السلام عليكم ورحمة الله وبركاته
اولا يا جماعة بشكر كل اللي ساهم معانا في حملة الدعم لضحايا الاتوبيس
وربنا يسكنهم فسيح جناته
ويلهم اهلهم الصبر والسلوان
--------------------------------------
ندخل في موضوعنا الجديد
امبارح قرأت عند فوكيره
عيون خفيه
بتتكلم عن طفولتها
وانها يجب ان تتوارى
وتبدأ في الاختباء
حيث لا مكان للطفوله الان
لقيت عندي موضوع في دماغي متشابه
كتير من اصدقائي قالوهالي انت قرد
واللي يقولي ارحم نفسك
واللي يقولي اهدى واللي يقولي انت دينامو
طبعاً ممكن كتير منكم يفتكر اني بقول الكلام ده فخر مثلا
منكرش اني مبسوط من الكلام ده
الا اني برضه بعمل كل اللي بعمله ده علشان مش عايزها تتسجن
ايوه
الطفولة اللي جوا الواحد مش عايزها تتسجن
ابداً
لما امشي اكل مصاصة في الكلية
واللا امشي اتنطط في الشارع
واللا العب سوليتير
واللا اتفرج على كابتن ماجد واتفاعل معاه اوي
ولما اشوف مازنجر ابقا قاعد بتفرج ولو فيه صوت اسكته
واللا واللا واللا
اعتقد اوقات كتير ان طفولتي دي بدأت تموت
لكن
كل لما ابدأ اتعلم اكثر واجد فيه متعة معينة في تعلمي في الكلية في مجال بحبه وطبعاً ده مادة او 2 بس من المواد اللي علينا
الا اني وجدت نفسي بتكلم عن العلم بتاع الاتصالات ده بحماس عجيب
لقيتني بكلم ناس من مختلف الطبقات
وبحاول اديلهم امثلة عن العلم ده
ولدهشتي فهموني
ساعتها كنت جوايا بتنطط واسقف لنفسي
اه
زمان كانوا بيقولوا سقف لنفسك لما تعمل حاجه وتحس انها حلوة
لاحظت اني طفولتي مماتتش
ولا استخبت حتى
دي كبرت
ورعرعت
وزادت اوي
وخرجت للي حوليا
اجري هنا اروح هناك
اتكلم مع ده وده وده
مركزش في حته
انزل تحت المكتب
واقعد على الارض
مهي طفوله بقا
لكن
اللي حسيت بجد انه بدأ يتسجن
وده اكثر حاجه ضايقتني
هي افكاري
اتصدمت بكتير من الاحباطات
مع اني وانا بفكرها
وبحلمها
بحطلها كل انواع المعوقات
لدرجة عقلي مش متخيل انها ممكن تلاقي عقبه توقف افكاري
اللي هي مصمم انها حره
طب افكار زي ايه
افكار زي جامعة افضل
تقولي ازاي
اقولك مش محتاجة غير انك تفتح الباب لنشاط سليم بخطة كويسة واللي بعدك يمشي على الخط ويطور
مش لازم بالتفصيل علشان ممكن افكاري تكون متخصصة شوية
الا انها بدأت تتسجن
حلمت بتغيير جو الارض
اه
ازرع فكره في اللي حوليك انهم يزرعوا شجره
وبدأت
وبعدين
........
حلمت بدورات تدريبيه بأسعار كويسة لي ولكل اللي زيي علشان نخرج نبقا مفيدين لكل الناس ومفيدين لنفسنا في الاول ونكون علينا القيمة
وبالفعل اتفقنا مع المهندسين على كورسات بأسعار رمزية في معامل الكلية والعميد وافق
وبعدين
..........
