ميت مسا ع الناس الكويسة
اشطة عليكو واحلا سلام على الجدعانين
اشطة
نبدأ بالصلاة على النبي
خير اللهم اجعله خير
انا كنت النهارده صاحي الساعة 8 ونص الصبح
نازل من بيتنا بردان سقعان في جو البرد الجميل ده
روحت الكلية وبقدرة قادر سافرت اسماعيلية وجيت
نزلت بلليل روحت دورة
وانا راجع
مش شايف ادامي
روحت ع المعدية قولت انزل بورفؤاد عشان اروح بيتنا يا جدع
الله مش برضه ارتاح واللا ايه برضك
المهم
طالع المعدية لقيتها بترفع الباب
روحت واخد بعضي وهوب جريت ونطيت نطة سوبر نتندو وسوبر مان وسوبر لوكس
و
خلاص ياعم لخص
يوووووووه طيب
طلعت المعدية ببص ياخوانا لقيتها زحمة
قولت اطلع اداااام يمكن الاقي حته فاضية
المهم
طلعت
لقيت ايه خير اللهم اجعله خير
باب المعدية الناس واقفة عليه
ودي عادة بقا بطلناها من زمن ولازم ماما سامية شرابي وماما نجوى وكل المهمهات اللي في الدنيا ينبهوا عليها علشان
العيال الصغيرين ميقفوش على باب المعدية لحسن العو يجيلهم بلليل
المهم
لقيت ايه بقا
حته بت اجنبية كده قاعده على باب المعدية تقولش قاعده على البحر
ولابسة شورت في عز البرد
وباب المعدية ده للي ميعرفش هو ارض المعدية برضه يعني مش بنقعد عليه يعني
المهم
لقيت جنبها واد كده برضه
طبعاً اجنبي مش شايفني بتكلم انجليزي واللا ايه
والواد واقف عمال يشخشخ بتاعة في ايده كده ويبص عليها تقولش بيلعب البخت
طبعاً انا متابع علشان لو حد احتاجني في اي مهارات لغوياتية اروح واعمل الواجب
منت عارفني احب ابعبر يعني
القصد
شويتين ولقيت البت بتقف
ايووون
بتقف
والشباب ابو العربيز
ابو العربيز دي جمع ابو العربي ياعم مش شايف لازم نزود از جمع
لقيت ابو العربيز بيبصوا واييييه يا معلم تقولش اول مره يشوفوا حد حران في البرد
شوية
ولقيت البت بتقرب من الواد
قولت عادي اخوها
شوية ولقيتها بتحضنه
بتقرب
والواد بيحضن
والشباب ابو العربيز كله رفع الانتنه
وصاحبكم باصص ومراقب
شوية والواد اتجرأ وافتكر نفسه جاك والبت افتكرت نفسها روز في فيلم تيتانك
على اساس ان المعدية تيتانك يعني
منتوا عارفينها
تيتانك 3 دي
ايووووووووون
لقيت الواد قرب وبيبوووووس
والشباب كل واحد فتح بقة على الاخر ومتنحين
واصلا الباب زي مأنتم عارفين طالع لفوق بقا والدنيا ايه في الطراوة وخلي الشعب يعيش
انا مصدقتش
قولت لأ بقاااااا
سألت اللي جنبي
ايوه اللي ملطوع ومتنح جنبي ده وقولتله
ايه ده هو بيبوس واللا ايه
رد عليا
بضحكة كلها ذكاااااء
هع هع هع اااااه
الدم غلي في عروق صاحبكم بالرغم من ان البرد كان مغطي المكان
وروحت طايح فيهم
انت ياااااض
يوه قصدي
اكسكيوز مي
لقيت الواد راح لاففلي وبرضه لسه حاضن البت
فضلت اقلب في حتتين الانجليزي
وفضلت اقول
اور تراديشنل
اور ترادشنل
تقولش كلنا بقا مليانين ترادشنال
القصد لقيت الجمله مش راضية تكمل
روحت قايلة ذات نوت اللاود هير ان بابلك بلاسيس
THAT NOT ALLOWED HERE IN PUPLIC PLACES
لقيت الواد تنفض وبعد البت
والاثنين في نفس واحد ياض
في نفس واحد
سوري
قولت ايه
مش عارف
بس عملت حركة هبله معناها ان ماشي محصلش حاجه
ورجعت
