني بترغم الواحد
و تيجي تسال كل حد يعني مش تقول قدام الكل و اللي عايز يدفع يدفع
بتكسف الواحد فعلا
و بعدين مش مره واحده ده كل شويه
لا وواحده غلبانه عايزة فلوس و كل شويه تلكيكه ..
********
هوه فعلا اللي عهايز يتبرع مش على قفا حد او مش غصب عن حد
اللي عايز يعمل حاجه يعملها وحديه
*********
طيب انا بقى اروح عند عمو منصور اللي جنبينا و اقوله يا عمو و النبي هات مش عارف ايه و لو سمحت ديسكاونت عشان خاطر الجامع
\هههههههههههه
كان قفل من زمان
تحياتي ليك يا زحل
****
بعدين يابني انت فين
مش قلتلك انت ليك عندي مفاجاه
لا جيت و شفتها
غلسه صح ؟؟؟؟
ههههه
يالله بقى انا لكيت كتيييييير
تحياتي ليك
.
زيزي-
هههههههههه
ده اسمه تبرع بالاكراه
وده مش صح فعلا
انا لما احب اني اعمل خير زي كده اشوف هل انا هقدر انياتكفل بالحكاية ولا لاء
لو لقيت نفسي قدر خلاص اقدم عليها واخد الثواب لو مش هقدر وشايف ان في حد تاني ممكن يقوم بيها يبقى اعرضها عليه
مجرد عرض
عشان ميبقاش احراج
لكن مش صح ابدا اني احرج حد عشان يتبرع
معلش دي قلة ذوق شوية بردو
وكلامك صح
كل سنة وانت طيب يا زوووووووحل
بالتاكيد دا سلوك مش صح
وهو عشان الجامع اخسر الناس
بجد موضوع مميز جدا جدا
لك الف تحيه
زيزي
وعليكم السلام ورحمة الله وبركاته
يارب يكون الفشار كويس علشان تقعدي بمزاج
الفكره ان مينفعش ناخد تبرع بالغصب
ندل على الخير اه
يعني نقول يا جماعة المسجد محتاج كذا واللي يقدر يجيب
او نقول فيه جامع بيتبني او فيه اسره فقيره واللي عايز يروح يتبرع
بالنسبة للمفاجأه شوفتها
:)
بس مدكن
الام وامال
عندك حق يا باشا
الدلاله على الخير
مش الاجبار بالشك العجيب ده !!
---------------------------
اسكندراني اوي
علشان الجامع نعغمل كتير لكن مناخدش من حد بالقوة
:)
تحياتي يا باشا وشكراً لمرورك
لا يا زحاليليو انا مختلف معاك
ساعات بيكون فيه تاجر شحيح أو ملا يخطرش في باله انه يتبرع فانت فتحت له باب ولو كان هو رافض يبقى ممكن يرفض
يعني مثلا
مثلا انا اعرف تاجر ادوات كهربية بيديك الحاجة بسعر التكلفة لو مساعدة فمرة كان فيه ناس بيجهزو عروسة تبرع راح مديهم حاجات ضعف المبلف لما عرف انها تبرع وجهزوا عروستين بنفس المبلغ إيه رأيك يا طيب
وبعدين خلي بالك الفصال بيكون أسهل يعني ممكن يكسب بس بالحنين مش يفتري أوي
مثلا لبس المدارس الراجل اداهولنا بزيادة وقال لو فيه مقاسات غلط رجعوه وبدلوها وكدة متهيأ لي ده بيسهل العمل الخيري وفي الآخر في ناس حيقولك اللي يعوزه بيتي يحرم على الخيري:)
وساعات بيكون مش انت المتبرع ده انت جاية لك الفلوس دي فمتهيأ لي تحافظ عليها أكثر بانك تحاول تقتصد فيها بحيث تحقق بيها نفع أكثر
خرجتني عن صمتي الله يسامحك
كل عام وانت بخير
سلام عليكم
شوف الى عايز يعمل خير هيعمله على طول من نفسه لكن ساعات بنحتاج نعمل دعاية عشان جامع بيتبنى او حد محتاج او حد مريض
وربنا اعلم بالنوايا
سلام
باشمهندس عصفور المدينة
اولا رمضان كريم :)
ثانياً انا متفق مع حضرتك في فكره الدلالة على الخير وانا بشجع الموضوع ده جدا
ومش معترض عليه نهائي
لكن اللي معترض عليه هو نقطة واحده
الاجبار
يعني زي مبقول في البوست