حلمت بنادي علوم مع اصحابي في كليتنا وفي كل مكان
والموافقات اشتغلنا فيها وبعدين
اصل الشعار مش حلو
امبارح قرأت عند فوكيره
عيون خفيه
بتتكلم عن طفولتها
وانها يجب ان تتوارى
وتبدأ في الاختباء
حيث لا مكان للطفوله الان
لقيت عندي موضوع في دماغي متشابه
كتير من اصدقائي قالوهالي انت قرد
واللي يقولي ارحم نفسك
واللي يقولي اهدى واللي يقولي انت دينامو
طبعاً ممكن كتير منكم يفتكر اني بقول الكلام ده فخر مثلا
منكرش اني مبسوط من الكلام ده
الا اني برضه بعمل كل اللي بعمله ده علشان مش عايزها تتسجن
ايوه
الطفولة اللي جوا الواحد مش عايزها تتسجن
ابداً
لما امشي اكل مصاصة في الكلية
واللا امشي اتنطط في الشارع
واللا العب سوليتير
واللا اتفرج على كابتن ماجد واتفاعل معاه اوي
ولما اشوف مازنجر ابقا قاعد بتفرج ولو فيه صوت اسكته
واللا واللا واللا
اعتقد اوقات كتير ان طفولتي دي بدأت تموت
لكن
كل لما ابدأ اتعلم اكثر واجد فيه متعة معينة في تعلمي في الكلية في مجال بحبه وطبعاً ده مادة او 2 بس من المواد اللي علينا
الا اني وجدت نفسي بتكلم عن العلم بتاع الاتصالات ده بحماس عجيب
لقيتني بكلم ناس من مختلف الطبقات
وبحاول اديلهم امثلة عن العلم ده
ولدهشتي فهموني
ساعتها كنت جوايا بتنطط واسقف لنفسي
اه
زمان كانوا بيقولوا سقف لنفسك لما تعمل حاجه وتحس انها حلوة
لاحظت اني طفولتي مماتتش
ولا استخبت حتى
دي كبرت
ورعرعت
وزادت اوي
وخرجت للي حوليا
اجري هنا اروح هناك
اتكلم مع ده وده وده
مركزش في حته
انزل تحت المكتب
واقعد على الارض
مهي طفوله بقا
لكن
اللي حسيت بجد انه بدأ يتسجن
وده اكثر حاجه ضايقتني
هي افكاري
اتصدمت بكتير من الاحباطات
مع اني وانا بفكرها
وبحلمها
بحطلها كل انواع المعوقات
لدرجة عقلي مش متخيل انها ممكن تلاقي عقبه توقف افكاري
اللي هي مصمم انها حره
طب افكار زي ايه
افكار زي جامعة افضل
تقولي ازاي
اقولك مش محتاجة غير انك تفتح الباب لنشاط سليم بخطة كويسة واللي بعدك يمشي على الخط ويطور
مش لازم بالتفصيل علشان ممكن افكاري تكون متخصصة شوية
الا انها بدأت تتسجن
حلمت بتغيير جو الارض
اه
ازرع فكره في اللي حوليك انهم يزرعوا شجره
وبدأت
وبعدين
........
حلمت بدورات تدريبيه بأسعار كويسة لي ولكل اللي زيي علشان نخرج نبقا مفيدين لكل الناس ومفيدين لنفسنا في الاول ونكون علينا القيمة
وبالفعل اتفقنا مع المهندسين على كورسات بأسعار رمزية في معامل الكلية والعميد وافق
وبعدين
..........
حلمت بنادي علوم مع اصحابي في كليتنا وفي كل مكان
والموافقات اشتغلنا فيها وبعدين
اصل الشعار مش حلو
وبعدين
.........
حلمت اني بمد ايدي لغيري علشان اساعده
وامد ايدي لنفسي انا كمان
وبعدين
..............
حلمت بفن هادف ومسرحيات كويسة وبدأنا وعملنا 4 مسرحيات اقوى من بعض
اولها انت حر وبعدين قصاقيس بورسعيدية وبعدين أغنية على الممر
وسواقي الدم
وبعدين
انشغلت عن المسرح بسبب الكلية وتطلع مسرحية دون المستوى ومعالجة مش ظريفة اطلاقا من وجهة نظري
وبعدين
..........
حلمت بإختلاف وبعد عن التعصب على الاقل بيني وبين نفسي لكن لقيت
زي مكل واحد وجد
تعصبة هو نفسه قوي منه
طب وبعدين
............
حفضل اتكلم كتير وعندي شيت محليتوش
طب وبعدين
.........
حلمت اني بمد ايدي لغيري علشان اساعده
وامد ايدي لنفسي انا كمان
وبعدين
..............