العيال تبصلي
وانا وشي احممممر
لا مش كزوف
اكيد فوران دم
واللا اقولكم كزوف
منا اصلي بتعلم انجليزي بقالي اكثر من 15 سنه علشان اجي اغلط في الموقف المنيل ده
القصد
فضلت محرج
والعيال ابو العربيز
اللي قولتلكم عليهم من الاول
عمالين يبصوا عليهم
وهات يا ضحك
المهم
والقصد
زي مقال عادل امام في الواد سيد الشغال
انت راجل محترم ازاي تسيب بنتك تتباس في بيتك
وأشطة عليكو
22 comments:
هههههههههههههههه
اولا اسلوب حكايتك حلو اوى وضحكنى جدااااااااااااااااااا
هههههههههههههه
مرسى ابن الزناتى اتضرب يا مينز
هههههههههههه
اكيد طبعا الموقف كان يكسف
بس الحاجة الحوة فى الموضوع انك موقفتش سلبى لا بالعكس انت اتصرفت بايجابية
بس انا لو منك يا محمد
كنت سبتهم فى حالهم
اولا سيب ابو العربييز يتفرجو
:p
ثانيا ان دى عاداتهم هما واحنا المفروض منقللش من حريتهم لان كل واحد حر فى معتقداته
خنقت عليهم يا محمد
:D
هههههههههههههههههه
لأ تحفه بجد
الحاجت دي حصلت بجد يامحمد؟
معلش بقي هم مايعرفوش عادات البلد
بس اكيد كل ابو العربيز اللي كانو واقفين مكانوش طايقينك يعني عاشن بوظت عليهم الفيلم
حيا الله إيجابيتك يا محمد
حفظك الله وعلمك اللغة
:)
وأسلوبك رائع يابوالعربي
وجزا الله شرا من فتح الباب لمثل هذا الشر وحسبنا الله ونعم الوكيل
تدوينتي المختارة اليوم تيتانك في بورسعيد
ههههه حلو أوي ده .. طول عمرك مجدع يا نوفل .. ربنا يكرمك .. انا اتحرق دمي و إنت بتقول .. أيش حال إنت إللي كنت في كلب الحدث ؟؟ بجد ربنا يباركلك ..
أولا ليك وحشة كبيرة يا محمد
ثانيا أنا بقولك جزاك الله خيرا علي موقفك الممتاز اللي انت عملته ده . والله أنت فعلت أبسط الامور اللي كل مسلم غيرو يعملها
تخيل بقي كنت انا معاك أو انا اللي كنت قولتلهم كده (:
المهم طمني عليك
ياعم زحل يا فلكي
موقف إيجابى فعلاً تحمد عليه..وأنا واحد من الناس - مش كريم عبد العزيز - نفسي اعمل زيك لو أتعرضت لموقف مماثل بس ياخسارة معنداش معدية فى الأسكندرية بس البوست ده دلني على الحل ..انا اسافر الأسماعلية واركب المعدية واعمل زيك
بس سؤال بريء جداً جداً :انت ليك حد قريبك شغال فى الرقابة السينمائية؟؟
مساؤه إيجابية
السلام عليكم ورحمة الله وبركاته
هههههههههه
والله بطل يا محمد ، بس تلاقيك ماخلصتش من الناس اللي كانوا واقفين جمبك ونفسهم ومني عينهم يشوفوا كل حاجه علي الهواء المباشر
ازاي تسيب بنتك تتباس في بيتك
فاهمك قوي
:( اللي يزعل ان فعلا بنتنا بتتباس في بيتنا
السائحات مش بناتنا
بس بجد تصرف جامد يا صاحبي
:)متخيل نظره ابو العربيز:
ياعم سيب الواااد يبوووس
البوست كله يموت من الضحك يا باشا
ايوه كده
رجاله وطول عمر ولادك يا بلدنا رجاله:)
سلام يا صاحبي وشد حيلك بكره
السلام عليكم ورحمة الله وبركاته
..........................
نيهههههههه
بوظت السياحة يا محمد
هههههههههه
بس رد فعل جامد يا باشا هى دى اخلاق البورسعدية الجدعان
الى يجيى يتفسح عندنا يتفسح بأدبه
بس مش ممكن كان بيبوس الواوا وانت مخدتش بالك !!!على رأى (سيدة الواوا العربى ) هيفاء وهبى !
