انا حخش في لموضوع على طول
مكنتش متخيل اني ممكن اكتب عن مطرب او ممثل في مدونتي او حتى في حياتي
بس جه الوقت اللي لازم اقول على حاجات بتدور في دماغي
مع اني عارف انه كتير تمثيل بس انا ميهمنيش غير اللي بيوصلني وبس
ميهمنيش احمد السقا بدأ ازاي او عمل ايه او ناوي يعمل ايه او ليه
لكن لازم اقول ان الراجل ده في نظري وصل لمرحلة اللي وصلها عندي قبله
احمد مظهر وصلاح ذو الفقار
ومحدش يقولي اشمعنى
علشان انا حقول دلوقتي
طول عمري متربي على افكار وافلام معينه
زي صلاح الدين ورأفت الهجان ودموع في عيون وقحة بتاع جمعة الشوان والحفار والطريق الى ايلات
الى اخره
متربي على الافكار دي افكار النضال والحروب ولو حتى في السلم
افكار ان فيه عدو حيفضل عدو على طول وان فيه فكره لما الواحد يقتنع بيها يبقا مستعد يضحي بعمره علشانها والمهم ان الفكره تكون صح والكل يبصم بالعشرة علي انها صح
احمد مظهر قطز وصلاح الدين الايوبي
واحمد السقا مش حبالغ لو قولت اني حطيته في نفس المركز بالنسبة لأفكاري الشخصية هو بيعمل شخصيات بتعلق معايا وتديني نفس التأكيد على نفس الفكره اللي انا بقول عليها
وصلاح ذو الفقار في عيسي العوام وتعرفوا حتى في رأفت الهجان لما كان في المخابرات اينعم مظهرش كتير بس ليه كاريزما معينه
ال3 دول من اكثر الشخصيات اللي بحبهم على مستوى التمثيل واختيار الادوار وانا متأكد ان السقا مش حيقرأ الكلام ده
بس برضه حقوله
يا ابو حميد لما اشوفك ان شاء الله بعد محقق الكام حلم اللي عايز احققهم
ولما اقابلك في لقاء حتعمد اني احضره علشان اقولك الكلام ده
انت فنان بتنقي ادوارك صح وانت اثرت في شخصيتي عن طريق شخصياتك اللي في افلامك وكل مأحلامي كانت بتبعد كنت بشوف اني حلمي حيتحقق كل متفرج على شخية من شخصياتك الناجحة الصح اللي بتعملهم
بالرغم ان شخصياتك دي بعيده كل البعد عن مجالي اللي انا عايزه بس يكفي اني باخد دفعة معينة هي اللي انا عايزها لما كنت بتفرج على افلامك دي
----------------------------
يمكن الحالة اللي انا فيها دي حالة مؤقته نتيجة تأثر بفيلم او مشهد او اي حاجه
بس انا شايف ان الحالة دي حالة صح وشايف اني عملت شوية حاجات نتيجة للحالة دي اعتقد انها صح
وكلام في ودن كل اللي حيقرأ التدوينة دي
الكلام اللي فوق ده انا كاتبه علشاني
علشان لما اشوفه بعدين افتكر احساسي
علشان يمكن انت ياللي بتقرأ مدونتي متفهموش او متحسوش
بس هي نصيحة
دور في كل حاجه حوليك على اللي يديك دفعة للأمام أي كانت
من اي حاجه حوليك شوف فيها اللي يزقك لأدام
دفعة كبيره للامام
بس خد بالك اوعى يكون شلوت
!!!!!
5 comments:
ههههههه
كويس اوي انك نبهت على حاكية الشلاليت دي لحسن كترت فعلا ف بلدنا
عجباني حالة الحماس اللي ف الموضوع دي اوي يا محمد وعجبني اكتر ايمانك بتحقيق حلمك وانك بتتكلم بصيغة المتأكد ان حلمه هيتحقق
دي حاجة جميلة جداا وربنا يوفقك
والله ووصلني شعورك
إلى الأمام دايما
ومن غير شلاليت ان شاء الله
:))
عزيزى ادعوك للاشتراك فى جروب مدونى بورسعيد على الفسيبوك
http://www.facebook.com/group.php?gid=16270740901&ref=s
وارجو منك التواصل ونشر الفكرة بين من تعرفهم من مدونين بورسعيدين
تحياتى
معك حق يا محمد السقا ساعات بيكون ليه ادوار حلوة خصوصا لما يمثل بجد زى كده فى فيلم تيتو ويتخنى عن دور الجانيعنى الممثل علشان ينجح لازم يتعدد فى ادواره مثلا عادل امام لما كان بيغير فى ادواره كان ناجح جدا بس لما بدا يحط نفسه فى برج عالى بعد اوى عن الناس
اتمنى ليك تحقق كل احلامك يا رب واحمد السقا هو اللى يبقى عايز يقبلك مش انت
تحياتى
أيها الممثل القدير و الأنسان المحترم أنا عندي عليك فكرة بأنك صاحب صديقك و أنك شهم و لك عديد المواقف الجميلةو لهذا لي رجاء منك و من جميع الزملاء بأن تساعد صديقكم السيد خالد الصاوي و أن تقفوا معه في محنته حتى يكون في صحة جيدة في هذا العيد مع أبنائه يارب و بإذن الله،و كما أتمنى بأن يكون له نصيب في العلاج السريع و مساعدة كذلك من طرف وزارة الصحة التي طلما ساعدات الكثير وشكرا لك يا أحمد و رمضان كريم لكل أفرد العائلة و أتمنى لكم الصحة الجيدة يارب و الله لايضيع أجر المحسنين
ياااااااالهوى !!!! ابراهيم الابيض!!! تيمور !!!!!
انت فنان بتنقي ادوارك صح وانت اثرت في شخصيتي عن طريق شخصياتك اللي في افلامك
:D :D :D
ana keda hmt el foola :D
Post a Comment