حلمت بفن هادف ومسرحيات كويسة وبدأنا وعملنا 4 مسرحيات اقوى من بعض
اولها انت حر وبعدين قصاقيس بورسعيدية وبعدين أغنية على الممر
وسواقي الدم
وبعدين
انشغلت عن المسرح بسبب الكلية وتطلع مسرحية دون المستوى ومعالجة مش ظريفة اطلاقا من وجهة نظري
وبعدين
..........
حلمت بإختلاف وبعد عن التعصب على الاقل بيني وبين نفسي لكن لقيت
زي مكل واحد وجد
تعصبة هو نفسه قوي منه
طب وبعدين
............
حفضل اتكلم كتير وعندي شيت محليتوش
طب وبعدين
19 comments:
بجد إنت جميل يا محمد .. و الطفولة بجد مافيش أحلى منها .. هي النكهة في يومنا ..
عايزة أقولك إن الأطفال عندهم نسبة العند عااالية جداً .. و عليه .. احلم أوي .. و اتمنى أوي .. و عاند على حلمك لغاية ما تعمله .. أو حط له أول سلمة و ده كفاية حتى لو كان قليل و يبقى حسناااات كل الدرجات بعد كده عليك .. لأنك الأول ..
دووووس يا محمد .. و خليك كده ..
سعات لما ببقى لوحدى ممكن ارجع طفولتى دى
بس قدام صحابى
وكل الناس ببقى آيه العاقله
ولما ابقى مع اطفال العيله برجع طفله زيهم واغنى اغانيهم
لدرجه انى حاولت ارجع
وبدات انزل اغانى بتفكرنى بالطفوله
بس برضه مقدرش اغانيها مع صحابى
ايه حليت الشيت ولا لسه؟؟
mafish a7la mn el tefola w mafish as3ab mn segnaha!
سلام عليك يا زحل الفلكي
مظنش ان فيه حد كلمته قبل كده و قال انه مش جواه الطفل ده
تعرف اني بحس اننا اصلا لسه اطفال
يمكن الناس حوالينا بتضحك علينا و تفضل تقول "انتوا كبار "و تسكت صوت الاطفال جوانا ...يمكن يكونوا بيهدوا الصوت بس هو موجود...و في اي فرصة بيعلي و يسمع جوانا كل رغبة في الرجوع لارض طفولتنا جوانا
بس برده الواقع بيفرض علينا مسؤولية بتخلينا نسيب احلام ونشتغل في حاجات احنا ممكن نكون رافضينها اغلب الوقت بس للاسف واقع و شغل لابد منه
بس برده لازم نحاول نوفق بين طفولتنا جوانا و بين عالمناالحالي
اخر حاجة
علي فكرة انا من عشاق مازنجر جدا وفاتن وابي الغضب و الناس دي اوي
كمان...
المرة الجاية لما تجيب مصاصة اعمل حسابي معاك لان مصصاتي خلصت
:)
سلام
مها
روزاليا
ممكن في موضوع العند ده هي دي الحاجه الوحيده اللي اختفت من طفولتي
معنتش عنيد
بالنسبة للأحلام اديني بحلم
كل لما حلم ينتهي بوبعدين
اشوفلي حلم جديد
شكراً على ردك
يويا
محليتش الشيت كان صعب ومحدش في اصحابي كمان حله
:))
وبعدين عيشي طفولتك
علشان انتي بنت فلازم تستخبى شوية
بس طالما بتطلع مع الاطفال
يبقا عيشيها
اوي
بطوط
عندك حق والله
بس زي مقولت انا مش بسجن طفولتي
اطلاقا
وده الغريب
ان افكاري هي اللي بدأت تتسجن
والمفروض العكس
مها
عندك حق
ساعات فيه حاجات كتير بتجبرنا اننا نخفي طفولتنا دي
ولكن تفتكري لو اشتغلنا وطفولتنا دي معانا
مش حيكون احسن
بالنسبة للمصاصة
انتي تأمري
10 مصاصات كمان مش واحده بس
طول عمرك عيل يا نوفا
ههههههه
بهزر نقول الجد بقى
اجمل حاجة بتميزك الطفولة اللى فيك
و على فكرة انت عارف انى مع اصحابى عندى الطفولة دى
و بتظهر اوى مع الاطفال الصغيرين اوى فى العيلة
بعيش حياتهم معاهم