تحياتى يا باشا بوست جامد
وسلملى على ابو العربييز
اولا حرد بالطريقة بتاعت ابو العربي اللي الناس كلها فاكرينا بنتكلم بيها علشان يكمل الجو العام بتاع الموضوع اساسا
:D
----------------
ابو حمييييد
اشطه يا ابه
قشطه عليك الحمد لله ان التدوينة عجبتك
ايون مرسي ابن الريس الزناتي انضرب يا ابو العربيز
موقف ايه يا خويا ده اني كان نفسي الارض تنشأ وتبلعني
الحمد لله منقفش سلبيين ابداً
عيب يا جدع الواحد لازم يشد حيله برضه وميبقاش واقف والواد بيظبط ميصحش كده واللا ايه
لااا اني مسيبهمش خالص
اصل الموضوع دوت حصل معايا قبل كده كنت في الهرم
ايون بتاع الفراعنة دوت
ولقيت ناس بتبوس والعساكر واقفين وكنت مفروس وعايز اروح اقولهم متبوسوش في مصر بوسو في حته تانيه
عيب يا ابه واللا ايه
:D
وسلملي على ابو العربيز اللي رفعوا الانتنه بما اني عندي امتحان بكره
وعاداتهم يا ابو حميد يعملوها عندهم
طالما هم اصلا مش بيحترموا اي حاجه بنعملها عندهم وعايزين الحريم يقلعوا الحجاب يا جدع
مش كده واللا ايه
وبعدين ناس ايه دول اللي لابسينلي شورت بلليل
وانا لابس كل اللي في الدولاب
الحته الجينس
والسويت شيرت المخطط
وعليه اتقل جاكيت عندي
ياجدع بلاش كلام فارغ
:D:D:D:D:D:D
------------------------------
اسراااء
الحمد لله شكل التدوينة كده والله اعلم عجبتك
حاجه جميلة والله
اه والله ومليكي عليا يمين
لقيت ايه الامور كانت بتطور
ده انا مختصر شوية تفاصيل علشان منشعللش المشاركه اكثر من كده هو
:D
طب تصدقي بالله
قولي لا اله الا الله
ابو العربيز كان شكلهم مبسوطين علشان اللي اتعمل
وواد بيقول للتاني ده احنا عندنا امتحان بكره ياعم مش ليلة الامتحان يعني
:D
------------------------------
باشمهندس عصفور المدينة
منورني والله
اه يا رب تقبل ربنا يسمع منك اصلي عايز اتكلم انجليزي وفرنساوي زي زمان
اي والله كنت لبلب فرنساوي
بس راحت علينا بقا
جي سوي مالاد
الله يخليك يا باشمهندس
وحغير دعوتك وقول الله يهدي اللي كان سبب في فتح هذا الباب
وسعيد ان تدوينتي كانت من ضمن تدوينات حضرتك المختارة
شرف اسعد به جدا
بجد
تحياتي
روزاليان
اي خدعة
والله الواحد اصلا قال ايه اللي بيحصل دوت
ولا تحرقي دمك على ناس باردين
ومش حاسين بالسقعة حتي
والواحد متكتك
انا كنت في كلب الحدث امال ايه
لازم نكون في كلب الحدث
وفيها لخفيها
:D:D:D:D
---------------------------
المهاجر
وحشتني جدا والله
يا اخي لو اعرف ان تدوينة زي دي تخليك تنورني بالزياره كنت كتبتها من زمااااان
اتفضل شاي
مش عزومة مراكبية والله
:D
اها متخيل انك لو كنت مكاني
هههههههههههههه
الحمد لله كنت ححاول برضك اني اروح واقول لحسن تحصل حاجات ومحتاجات
:D
الحمد لله في خير حال وعندي امتحان بكره صعب بشكل بشع قولت اقوم اخد ريست 5 كده وارجع تاني للطحن
دعواتك يا ابو حميد
محمد عبد القوي
الله يخليك يا باشا
شد حيلك بس
وتعالا بورسعيد
اصل الاسماعيلية متلاقيش فيها اجانب في المعدية اصل
انا عارف معدية اسماعيليه
ومنورنا يا كيم عبد العزيز في واحد من الناس
منا اصلي كنت واحد من الناس برضك
بس كنت واد محتاس
:D
وعمال اقول اور ترادشنال
:D:D:D:D
سؤال برئ
واجابه ابرأ
لا والله معرف حد في السيما
تعرفلي حد يوديني
:D:D
اصلي عايز اخش الفيلم من غير فلوس يا جدع برضك
:D
-------------------------
خمسة فضفضة
دكتورة
ازييييك
والله وحاجه غريبة اني حسيت ان العيال اللي واقفين اتبسطوا من الموقف
مش عارف بس حسيت كده
وزي مقولت من شوية في رد فات
ان منهم ناس قالت ايه يا جدع ده احنا عندنا امتحان بكره مش طالبة ليلة الامتحان كمان
:D
تحياتي ومنورة والله
-----------------------------
حصان بري
اشطه عليك