ييجي يطلب طلبات وحاجات ب 60 جنيه
وعايز يدفع 5 جنيه لمجرد ان الحاجه للمسجد من غير ميدل علي الخير
يعني بيفترض ان ده امر مسلم بيه ان طالما الحاجه دي للمسجد فلازم الراجل يعمل تخفيض بشكل كبير
لكن الدلالة على الخير ولو عايز الراجل يتبرع او يرفض فده انا متفق مع حضرتك انه صح وصح جدا كمان
ارجو ان تكون وجهة نظري وصلت حضرتك
البنت الشلبية
متفق مع حضرتك على ضرورة الدعاية علشان لو مفيش دعاية محدش حيعرف بأماكن الخير
لكن الدلالة غير اللي قصدي عليه في البوست
جزاكم الله خيرا
وتحياتى
الموضوع ده بقي كتير فعلا يا زحل
طبعا ممكن تحث علي التبرع بس ده بيكون مره واحده
قبل او لا
لان ماحدش يعرف فعلا الراجل ده ممكن يكون بيطلع صدقات في السر افضل عند الله ميه مره من الكام كوبايه دول
وبما انك فتحت الموضوع فافتح بقي موضوع الشحاته وغيره
يبقي الواحد منهم طول بعرض
ويشحت
ويرخم في الشحاته كمان
وبالذات في رمضان وقدام المساجد
موسم بقي
تحياتي يا صاحبي وبوست حلو
زحل..
مفيش حاجة بالاجبار.و بعدين يعنى أنا باقول ان اللى رايح يشتر بلح ده بيطلب من البياع يبيع أرخص أو من غير فلوس خالص عشان هوه ميتكلفش كتير مش عشان بيسعى انه يشجع البياع انه ياخد ثواب.الموضوع مجرد مصلحة للطرفين. الواحد من دول يشوف مصلحته فين و يعملها.ماهو لو كان اللى رايح يشترى ده مش عايز أكتر من الثواب كان اشتر أفخم كيلو بلح حتى لو كان ب 100 جنيه مثلا عشان هوه عايز ثواب ربنا مش عايز يوفر على قفا الراجل و اهو يبقى وفر و عمل ثواب.
غلط طبعا التصرف ده.
جميل جدا طريقة عرضك للموضوع
فعلا عندك حق لما نيجى نشترى حاجة للجامع نفضل نستهلك طاقة اللى قدمنا و اكننا بنحاول نقنعه ان شوية الحاجات اللى حيرخص تمنهم حيكونوا السبب فى دخوله الجنه
استغفر الله العظيم
انت عارف انك يا زحل رجعتني لايام الكليه والشقاوة والسنكحه
هفهمك ولو ان ربنا سترني ساعتها والمفروض ما اتكلمش .. بس انا واثق انك مش هتشرد وتسيحلي
زمان يجي من بتاع تقريبا كده يعني .. لما كنت في الكليه وتبقى الحاله ضاد جيم معايا ومش معايا ولا مليم اروح عامل مشوار الجامع
ايه المشوار ده بقى .. الف على شباب وبنات الكليه وانا معايا حتة دفتر زي بتوع الاتوبيسات .. دفتر كده بيتباع باربعه جنيه اصلا .. عباره عن ايصالات ثواب .. وماتسألنيش يعني ايه عشان انا نفسي مش فاهم ازاي الواحد ياخد ايصال بالثواب اللي هو عمله وهيوريه لمين يعني؟؟؟
المهم .. الف عالكليه واقولهم الجامع بتاع احد المناطق في احد الاحياء الفقيره محتاج مساهمات وياريت تساهمو معانا .. تصدق وتؤمن بالله .. لولا ان الموضوع ده حرام وفلوسه مافيهاش بركه .. كان زماني بقيت مليونير .. لأ .. ملياردير
مشكلتنا يا ابو زحل اننا ساعة ماتسمع كلمة جامع تقول لأ .. ازااي .. لازم ادفع
مع ان في ناس مش لاقي ربع جنيه عشان تجيب بيه عيش ياكلوه حاف
مع ان في ناس بتلبس طقم مدرسه واحد بس طول السنه ولو اتقطع القميص ولا البنطلون امه وابوه بيتخانقو معاه ويقعدوه من المدرسه ويشغلوه صبي في اي شغلانه عشان يجبلهم فلوس
اماكن الخير كتير .. وكتير جدا
بس اللي يدور واللي يفكر
والسلام ختام
Post a Comment