بس انا فى الشارع ببقى مش طفل خالص
قناعات غريب بقى
بس خليك الطفل اللى نعرفه و اوعى تكبر
علشان احساسك و خيالك ميمتوش
و سلام :)
هي ماسورة طفولة وطفحت في مدونين بورسعيد اصلا
بس اوعاك تسجنها بجد
خليك كدة زي مانت واضرب بكلام الناس عرض الحائط
اوعي تكبر او تخلي الطفل اللي جواك يكبر ويشيخ او تفكر في لحظة انك تقتله
محمد الناس حبتك كدا
حبتك وانت طفل وانت عاقل وانت بتحلم وانت مبتيأسشي فخليك كدا
ودوووووووووووووووووووووووووووووووس بالجامد
بس ليه بقا احنا بنخص الصفات دي وهيا البراءه والحب واللعب ومص المصاصه
بالطفوله
هوا يعني سن الشباب مينفعش نبقي نحب فيه او بريئين فيه او نلعب ونجري ونتنطط فيه
احنا اللي بنقنع نفسنا بكدا
كل سن وليه حلاوته ولازم نعيشه
بس كدا
بحري
عندك حق لازم متموتش الطفولة دي
واللي انا مستغربلة
ان طفولتي دي مماتتش ولا حتى استخبت
ولكن افكاري هي اللي بدأت تتسجن فاهم قصدي ؟
-------------------
سمراء النيل
اه مهو تقريباً الجو في بورسعيد بيكون فيه نسيم الطفولة مثلا
او عدوى انتشرت هنا
بس المهم انها عدوى جميله
:)
اه لازم مسيبش طفولتي دي تكبر
على الاقل ميجيش عيل صغير يضحك عليا ويشتغلني وهو في ايده ورق لعبة يوجي ويقولي دي كوتشينه
يبقا موقفي ايه ادامه بقا
:)):))
كورتي البعبع
اه طبعاً ينفع نعيش شبابنا
بس الفكره ان الوقت بتاعنا في فتره الشباب دي بيكون مضغوط بكمية كبيره من المشاغل
علشان كده بيبدأ ينسى الطفولة
مع احترامي طبعاً لطلبة كل الكليات وكل الشباب لكني لاحظت خصوصاً في كلامي مع البنات اني كل لما اجيب سيره الكارتون
يتعاملوا كأنه بتاع الاطفال بس
بضحك عليهم جوايا
واقولهم خليكوا في الافلام العربي والاجنبي اللي حتهبلكم
مش كده واللا ايه
وحدوووووووووووووس ان شاء الله
يا بنى انت بنى ادم جمييل بجد
وانسان طيب اوى
وطفل عسسسسسسسسسل
وشقى
زيـــى تماااااام
:)
zordeak
ياعم انت اللي جميل
وطفل شقي
زيي تمام
:):):):)
عيش زي ماتحب
محمد
انت عارف انا بحبكو اد ايه انت وجوسى
عفويتكو وصراحتكو والبراءه اللى فيكو مش موجوده كتير دلوقت
وعشان كدا حبيتكو او ى
بحب اوى احساسكو بانى اختكو بجد
وخايفين عليا بجد
عشان خاطرى خليك كدا
بحب عندك
ضحكك
شقاوتك
جريك
تسقيفك
تنطيطك
حديثك
نصايحك
ولا طلباتى اللى مجرد ما افكر بتحققوهالى
ههههه
ربنا يخليكو ليا زى ماانتو كدا
شكرا ليك
يا اخويا اللى بجد
:)
اه وبعدين
روح حل الشيت يابنى هههههه
حاجات كتير اوى عجبانى فى الشيت ده ااقصد البوست ده
شغال يا باشا البوست
حسام مراد
شغال
سلاماااااااااااااااااااااااااات
كراكيب عادل
اعيش زي مأحب
ونفسي برضه احب ما اعيشة
----------------------
رودي
ياختي ربنا يخليكي لينا كده ومتتردديش لو احتاجتي حاجه ها
ومرسي على الكلام الجميل ده
انا مش بقول مرسي يعني بس اهو علشان بس احتراماً للفرنساوي
:):):):):):):)
------------------------
حسام مراد
منور المدونة والله
يا ولكم يا ولكم
والحمد لله ان التدوينة عجبتك
والشيت
تصدق ان المعيده قررت متاخدوش
والحمد لله مكنتش حليته
:):):)
Post a Comment