اه انت متوقع انهم بيقولوا سيب الواد يبوس
بس ده علشان معندكش معرفة بالشباب ابو العربيز
الشباب ابو العربيز بيتضايق انه يتفرج بس
وعلشان كده
كان شكلهم مبسوط لما حصل كده
وفضلوا يبصوا للاجانب وهات يا ضحك
:D
اشطه
بيتباسوا اه
ومصريين شوفتهم بيبوسوا اجاب في الاسكندرية والبت مستسلمه وحتة بياع سلم عليها وباسها
بس في بورسعيد لا ممكن ابداً
:D
----------------------
يوسف باشا
ايون انت جيبت المفيد
اللي يييجي يتفسح
يتفسح بأدبه
بهدومة
من غير شمبانيته
من غير شاطئ العريانين بتاعه
من غير بيكينه
من غير قلة ادبه
من غير منعمله مزارع خنازيره
من غير منبيعله خمرته
من غير منفتحله بلدنا على البحري ونقفل في وش الناس شوارع علشان خاطره
كده ييجي ونقوله
البيت بيتنا قبل ميكون بيتك
:D:D:D:D
تحياتي يا يوسف باشا
طبعا البوست عجبني ياباشا
(:
طبعا يابني كانو مبسوطين
مش بيتفرجو علي الفيلم مباشر
هيحلموا بايه أكتر من كده
المدونه بسم الله ماشاء الله تحفه ورائعه والبوست رائع وعجبنى موقفك اوى وللاسف انا شفت امبارح فى الجامعه اتنين مصريين اخر روقان بيبوسوا بعض اينعم كانوا قاعدين ورا شجره بس الجامعه كلها شيفاهم انا كان نفسي افجرهم بس سكت لان هما مصريين والمفروض ان هما عارفين تقاليد بلادنا وابسط حاجه كانوا هايقلوها مالكيش دعوه خليكى ف حالك
وربنا يستر علينا
ربنا يوفقك في الامتحان وكل الامتحانات الجايه وتجيب امتياز زي ما بتتمنى
معلش طولت عليك
تحياتى
يا اخى ربنا بيبعتلك مواقف جباره يا اخى
؛)
دا انت مرزق
هههههههههههههههه
انت شكله بجد يا محمد فعلا
اللى هوا اكيد احساس الناس اللى كانوا فى المعديه "ابو العربيز" انه انت قفلت التليفزيون
اللى هوا ضيعت الارسال بقى
هههههههههههههههههههه
جزاك الله خيرا واله بجد
ربنا يكرمك
ربنا معاك و يوفقك لما فيه الخير ليك
:)
؛)
والله راجل وستين راجل كمان
يبنى انا مبسوووووط من اللى انت عملته
بجد المفروض نعرف السياح مهما كانوا لازم يحترموا تقاليدنا
وكمان اسلوبك تحفه
ضحكتنى كتيييييييير
هههههههه
لاحول ولا قوة الا بالله
كل سنه و انت طيب
زيزي
كل سنة و انتم طيبين و عيد اضحى مبارك و ان شاء الله ننال جميعا شرف الوقوف على عرفات
=============
ازيك يا بشمهندس عامل ايه فالمذاكرة
ربنا يوفقك
كل سنة وانت طيب يامحمد
ويارب يكون سعيد عليك
(:
اسراء
تخيلي انهم مكانوش مبسوطين
فاقوا
حتى واحد بيقول للتاني ياعم احنا عندنا امتحان بكره
:D
-------------------------
tota_fm
تعرفي انا بشوف ده بس المصري عارف ان ده غلط
وعلشان كده يمكن مش بكلمه
لكن الاجنبي بيعمل كتير في البلد وبيبرطع وبنبصله واحنا متضايقين
يمشي من غير هدوم
يشرب خمرا
يبرطع في بلدنا واحنا سايبينه
يشرف
بس يتفسح بأدبه
وربنا يعينك انتي كمان في الامتحانات
وشكراً لتشريفك مدونتي والرد ولكلامك الرقيق
-----------------------------
ساعة الغروب
مش عارف يمكن منهم شوية اتضايقوا
لكن انا كنت حاسس ان الناس فرحت فيهم بصراحة
مهو اصل مش اي حد كده يشتغل على باب المعدية يعني
:))
وربك بيرزق بس المهم الواحد يتصرف صح
---------------------------
دكتور عماد
منور يا باشا
الله يكرمك عقبالك متشوف موقف زي ده وتثبتهم
:))
والحمد لله ان الاسلوب عجبك
بس بجد انا حسيت ان الموقف ده لازم يتحكي
مهو اصل مش كل يوم حتشوف 2 سياح و
ياللا بقا منهم لله اللي سايبين البلد على البحري
منورني يا باشا
--------------------------
زيزي
ولا اله الا الله
والله اكبر
وكل سنه وانتي طيبة
:D:D:D
------------------------------
باشمهندسة نقطة ميه
كل سنه وانتي طيبة
دعواتك وربنا يستر في الامتحانات يارب
---------------------
اسراء
كل سنه وانتي بالصحة والسلامة
خروف سعيييييييد
Post a Comment